Oseas 7:13 - Li Santil hu

¹³ Tokꞌob xak ruheb xban nak xineꞌxtzꞌekta̱na la̱in. Raylal ta̱cha̱lk saꞌ xbe̱neb xban nak xeꞌxkꞌetkꞌeti ribeb chicuu ut yal xcab rix xchꞌo̱leb nak xineꞌxlokꞌoni. La̱in xcuaj raj xcolbaleb, abanan eb aꞌan incꞌaꞌ xeꞌraj.

Q'eqchi Bible

¹³ “Ra chaalel sa' xb'eeneb' li xe'kanab'ank we. Tz'eqtaananb'ilaqeb' xb'aan naq xe'xjipi rib' chiwu. Laa'in teb'inkol raj, a'ut eb' a'an tik'ti' chik neke'xye chiwix.

Oseas 7:13 ပူးပေါင်းရင်းမြစ်များ

Oseas 9:12

Ut cui ta teꞌni̱nka̱nk li ralal xcꞌajol, la̱in tebinmakꞌ chiruheb. Tokꞌobak ruheb nak tebincanab la̱in, chan li Ka̱cuaꞌ.

Oseas 11:12

—Eb li ralal xcꞌajol laj Efraín junes ticꞌtiꞌic nequeꞌxba̱nu chicuu. Ut eb laj Israel junes balakꞌic nequeꞌxba̱nu. Ut eb laj Judá queꞌxkꞌetkꞌeti ribeb chicuu la̱in li tzꞌakal Dios ut yo̱queb chixqꞌuebal xlokꞌal li yi̱banbil dios.

Apocalipsis 8:13

Ut quicuil jun chanchan nimla cꞌuch yo̱ chi rupupic chiru choxa, ut yo̱ chixjapbal re chixyebal: —Cꞌajoꞌ li raylal, cꞌajoꞌ li raylal. Cꞌajoꞌ li raylal li ta̱cha̱lk saꞌ xbe̱neb li cuanqueb saꞌ ruchichꞌochꞌ nak teꞌya̱basi̱k li oxib chic chi trompeta xbaneb li oxib chi ángel, chan.

1 Juan 1:10

Cui ut nakaye nak incꞌaꞌ xoma̱cob nakaqꞌue li Dios chokꞌ aj ticꞌtiꞌ. Ut incꞌaꞌ nakapa̱b li ra̱tin.

San Mateo 23:37

Ex aj Jerusalén, ex aj Jerusalén, nequecamsiheb li tzꞌakal profeta ut nequecuti chi pec eb li nequeꞌtakla̱c e̱riqꞌuin xban li Dios. Nabal sut raj xcuaj e̱colbal joꞌ nak naxchꞌutubeb li ral li caxlan rubel lix xicꞌ. Abanan la̱ex incꞌaꞌ xeraj.

Miqueas 6:4

La̱in quin-isin chak e̱re saꞌ li naꞌajej Egipto ut la̱in quincoloc e̱re nak cuanquex chak chokꞌ rahobtesinbil mo̱s. Ut quintaklaheb chokꞌ aj cꞌamol be che̱ru laj Moisés, laj Aarón, ut lix María.

Jonás 1:10

Ut laj Jonás quixye reheb nak yo̱ chi e̱lelic chiru li Ka̱cuaꞌ. Ut cꞌajoꞌ nak queꞌxucuac li cui̱nk ut queꞌxye re: —¿Cꞌaꞌut nak xaba̱nu chi joꞌcan? chanqueb.

Jonás 1:3

Abanan laj Jonás incꞌaꞌ qui-abin chiru li Ka̱cuaꞌ. Quie̱lelic ban chiru. Co̱ saꞌ li tenamit Jope li cuan chire li palau. Aran quixtau jun li nimla jucub ac xic re Tarsis. Quixtoj re nak ta̱xic chi najt saꞌ li tenamit Tarsis ut qui-oc saꞌ li jucub. Saꞌ xchꞌo̱l aꞌan nak yo̱ chixmukbal rib chiru li Ka̱cuaꞌ.

Oseas 11:2

La̱in xcuaj raj nak xeꞌchal cuiqꞌuin, abanan nak xinbokeb, kꞌaxal cuiꞌchic xineꞌxtzꞌekta̱na. Chiruheb chic laj Baal nequeꞌmayejac ut chiruheb li yi̱banbil dios nequeꞌxcꞌat lix pomeb.

Oseas 9:17

Laj Oseas quixye: —Lin Dios tixtzꞌekta̱naheb xban nak incꞌaꞌ queꞌxba̱nu li cꞌaꞌru quixye aꞌan. Joꞌcan nak teꞌxbeni ribeb yalak bar saꞌ ruchichꞌochꞌ.

