Oseas 6:2 - Li Santil hu

² Usta ac xsach ku, abanan tixqꞌue cuiꞌchic li kayuꞌam chiru cuib oxib cutan ut tocua̱nk riqꞌuin.

Q'eqchi Bible

² Sa' wiib' kutan tixk'e wi' chik qayu'am, ut sa' rox li kutan tooxwaklesi wi' chik re naq wanqo rik'in.

Oseas 6:2 ပူးပေါင်းရင်းမြစ်များ

2 Reyes 20:5

—Sukꞌin riqꞌuin laj Ezequías, li nacꞌamoc be chiruheb lin tenamit. Ut ta̱ye re, “Joꞌcaꞌin xye li Ka̱cuaꞌ, lix Dios laj David la̱ xeꞌto̱nil yucuaꞌ: La̱in xcuabi la̱ tij ut xinqꞌue retal nak yo̱cat chi ya̱bac. Anakcuan tatinqꞌuirtesi. Ut saꞌ oxib cutan naru chic tatxic saꞌ lin templo.

1 Corintios 15:4

Joꞌ nak queꞌxtzꞌi̱ba chak li profeta najter, joꞌcan quicꞌulman. Li Ka̱cuaꞌ Jesucristo quimukeꞌ ut quicuacli cuiꞌchic chi yoꞌyo saꞌ rox li cutan.

Isaías 26:19

Abanan eb la̱ tenamit li queꞌcam teꞌcuacli̱k cuiꞌchic chi yoꞌyo. Chixjunileb li cuanqueb saꞌ li mukleba̱l teꞌcuacli̱k cuiꞌchic chi yoꞌyo ut teꞌxjap reheb xban xsahil xchꞌo̱leb. Li Ka̱cuaꞌ tixcuaclesiheb cuiꞌchic chi yoꞌyo li camenak joꞌ nak li xchuꞌque naxqꞌueheb chi yoꞌla̱c li acui̱mk.

San Juan 14:19

Cuulac re xkꞌehil nak incꞌaꞌ chic teꞌril cuu li incꞌaꞌ nequeꞌpa̱ban cue. Abanan la̱ex te̱ril cuu. Ut xban nak yoꞌyo̱kin la̱in, yoꞌyo̱kex ajcuiꞌ la̱ex.

Oseas 13:14

¿Ma tebincol ta biꞌ chiru li ca̱mc saꞌ e̱chꞌo̱l? ¿Ma ta̱ru̱k ta biꞌ tebincol chiru xcuanquil li ca̱mc cui incꞌaꞌ nequeꞌraj eb aꞌan? Lix cuanquil li ca̱mc tenebanbil saꞌ xbe̱neb. La̱in tinqꞌuehok li ca̱mc saꞌ xbe̱neb. Incꞌaꞌ chic teꞌcuil xtokꞌoba̱l ruheb.

Génesis 17:18

Ut laj Abraham quixye re li Dios, —Usan cui laj Ismael tixcꞌul li usilal a̱cuiqꞌuin, chan.

Romanos 14:8

Nak yoꞌyo̱co nakaqꞌue xlokꞌal li Ka̱cuaꞌ Dios riqꞌuin li kayuꞌam. Ut nak nococam, nakaqꞌue ajcuiꞌ xlokꞌal riqꞌuin li kacamic. Joꞌcan ut cui yoꞌyo̱co ut cui nococam aꞌ yal re li Dios saꞌ kabe̱n xban nak aꞌan chic laj e̱chal ke.

Salmos 61:7

Aꞌ taxak la̱ cuusilal chicua̱nk cuiqꞌuin chi junelic nak cua̱nkin chokꞌ rey. China̱cuil riqꞌuin xnimal la̱ cuuxta̱n ut la̱ ti̱quilal.

Salmos 71:20

Usta xina̱canab chixcꞌulbal nabal li raylal ut li chꞌaꞌajquilal, abanan la̱at ta̱qꞌue cuiꞌchic incacuilal. Chanchan cuanquin saꞌ li chamal jul nak yo̱quin chixcꞌulbal li raylal. Abanan la̱at tatcolok cue.

Eclesiastés 3:3

Cuan li ho̱nal re camsi̱nc ut cuan li ho̱nal re banoc. Cuan xcutanquil li sachoc, ut cuan ajcuiꞌ xcutanquil xcuaclesinquil cuiꞌchic li ac tꞌanenak.

Isaías 30:26

Li po ta̱lemtzꞌu̱nk joꞌ li sakꞌe. Ut li sakꞌe kꞌaxal cuiꞌchic ta̱lemtzꞌu̱nk. Cuukub sut xtikcual chiru li naxqꞌue rajlal cutan. Chixjunil aꞌin ta̱cꞌulma̱nk saꞌ eb li cutan nak li Ka̱cuaꞌ tixcꞌameb cuiꞌchic saꞌ usilal lix tenamit ut tixqꞌueheb cuiꞌchic chi cua̱nc saꞌ lix naꞌajeb.

Oseas 7:2

Incꞌaꞌ nequeꞌxcꞌoxla nak la̱in yo̱quin chixqꞌuebal retal lix ma̱usilaleb. La̱in nacuil nak li ma̱c yo̱ chi numta̱c saꞌ xbe̱neb.