Oseas 6:6 - Li Santil hu

⁶ Ma̱cꞌaꞌ aj e nak nequexmayejac chicuu cui incꞌaꞌ nequex-uxta̱nan u. Ut ma̱cꞌaꞌ aj e nak nequexcꞌatoc xul cui incꞌaꞌ niquine̱pa̱b chi anchal e̱chꞌo̱l.

Q'eqchi Bible

⁶ Li nawoyb'eni eerik'in, a'an naq tineera, ut maawa' junes mayejak. Maak'a' aj e naq nekek'at leemayej chiwu laa'in wi ink'a' nekek'e inloq'al jo' Yos.

Oseas 6:6 ပူးပေါင်းရင်းမြစ်များ

San Mateo 9:13

Cheqꞌuehak biꞌ e̱chꞌo̱l chixtaubal ru lix ya̱lal li a̱tin aꞌin: “li kꞌaxal lokꞌ chicuu, aꞌan li uxta̱na̱nc u ut ma̱cuaꞌ li mayejac xul”. La̱in incꞌaꞌ xinchal chixsicꞌbal li ti̱queb xchꞌo̱l. Xinchal ban chixsicꞌbaleb laj ma̱c re nak teꞌyotꞌekꞌ xchꞌo̱l teꞌxjal xcꞌaꞌux, chan li Jesús.

San Mateo 12:7

La̱ex incꞌaꞌ nequenau xya̱lal li a̱tin aꞌin li tzꞌi̱banbil saꞌ li Santil Hu: Li nacuulac chicuu la̱in, aꞌan nak tex-uxta̱na̱nk u ut ma̱cuaꞌ nak texmayejak xul. (Ose. 6:6) Cui ta xetau ru li naꞌleb aꞌin, incꞌaꞌ raj xetzꞌekta̱naheb li ma̱cꞌaꞌeb xma̱c.

Proverbios 21:3

Chexcua̱nk saꞌ cha̱bilal ut saꞌ ti̱quilal xban nak aꞌan li kꞌaxal lokꞌ chiru li Dios chiru li cꞌatbil mayej.

1 Samuel 15:22

Laj Samuel quixye re: —¿Cꞌaꞌru li kꞌaxal lokꞌ chiru li Ka̱cuaꞌ? ¿Ma li mayejac malaj ut li abi̱nc? Chiru li Ka̱cuaꞌ li abi̱nc, aꞌan li kꞌaxal lokꞌ chiru li mayejac. Li xba̱nunquil li cꞌaꞌru naxye li Dios, aꞌan kꞌaxal lokꞌ chiru xcꞌatbal xxe̱bul li carner.

Amós 5:21

Li Ka̱cuaꞌ quixye: —Xicꞌ nacuil le̱ ninkꞌe ut nintzꞌekta̱na chixjunil li cꞌaꞌru nequeba̱nu nak nequexninkꞌei̱c. Incꞌaꞌ nacuulac chicuu nak nequechꞌutub e̱rib chinlokꞌoninquil.

Isaías 1:11

Li Dios quixye: —Ma̱cꞌaꞌ na-oc cuiꞌ cue li qꞌuila mayej nequemayeja chicuu. Xintitzꞌ xban le̱ cꞌatbil mayej. Xintitzꞌ riqꞌuin li cꞌatbil carner ut lix xe̱bul li sa̱j cuacax ni̱nkeb xtibel. Incꞌaꞌ chic nacuulac chicuu lix quiqꞌuel li toro, li carner, ut li chiba̱t.

Eclesiastés 5:1

Nak texxic saꞌ lix templo li Dios cheqꞌuehak retal chi us chanru le̱ naꞌleb. Incꞌaꞌ te̱qꞌue e̱chꞌo̱l xqꞌuebal li cꞌatbil mayej joꞌ nequeꞌxba̱nu li ma̱cꞌaꞌeb xnaꞌleb. Eb aꞌan incꞌaꞌ nequeꞌxqꞌue retal nak incꞌaꞌ us yo̱queb xban nak incꞌaꞌ nequeꞌxtau ru lix ya̱lal li yo̱queb chixba̱nunquil. Cheqꞌuehak ban e̱chꞌo̱l chixtzolbal lix ya̱lal.

Jeremías 22:16

Saꞌ xya̱lal quirakoc a̱tin saꞌ xbe̱neb li nebaꞌ ut saꞌ xbe̱neb li rahobtesinbileb. Ut us qui-el riqꞌuin chixjunil li quixba̱nu. Joꞌcan tzꞌakal inpa̱banquil, chan li Dios.

San Mateo 5:7

Us xak reheb li nequeꞌuxta̱nan u xban nak eb aꞌan teꞌuxta̱na̱k ruheb xban li Dios.

Daniel 4:27

At rey Nabucodonosor, chacꞌul taxak li cua̱tin. Chacanabak xba̱nunquil li ma̱c ut chaba̱nu li ti̱quilal. Ma̱ba̱nu chic li ma̱usilal. Chacuuxta̱na taxak ruheb li nebaꞌ. Cui ta̱ba̱nu aꞌan, ma̱re chan nak toj tatcana̱k saꞌ la̱ cuanquil, chan laj Daniel.