Oseas 7:3

Nasahoꞌ saꞌ xchꞌo̱l li rey joꞌqueb ajcuiꞌ li nequeꞌcꞌanjelac chiru riqꞌuin li ma̱usilal ut li balakꞌi̱nc nequeꞌxba̱nu li tenamit.

Oseas 7:1

Nak xcuaj raj xcolbaleb laj Israel, xjulticoꞌ cue lix ma̱queb li ralal xcꞌajol laj Efraín joꞌ ajcuiꞌ lix ma̱queb laj Samaria. Nequeꞌbalakꞌin, nequeꞌelkꞌac saꞌ rochocheb li ras ri̱tzꞌin, ut nequeꞌelkꞌac ajcuiꞌ saꞌ eb li be.

Ezequiel 34:6

Eb lin carner yo̱queb chixbeninquil ribeb yalak bar saꞌ eb li tzu̱l ut saꞌ eb li xbe̱n bol. Ut saꞌ chixjunil li ruchichꞌochꞌ queꞌjeqꞌui̱c ruheb. Ut ma̱ ani quisicꞌoc reheb ut ma̱ ani quipatzꞌoc reheb.

Ezequiel 18:25

Ut cui la̱ex te̱ye nak moco ti̱c ta li cꞌaꞌru yo̱quin chixba̱nunquil, la̱in li Ka̱cuaꞌ tinye e̱re: Abihomak la̱ex aj Israel. ¿Ma ya̱l nak moco ti̱c ta li cꞌaꞌru yo̱quin chixba̱nunquil? ¿Ma ma̱cuaꞌ ta biꞌ la̱ex li incꞌaꞌ nequexcuan saꞌ ti̱quilal?

Ezequiel 18:2

—¿Cꞌaꞌru nequecꞌoxla chirix li jaljo̱quil ru a̱tin aꞌin li yo̱queb chixyebal chirixeb laj Israel? Li naꞌbej yucuaꞌbej nequeꞌxlou li uvas rare ut aꞌ chic lix cocꞌaleb nequeꞌecꞌan lix rahil re.

Ezequiel 16:23

Li nimajcual Dios quixye: —Nabal li raylal ta̱cha̱lk saꞌ a̱be̱n xban nak xaba̱nu chixjunil li ma̱usilal aꞌin.

Lamentaciones 5:16

Ma̱cꞌaꞌ chic kalokꞌal. Tokꞌob ku xban nak xoma̱cob.

Jeremías 42:20

Incꞌaꞌ us xeba̱nu nak xetzꞌa̱ma chicuu nak tintijok che̱rix chiru li Ka̱cuaꞌ li kaDios. Xeye cue, “Chattijok chiru li Ka̱cuaꞌ li kaDios chikix la̱o ut ta̱ye ke chixjunil li tixye a̱cue. La̱o takaba̱nu li cꞌaꞌru tixye,” chanquex.

Jeremías 14:10

Aꞌan aꞌin li naxye li Ka̱cuaꞌ chirixeb li tenamit Israel: —Eb li tenamit aꞌin incꞌaꞌ tuktu xchꞌo̱leb cuiqꞌuin. Cocꞌ aj xsaꞌ nequeꞌxjal xcꞌaꞌuxeb. Incꞌaꞌ nacuulac chicuu li cꞌaꞌru nequeꞌxba̱nu. Cuan saꞌ inchꞌo̱l li ma̱usilal li nequeꞌxba̱nu. Joꞌcan nak la̱in tinqꞌueheb chixtojbal lix ma̱queb, chan li Dios.

Isaías 63:8

Li Ka̱cuaꞌ quixye: —Aꞌaneb li cualal incꞌajol. Incꞌaꞌ tineꞌxbalakꞌi, chan. Joꞌcan nak quixcoleb.

Isaías 59:13

La̱o xkatzꞌekta̱na li Ka̱cuaꞌ. Xkaticꞌtiꞌi ut incꞌaꞌ nakaba̱nu li cꞌaꞌru naraj. Junes ma̱usilal ut rahobtesi̱nc nakaba̱nu. Ut nakacꞌu̱b ru chanru nak tobalakꞌi̱nk.

Isaías 43:1

Anakcuan ut joꞌcaꞌin naxye e̱re li nimajcual Dios, li quiyoꞌobtesin e̱re la̱ex aj Israel, li ralal xcꞌajolex laj Jacob: —Mexxucuac xban nak La̱in xincoloc e̱re ut la̱in xinqꞌuehoc e̱cꞌabaꞌ. La̱ex cuehex chic.

