Oseas 7:10 - Li Santil hu

¹⁰ Eb laj Israel yo̱queb chi cꞌuluc raylal abanan xban lix kꞌetkꞌetileb incꞌaꞌ nequeꞌraj sukꞌi̱c cuiqꞌuin la̱in li Ka̱cuaꞌ lix Dioseb. Usta ra yo̱queb chixcꞌulbal, abanan incꞌaꞌ chic nequeꞌraj insicꞌbal.

Q'eqchi Bible

¹⁰ Li xq'etq'etileb' laj Israel yo chi numtaak sa' xb'eeneb', ab'an ink'a' neke'raj sutq'iik rik'in li Qaawa'. Us ta q'axal ra xe'xk'ul, ab'anan ink'a' neke'xsik' li Qaawa' li xYoseb'.

Oseas 7:10 ပူးပေါင်းရင်းမြစ်များ

Oseas 5:5

Xban lix kꞌetkꞌetileb laj Israel nacꞌutun nak cuanqueb xma̱c. Ut xban lix kꞌetkꞌetileb, eb li ralal xcꞌajol laj Israel ut eb li ralal xcꞌajol laj Efraín teꞌosokꞌ saꞌ li ma̱c. Ut teꞌosokꞌ ajcuiꞌ saꞌ lix ma̱queb li ralal xcꞌajol laj Judá.

Isaías 9:13

Abanan li tenamit incꞌaꞌ queꞌxsicꞌ li Ka̱cuaꞌ li nimajcual Dios li yo̱ chi qꞌuehoc reheb saꞌ raylal chi moco queꞌsukꞌi riqꞌuin.

Romanos 3:11

Ma̱ ani nataꞌoc ru lix ya̱lal. Ma̱ ani naraj xsicꞌbal li Dios. (Sal. 14:2)

Zacarías 1:4

Me̱ba̱nu joꞌ queꞌxba̱nu le̱ xeꞌto̱nil yucuaꞌ. Eb li profeta li queꞌcꞌanjelac chak junxil queꞌa̱tinac chak riqꞌuineb ut queꞌxye reheb, “Joꞌcaꞌin xye li Ka̱cuaꞌ Dios. Jalomak e̱cꞌaꞌux ut canabomak xba̱nunquil li ma̱usilal,” chanqueb. Abanan eb aꞌan incꞌaꞌ queꞌraj rabinquil li cꞌaꞌru quinye reheb, chan li Ka̱cuaꞌ.

Oseas 7:7

Xban nak numtajenak lix ma̱usilaleb, quilajeꞌxcamsiheb li nequeꞌtaklan saꞌ xbe̱neb. Ut ma̱ jun li rey quicuan saꞌ xya̱lal xbaneb. Quilajeꞌisi̱c saꞌ xcuanquileb. Ut ma̱ jun saꞌ xya̱nkeb quitzꞌa̱man chicuu nak tintenkꞌaheb, chan li Ka̱cuaꞌ.

Oseas 6:1

Eb li tenamit teꞌxye: —Kajalak kacꞌaꞌux ut sukꞌi̱ko cuiꞌchic riqꞌuin li Ka̱cuaꞌ. Quixtakla chak li raylal saꞌ kabe̱n, abanan anakcuan toxtenkꞌa. Coxrahobtesi, abanan anakcuan toxqꞌuirtesi.

Jeremías 3:3

Joꞌcan nak incꞌaꞌ chic naxqꞌue li hab. Incꞌaꞌ xtꞌaneꞌ li hab saꞌ xkꞌehil li a̱uc. Xban nak la̱ex yo̱quex chixlokꞌoninquil li jalanil dios, chanchanex li ixk li naxcꞌayi rib. Incꞌaꞌ nequexxuta̱nac.

Proverbios 27:22

Usta ta̱tenle junak li ma̱cꞌaꞌ xnaꞌleb, abanan ma̱ jokꞌe tixtau xya̱lal. Junelic ban ma̱cꞌaꞌak xnaꞌleb.

Salmos 53:2

Toj saꞌ choxa li Dios yo̱ chak chirilbaleb li cuanqueb saꞌ ruchichꞌochꞌ ma cuan ta na ju̱nkak li cuanqueb xnaꞌleb re teꞌxcꞌoxla li Dios.

Salmos 14:2

Li Ka̱cuaꞌ toj saꞌ choxa narileb chak li cuanqueb saꞌ ruchichꞌochꞌ ma cuan tana junak saꞌ xya̱nkeb cuan xnaꞌleb re tixcꞌoxla li Dios.

Salmos 10:4

Xban nak nequeꞌxnimobresi ribeb, li incꞌaꞌ useb xnaꞌleb incꞌaꞌ queꞌxsicꞌ li Dios. Ut incꞌaꞌ nequeꞌxcꞌoxla li Dios.

Sofonías 1:6

Eb li queꞌxcanab inlokꞌoninquil tinsacheb ru joꞌqueb ajcuiꞌ li ma̱ jun cua niquineꞌxlokꞌoni chi moco niquineꞌxcꞌoxla, chan li Dios.

Isaías 9:12

Eb laj Siria queꞌchal saꞌ li este ut eb laj filisteo queꞌchal saꞌ li oeste chixsachbaleb laj Israel. Abanan incꞌaꞌ quinumeꞌ xjoskꞌil li Ka̱cuaꞌ. Toj tixqꞌue chixtojbal xma̱queb li tenamit.

Oseas 13:14

¿Ma tebincol ta biꞌ chiru li ca̱mc saꞌ e̱chꞌo̱l? ¿Ma ta̱ru̱k ta biꞌ tebincol chiru xcuanquil li ca̱mc cui incꞌaꞌ nequeꞌraj eb aꞌan? Lix cuanquil li ca̱mc tenebanbil saꞌ xbe̱neb. La̱in tinqꞌuehok li ca̱mc saꞌ xbe̱neb. Incꞌaꞌ chic teꞌcuil xtokꞌoba̱l ruheb.