Oseas 6:9 - Li Santil hu

⁹ Eb laj tij chanchaneb laj e̱lkꞌ li nequeꞌxmuk ribeb saꞌ li be li naxic saꞌ li tenamit Siquem re nak teꞌxcamsi li cristian nak teꞌnumekꞌ aran. Nacuulac chiruheb laj tij xba̱nunquil li ma̱usilal.

Q'eqchi Bible

⁹ Eb' laj tij a'aneb' jun ch'uut chi aj elq' li yo'oon wankeb' chi xramb'aleb' li poyanam; neke'kamsink ut xutaanal neke'xb'aanu sa' li b'e naxik Sikem.

Oseas 6:9 ပူးပေါင်းရင်းမြစ်များ

Oseas 7:1

Nak xcuaj raj xcolbaleb laj Israel, xjulticoꞌ cue lix ma̱queb li ralal xcꞌajol laj Efraín joꞌ ajcuiꞌ lix ma̱queb laj Samaria. Nequeꞌbalakꞌin, nequeꞌelkꞌac saꞌ rochocheb li ras ri̱tzꞌin, ut nequeꞌelkꞌac ajcuiꞌ saꞌ eb li be.

Oseas 5:1

La̱ex laj tij, cherabihak li oc cue chixyebal. La̱ex laj Israel, cheqꞌuehak retal li tinye. Ex ralal xcꞌajol li rey, abihomak li tinye anakcuan. Xexrakoc raj a̱tin saꞌ xbe̱neb li tenamit saꞌ ti̱quilal. Abanan incꞌaꞌ xeba̱nu. Joꞌcan nak ta̱rakekꞌ a̱tin saꞌ e̱be̱n la̱ex ut texinqꞌue chixtojbal rix le̱ ma̱c. Xeqꞌue e̱rib joꞌ jun raꞌal reheb laj Mizpa joꞌ ajcuiꞌ reheb laj Tabor.

San Juan 11:47

Ut eb laj fariseo rochbeneb li xbe̱nil aj tij queꞌxchꞌutub ribeb riqꞌuineb li nequeꞌtaklan saꞌ xya̱nkeb laj judío ut queꞌxye reheb: —¿Cꞌaꞌru takaba̱nu? Li cui̱nk aꞌin nabal li milagro yo̱ chixba̱nunquil.

San Marcos 14:1

Cuib cutan chic ma̱ nacuulac xkꞌehil li ninkꞌe re xjulticanquil li reliqueb laj Israel saꞌ li tenamit Egipto. Pascua nayeman re li ninkꞌe aꞌan. Aꞌan ajcuiꞌ xkꞌehil li ninkꞌe nak nequeꞌxcuaꞌ li caxlan cua chi ma̱cꞌaꞌ xchꞌamal. Saꞌ eb li cutan aꞌan eb lix be̱nil aj tij ut eb laj tzꞌi̱b yo̱queb chixsicꞌbal chanru nak teꞌxyoꞌob a̱tin chirix li Jesús re nak teꞌxqꞌue chi camsi̱c.

Sofonías 3:3

Eb laj cꞌamol be saꞌ li tenamit chanchaneb li joskꞌ aj cakcoj li teꞌtzꞌoca̱k. Ut eb li nequeꞌrakoc a̱tin saꞌ xbe̱neb li tenamit, chanchaneb laj xoj li nequeꞌbe̱c chi kꞌek chixsicꞌbal li cꞌaꞌru teꞌxtiu ut nak nequeꞌxtau, nequeꞌxchoy chi junaj cua. Chi moco li bak nequeꞌxcanab bayak re cuulaj.

Miqueas 3:9

Abihomak li oc cue xyebal e̱re la̱ex li nequexcꞌamoc be chiruheb laj Israel li ralal xcꞌajol laj Jacob. Abihomak la̱ex li cuan e̱cuanquil saꞌ xya̱nkeb. La̱ex xicꞌ nequeril li ti̱quilal ut nequesukꞌisi li us chokꞌ ma̱usilal.

Ezequiel 22:27

Eb li nequeꞌtaklan saꞌ li tenamit chanchaneb chic laj xoj li yo̱queb chixtꞌupbal lix tibeb. Nequeꞌxcamsiheb li ras ri̱tzꞌin xban xsicꞌbal xbiomaleb.