Isaías 41:14

Mexxucuac, la̱ex li ralal xcꞌajolex laj Jacob. Mexxucuac la̱ex aj Israel usta ma̱cꞌaꞌ e̱cuanquil ut usta incꞌaꞌ qꞌuihex. La̱in tintenkꞌa̱nk e̱re, chan li Ka̱cuaꞌ. La̱in aj Colol e̱re. La̱in le̱ santil Dios la̱ex aj Israel.

Isaías 31:1

Raylal ta̱cha̱lk saꞌ xbe̱neb li nequeꞌxic Egipto chixsicꞌbal xtenkꞌanquileb ut nequeꞌxcꞌojob lix chꞌo̱leb saꞌ xbe̱neb li cacua̱y. Nequeꞌxcacuubresi lix chꞌo̱leb xban nak nabaleb lix carruaje ut kꞌaxal cauheb rib li nequeꞌxic chirix cacua̱y. Abanan incꞌaꞌ nequeꞌxsicꞌ li Dios Santo, lix Dioseb laj Israel, chi moco nequeꞌxtzꞌa̱ma xtenkꞌanquil riqꞌuin.

Salmos 106:10

Joꞌcaꞌin nak quixcoleb lix tenamit saꞌ rukꞌeb li xicꞌ nequeꞌiloc reheb. Quixcoleb saꞌ rukꞌeb li queꞌrahobtesin reheb.

Li xHu LAJ JOB 22:17

Ut nequeꞌxye re li Dios, “Canabo kajunes. ¿Cꞌaꞌru toa̱tenkꞌa cuiꞌ la̱at? Cuan chixjunil li cꞌaꞌru ke,” chanqueb re li nimajcual Dios.

Nehemías 1:10

Joꞌcan ut, at Ka̱cuaꞌ, misach saꞌ a̱chꞌo̱l xban nak la̱o aj cꞌanjel cha̱cuu. La̱o la̱ cualal a̱cꞌajol li coa̱col riqꞌuin la̱ cuanquilal ut riqꞌuin la̱ metzꞌe̱u.

Deuteronomio 15:15

Chijulticokꞌ e̱re chanru nak quexcuan chak la̱ex chokꞌ rahobtesinbil mo̱s aran Egipto ut li Ka̱cuaꞌ le̱ Dios quicoloc chak e̱re. Joꞌcan nak la̱in xinqꞌue e̱re li chakꞌrab aꞌin anakcuan.

Jeremías 7:15

Texintzꞌekta̱na joꞌ nak quintzꞌekta̱naheb chixjunileb le̱ rechꞌalal, li ralal xcꞌajol laj Efraín. La̱in li Ka̱cuaꞌ ninyehoc re aꞌin.—

Jeremías 51:9

Eb li cuanqueb aran queꞌxye: —Xkayal xbanbaleb laj Babilonia abanan incꞌaꞌ xeꞌqꞌuira. Kacanabakeb ut yoꞌkeb saꞌ li katenamit. Li Ka̱cuaꞌ quixqꞌueheb laj Babilonia chixtojbal lix ma̱queb xban nak xnumta li ma̱c xeꞌxba̱nu.

Miqueas 6:12

Eb li biom nequeꞌxrahobtesiheb li nebaꞌ nak nequeꞌxmakꞌ chiruheb li cꞌaꞌru cuan reheb. Ut li cuanqueb saꞌ li tenamit aj balakꞌeb ut aj ticꞌtiꞌeb.

Isaías 30:1

Li nimajcual Dios quixye: —Raylal ta̱cha̱lk saꞌ xbe̱neb li nequeꞌtaklan saꞌ xbe̱neb laj Judá xban nak xjuneseb nequeꞌxcꞌu̱b ru cꞌaꞌru teꞌxba̱nu ut incꞌaꞌ nequeꞌxpatzꞌ xnaꞌlebeb cue la̱in. Joꞌcan nak yo̱ chi numta̱c lix ma̱queb.

Isaías 30:2

Nequeꞌxic Egipto chixsicꞌbal xtenkꞌanquileb chi incꞌaꞌ nequeꞌxpatzꞌ cue ma us malaj ut incꞌaꞌ us li nequeꞌxba̱nu. Nequeꞌraj nak li tenamit Egipto ta̱colok reheb. Eb aꞌan cauheb xchꞌo̱l riqꞌuin laj faraón.

Oseas 5:7

Nequeꞌxba̱nu rib nak niquineꞌxlokꞌoni, abanan ma̱cuaꞌ la̱in nequeꞌxlokꞌoni cuu. Aꞌ ban chic li jalanil dios nequeꞌxlokꞌoni. Eb li ralal xcꞌajol ma̱cuaꞌeb chic intenamit. Joꞌcan nak chi se̱b tebinsach ut tinsach ajcuiꞌ lix naꞌajeb.