1 Crónicas 28:9

Ut la̱at, at Salomón, at cualal, chapa̱b li Ka̱cuaꞌ lix Dios la̱ yucuaꞌ ut chatcꞌanjelak chiru chi anchal a̱chꞌo̱l ut saꞌ ti̱quilal. Li Ka̱cuaꞌ, aꞌan naxnau cꞌaꞌru cuan saꞌ xchꞌo̱l li junju̱nk ut naxnau chanru lix naꞌleb. Cui la̱at ta̱sicꞌ li Dios, aꞌan ta̱tenkꞌa̱nk a̱cue. Cui ut ta̱tzꞌekta̱na, aꞌan tatxtzꞌekta̱na ajcuiꞌ la̱at chi junaj cua.

Jeremías 7:22

Nak la̱in quincuisiheb le̱ xeꞌto̱nil yucuaꞌ aran Egipto, incꞌaꞌ quinye reheb nak tento teꞌxqꞌue lix cꞌatbil mayej ut li mayej li jun chꞌol chic.

1 Juan 3:6

Joꞌcan nak li ani cau xchꞌo̱l chixta̱kenquil li Cristo, incꞌaꞌ chic yo̱k chi ma̱cobc. Abanan li ani toj yo̱ chi ma̱cobc incꞌaꞌ naxnau li rusilal li Cristo ut incꞌaꞌ napa̱ban.

1 Juan 2:3

Cui la̱o nakaba̱nu li cꞌaꞌru naraj li Dios, relic chi ya̱l nak la̱o reho chic li Dios.

Miqueas 6:6

¿Cꞌaꞌru ta̱ru̱k takaqꞌue re li Ka̱cuaꞌ ut chanru nak takaqꞌue xlokꞌal li nimajcual Dios? ¿Ma ta̱ru̱k takamayeja li cꞌatbil mayej chiru malaj junak li cuacax toj jun chihab cuan re?

Oseas 4:1

Abihomak ra̱tin li Ka̱cuaꞌ, ex ralal xcꞌajol laj Israel, xban nak yo̱ xjoskꞌil saꞌ e̱be̱n la̱ex li cuanquex saꞌ li naꞌajej aꞌin. Joꞌcaꞌin yo̱ chixyebal li Ka̱cuaꞌ Dios: —Ma̱ ani ti̱c xchꞌo̱l ut ma̱ ani na-uxta̱nan u ut ma̱ ani naqꞌuehoc retal nak La̱in li Ka̱cuaꞌ Dios.

Isaías 58:6

Li ayunic li nacuulac chicuu la̱in, aꞌan aꞌin: te̱canab xba̱nunquil li ma̱usilal reheb li nequeꞌcꞌanjelac che̱ru. Chanchan nak te̱tꞌup li cadena li bacꞌbo̱queb cuiꞌ nak te̱canabeb chi xic. Chanchan nak te̱risi li i̱k cuan saꞌ xbe̱neb nak te̱canab xrahobtesinquileb.

Oseas 2:20

La̱in texincꞌam cuiꞌchic cuiqꞌuin saꞌ cha̱bilal. Ut la̱ex te̱nau nak la̱in li Ka̱cuaꞌ.

Salmos 50:8

Moco xban ta li cꞌatbil mayej nak texinkꞌus xban nak junelic yo̱quex chixqꞌuebal li mayej chicuu.

San Marcos 12:33

Tento nak takara li Dios chi anchal li kachꞌo̱l, chi anchal li kacꞌaꞌux, chi anchal li ka̱m ut chi anchal li kametzꞌe̱u. Ut takara li kas ki̱tzꞌin joꞌ nak nakara kib la̱o. Aꞌan kꞌaxal nim xcuanquil chiruheb chixjunil li cꞌatbil mayej ut li mayejanbil xul, chan.

Oseas 14:2

Chexsukꞌi̱k cuiꞌchic riqꞌuin li Ka̱cuaꞌ ut joꞌcaꞌin te̱ye re: —Chacuy chasach taxak li kama̱c. Chasume taxak li katij. Li kamayej li takaqꞌue a̱cue, aꞌan la̱ lokꞌoninquil.

Miqueas 6:8

Li Ka̱cuaꞌ incꞌaꞌ naraj aꞌan. Ac chꞌolchꞌo chiku li cꞌaꞌru us. Ac yebil ke cꞌaꞌru naraj li Ka̱cuaꞌ. Li Ka̱cuaꞌ naraj nak tocua̱nk saꞌ ti̱quilal ut takaqꞌue kachꞌo̱l chi uxta̱na̱nc u, ut chikacubsi kib re nak tocua̱nk chi sum a̱tin riqꞌuin li Dios.

Josué 5:5

Eb li cui̱nk li queꞌel chak Egipto ac xeꞌxcꞌul li circuncisión, abanan toj ma̱jiꞌ xeꞌxcꞌul li circuncisión eb li queꞌyoꞌla nak yo̱queb chi numecꞌ saꞌ li chaki chꞌochꞌ.

Oseas 8:13

Nequeꞌxmayeja li xul chicuu ut eb aꞌan ajcuiꞌ li nequeꞌtzacan re. La̱in incꞌaꞌ nacuulac chicuu lix mayejeb xban nak najulticoꞌ cue li ma̱usilal nequeꞌxba̱nu. Joꞌcan nak re xtojbal rixeb lix ma̱c, ta̱cha̱lk li raylal saꞌ xbe̱neb. Chanchan li raylal li queꞌxcꞌul nak cuanqueb chak Egipto.