Oseas 6:8 - Li Santil hu

⁸ Kꞌaxal nabaleb li cui̱nk yibru xnaꞌlebeb saꞌ li tenamit Galaad ut nabaleb ajcuiꞌ li nequeꞌxcamsi ras ri̱tzꞌin.

Q'eqchi Bible

⁸ Galahad a'an xna'ajeb' li ink'a' useb' xna'leb', ut nujenaq chi kik'.

Oseas 6:8 ပူးပေါင်းရင်းမြစ်များ

Oseas 12:11

—¿Ma incꞌaꞌ ta biꞌ numtajenak li ma̱c aran Galaad? Relic chi ya̱l nak numtajenak li ma̱c. Aran Gilgal nequeꞌxmayeja li cuacax. Abanan ta̱cuulak xkꞌehil nak ma̱cꞌaꞌ chic teꞌoc cuiꞌ lix artaleb. Chanchan li pec yal tu̱btu teꞌcana̱k saꞌ lix naꞌajeb.

Hechos 25:3

Queꞌxtzꞌa̱ma chiru laj Festo nak tixba̱nu li usilal, tixtakla cuiꞌchic Jerusalén laj Pablo xban nak queꞌxcꞌoxla xrambal saꞌ be re xcamsinquil.

Miqueas 7:2

Ma̱ jun chic li cui̱nk ti̱c xchꞌo̱l saꞌ ruchichꞌochꞌ ut ma̱ ani chic junak cha̱bil. Chixjunileb nequeꞌcamsin ut li junju̱nk nequeꞌxsicꞌ chanru nak ta̱ru̱k teꞌxbalakꞌi li ras ri̱tzꞌin.

Oseas 5:1

La̱ex laj tij, cherabihak li oc cue chixyebal. La̱ex laj Israel, cheqꞌuehak retal li tinye. Ex ralal xcꞌajol li rey, abihomak li tinye anakcuan. Xexrakoc raj a̱tin saꞌ xbe̱neb li tenamit saꞌ ti̱quilal. Abanan incꞌaꞌ xeba̱nu. Joꞌcan nak ta̱rakekꞌ a̱tin saꞌ e̱be̱n la̱ex ut texinqꞌue chixtojbal rix le̱ ma̱c. Xeqꞌue e̱rib joꞌ jun raꞌal reheb laj Mizpa joꞌ ajcuiꞌ reheb laj Tabor.

Oseas 4:2

Nequeꞌxba̱nu li juramento ut incꞌaꞌ nequeꞌxba̱nu li cꞌaꞌru nequeꞌxye. Nequeꞌticꞌtiꞌic ut nequeꞌcamsin. Nequeꞌelkꞌac ut nequeꞌmuxuc caxa̱r. Yo̱ chi numta̱c lix ma̱usilaleb ut junes xcamsinquil ribeb nequeꞌxba̱nu rajlal.

Jeremías 11:19

La̱in chanchanin jun li carner li yo̱ chi cꞌamecꞌ chi camsi̱c. Ma̱cꞌaꞌ saꞌ inchꞌo̱l nak yo̱queb chixcꞌu̱banquil chanru nak tineꞌxcamsi. Yo̱queb chixyebal, “Kacamsihak li cui̱nk aꞌin joꞌ nak nayoqꞌueꞌ li cheꞌ li cuan ru. Kisihak chi jun aj cua saꞌ ruchichꞌochꞌ re nak ma̱ ani chic ta̱jultica̱nk re,” chanqueb.

Isaías 59:6

Lix quem aj am ma̱cꞌaꞌ na-oc cuiꞌ. Moco naru ta nayi̱baman li tꞌicr riqꞌuin, chi moco naru ta nacꞌanjelac che̱ru re te̱tzꞌap e̱rib riqꞌuin. Joꞌcan ajcuiꞌ la̱ex. Ma̱cꞌaꞌ nequex-oc cuiꞌ. Junes ma̱usilal ut rahobtesi̱nc nequeba̱nu.

Salmos 59:2

China̱col chiruheb li cui̱nk aꞌin li numtajenak xma̱usilaleb. China̱col chiruheb xban nak aj camsineleb.

Salmos 10:8

Nequeꞌxmuk rib chire li tenamit ut aran nequeꞌroybeni re nak teꞌxcamsi li ma̱cꞌaꞌeb xma̱c. Nequeꞌxqꞌue retal ani incꞌaꞌ naru naxcol rib.

1 Reyes 2:5

La̱at nacanau cꞌaꞌru quixba̱nu cue laj Joab lix yum lix Sarvia. Nacanau nak quixcamsiheb li cuib li queꞌtaklan saꞌ xbe̱neb li soldados aj Israel. Quixcamsi laj Abner li ralal laj Ner ut quixcamsi ajcuiꞌ laj Amasa li ralal laj Jeter. Incꞌaꞌ yo̱ li ple̱t nak quixcamsiheb re xqꞌuebal re̱kaj li camsi̱nc queꞌxba̱nu nak yo̱ li ple̱t. Ut riqꞌuin li camsi̱nc li quixba̱nu, quixqꞌue saꞌ inbe̱n la̱in li ma̱c, usta aꞌan raj li cuan xma̱c.

2 Samuel 20:8

Nak queꞌcuulac nachꞌ cuan cuiꞌ li nimla pec aran Gabaón, queꞌcꞌuleꞌ xban laj Amasa. Laj Joab cuan rakꞌ soldado chirix. Lix chꞌi̱chꞌ cuan saꞌ xcꞌa̱mal xsaꞌ. Nak yo̱ chi nachꞌoc riqꞌuin laj Amasa, lix chꞌi̱chꞌ laj Joab quitꞌaneꞌ saꞌ chꞌochꞌ.

2 Samuel 3:27

Nak laj Abner quicuulac Hebrón, laj Joab quixcꞌam chi mukmu saꞌ li oqueba̱l re ta̱a̱tinak riqꞌuin xjunes. Ut quixcuj lix chꞌi̱chꞌ saꞌ xcꞌatk xsaꞌ ut quixcamsi. Quixcamsi re tixtoj rix li ma̱c li quixba̱nu nak quixcamsi laj Asael li ri̱tzꞌin laj Joab.

Josué 21:38

Ut eb li tenamit li queꞌxcꞌul riqꞌuineb li ralal xcꞌajol laj Gad, aꞌaneb aꞌin: Mahanaim ut Ramot li cuan Galaad, li quisiqꞌueꞌ ru re teꞌxcol cuiꞌ rib li nequeꞌxcamsi ras ri̱tzꞌin chi incꞌaꞌ yal nequeꞌraj xchꞌo̱l.

Salmos 141:4

China̱tenkꞌa re nak incꞌaꞌ ta̱xic inchꞌo̱l chirix li incꞌaꞌ us. Incꞌaꞌ taxak tinba̱nu li ma̱usilal li nequeꞌxba̱nu li incꞌaꞌ useb xnaꞌleb. Ut incꞌaꞌ taxak tincua̱nk saꞌ lix ninkꞌeheb li nequeꞌxba̱nu.

Oseas 12:12

Laj Jacob le̱ xeꞌto̱nil yucuaꞌ quie̱lelic ut co̱ saꞌ lix chꞌochꞌeb laj Aram. Aran quitrabajic re nak ta̱qꞌuehekꞌ li rixakil. Xban nak rixakil quiraj, quicꞌanjelac chokꞌ aj ilol xul.