Ezequiel 22:9

Saꞌ e̱ya̱nk cuanqueb li nequeꞌyoꞌoban ticꞌtiꞌ chirixeb li ras ri̱tzꞌin re nak teꞌcamsi̱k. Cuanqueb li nequeꞌxcuaꞌ li tzacae̱mk li quimayeja̱c chiruheb li jalanil dios saꞌ eb li tzu̱l. Ut nequeꞌxba̱nu li ma̱usilal.

Jeremías 11:9

Li Ka̱cuaꞌ quixye: —Eb li cuanqueb Judá ut eb li cuanqueb Jerusalén yo̱queb chixcꞌu̱banquil chanru nak tineꞌxtzꞌekta̱na.

Esdras 8:31

Cablaju xbe li xbe̱n po co-el aran cuan cuiꞌ li nimaꞌ Ahava ut co̱o Jerusalén. Li Ka̱cuaꞌ cuan kiqꞌuin ut aꞌan quicoloc ke chiruheb li xicꞌ nequeꞌiloc ke joꞌqueb ajcuiꞌ chiruheb laj e̱lkꞌ li cuanqueb saꞌ li be li co̱o cuiꞌ.

1 Reyes 12:25

Ut laj Jeroboam quixtakla xyi̱banquil chi cha̱bil li tenamit Siquem li cuan saꞌ li tzu̱l aran Efraín ut quicana chi cua̱nc aran. Ut quixyi̱b ajcuiꞌ chi cha̱bil li tenamit Penuel.

Hechos 4:24

Nak queꞌrabi aꞌan, chixjunileb laj pa̱banel queꞌtijoc chiru li Dios saꞌ comonil ut queꞌxye: —At Ka̱cuaꞌ at nimajcual Dios, la̱at catyi̱ban re li choxa, li ruchichꞌochꞌ, ut li palau. La̱at catyi̱ban re chixjunil li cꞌaꞌru cuan.

Ezequiel 22:25

Eb li nequeꞌcꞌamoc be chanchaneb li cakcoj li yo̱queb chixjapbal re saꞌ xbe̱n lix tib. Nequeꞌxcamsiheb li rech tenamitil ut nequeꞌxmakꞌ chiruheb li cꞌaꞌru reheb. Nabaleb li xma̱lcaꞌan xban nak queꞌcamsi̱c lix be̱lomeb.

Ezequiel 23:27

La̱in tinba̱nu̱nk re nak incꞌaꞌ chic te̱ba̱nu li ma̱usilal ut incꞌaꞌ chic te̱raj te̱cꞌayi e̱rib chi moco ta̱nak chic saꞌ e̱chꞌo̱l li cꞌaꞌru queba̱nu chak Egipto.

Oseas 2:10

Chiruheb chixjunileb li cui̱nk li naxra, la̱in tinmakꞌ chiru li cꞌaꞌru cuan re. Chanchan tꞌustꞌu tincanab chiruheb ut ma̱ ani ta̱ru̱k ta̱colok re saꞌ cuukꞌ.

Oseas 4:2

Nequeꞌxba̱nu li juramento ut incꞌaꞌ nequeꞌxba̱nu li cꞌaꞌru nequeꞌxye. Nequeꞌticꞌtiꞌic ut nequeꞌcamsin. Nequeꞌelkꞌac ut nequeꞌmuxuc caxa̱r. Yo̱ chi numta̱c lix ma̱usilaleb ut junes xcamsinquil ribeb nequeꞌxba̱nu rajlal.

Oseas 5:2

Chanchan nak xebec jun li jul kꞌaxal cham chokꞌ re li raꞌal xban lix qꞌuial li ma̱usilal nequeba̱nu. Joꞌcan nak texinqꞌue chixtojbal rix le̱ ma̱usilal che̱junilex la̱ex.

Génesis 12:6

Laj Abram yo̱ chi numecꞌ saꞌ li tenamit aꞌan nak coxtau li naꞌajej Siquem. Aran cuan jun to̱n li cheꞌ ji re jun li cui̱nk aj More xcꞌabaꞌ. Saꞌ li naꞌajej aꞌan cuanqueb laj cananeo.

Miqueas 7:2

Ma̱ jun chic li cui̱nk ti̱c xchꞌo̱l saꞌ ruchichꞌochꞌ ut ma̱ ani chic junak cha̱bil. Chixjunileb nequeꞌcamsin ut li junju̱nk nequeꞌxsicꞌ chanru nak ta̱ru̱k teꞌxbalakꞌi li ras ri̱tzꞌin.