Oseas 6:11 - Li Santil hu

¹¹ Ac xinxakab li cutan nak texinqꞌue chixtojbal rix le̱ ma̱c la̱ex aj Judá. Abanan ta̱cuulak xkꞌehil nak texcuosobtesi cuiꞌchic.

Q'eqchi Bible

¹¹ Ut cho'q aawe, at Judá, ak xaqxo sa' aab'een li xkutankil li tojb'amaak.

Oseas 6:11 ပူးပေါင်းရင်းမြစ်များ

Joel 3:13

Chanchan li trigo li ac xcuulac xkꞌehil xyocꞌbal ut chanchan li uvas li ac xcuulac xkꞌehil nak ta̱yatzꞌekꞌ; joꞌcan nak ac xcuulac xkꞌehil nak tinsach ruheb xban nak ac xnumta li ma̱usilal li xeꞌxba̱nu.

Jeremías 51:33

Li Ka̱cuaꞌ li nimajcual Dios, lix Dioseb laj Israel, quixye: —Eb laj Babilonia teꞌsachekꞌ ru chixjunileb. Chanchanakeb li trigo li nayekꞌiman re risinquil li rix.—

Li xHu LAJ JOB 42:10

Nak ac xrakeꞌ chi tijoc laj Job chirixeb li rami̱g, li Ka̱cuaꞌ quirisi li raylal saꞌ xbe̱n. Quixqꞌue cuiꞌchic li cꞌaꞌru re. Caꞌ sut chic xqꞌuial li cꞌaꞌru re quixqꞌue chiru li quicuan junxil.

Apocalipsis 14:15

Ut jun chic li ángel qui-el chak saꞌ xtemplo li Dios. Yo̱ chi a̱tinac riqꞌuin li Jun li cꞌojcꞌo saꞌ xbe̱n li chok ut quixye re chi cau xya̱b xcux: —Tiquib xyocꞌbal li acui̱mk saꞌ ruchichꞌochꞌ. Ac xcuulac xkꞌehil xxocbal li ru li acui̱mk xban nak ac xkꞌanoꞌ, chan.

Sofonías 2:7

Ut li joꞌ qꞌuial chic li teꞌcolekꞌ saꞌ li naꞌajej Judá, aꞌaneb chic teꞌe̱chani̱nk re lix naꞌajeb laj Ascalón ut aran chic teꞌcua̱nk. Chiru li kꞌojyi̱n teꞌcua̱rk saꞌ li rochocheb laj Ascalón xban nak li Ka̱cuaꞌ lix Dioseb tixtenkꞌaheb ut ta̱rosobtesiheb cuiꞌchic.

Miqueas 4:12

Abanan eb li tenamit aꞌin incꞌaꞌ nequeꞌxtau ru lix cꞌaꞌux li Dios chi moco nequeꞌxtau ru li cꞌaꞌru naraj. Ut incꞌaꞌ nequeꞌxqꞌue retal nak li Ka̱cuaꞌ ac xchꞌutubeb ru re tixqꞌueheb chixtojbal rix lix ma̱queb, joꞌ nak nequeꞌxchꞌutub li trigo nak oqueb re chirisinquil li rix.

Salmos 126:1

Cꞌajoꞌ nak quisahoꞌ li kachꞌo̱l nak li Ka̱cuaꞌ coxqꞌue cuiꞌchic chi sukꞌi̱c Jerusalén. Chanchan matqꞌuec yo̱co.

Salmos 85:1

At Ka̱cuaꞌ, la̱at kꞌaxal cha̱bilat kiqꞌuin la̱o la̱ tenamit. Joꞌcan nak xoa̱cꞌam cuiꞌchic saꞌ li kanaꞌaj, la̱o li ralal xcꞌajol laj Jacob.

Jeremías 30:10

Li Ka̱cuaꞌ quixye: —Mexxucuac la̱ex li ralal xcꞌajol laj Jacob laj cꞌanjel chicuu. Mexxucuac la̱ex aj Israel. La̱in tincolok e̱re saꞌ li najtil tenamit. La̱in tincolok reheb le̱ ralal e̱cꞌajol saꞌ li naꞌajej li queꞌcꞌameꞌ cuiꞌ. Eb li ralal xcꞌajol laj Jacob teꞌcua̱nk cuiꞌchic saꞌ tuktu̱quil usilal ut incꞌaꞌ chic teꞌxucuak.