Oseas 6:1 - Li Santil hu

¹ Eb li tenamit teꞌxye: —Kajalak kacꞌaꞌux ut sukꞌi̱ko cuiꞌchic riqꞌuin li Ka̱cuaꞌ. Quixtakla chak li raylal saꞌ kabe̱n, abanan anakcuan toxtenkꞌa. Coxrahobtesi, abanan anakcuan toxqꞌuirtesi.

Q'eqchi Bible

¹ “Yo'qeb', sutq'iiqo rik'in li Qaawa', xb'aan naq A'an xrahob'tesink qe, ab'an anaqwan tooxk'irtasi; A'an xtiq'ok qe, ut anaqwan tooxb'an.

Oseas 6:1 ပူးပေါင်းရင်းမြစ်များ

Deuteronomio 32:39

¿Ma incꞌaꞌ nequenau nak la̱in li Ka̱cuaꞌ Dios? Ma̱cꞌaꞌ chic junak dios chicuu la̱in. Caꞌaj cuiꞌ la̱in. La̱in nincamsin ut la̱in ninqꞌuehoc yuꞌam. La̱in ninqꞌuehoc raylal ut la̱in ninbanoc. Ut ma̱ ani ta̱ru̱k tixcol rib saꞌ cuukꞌ.

Li xHu LAJ JOB 5:18

Cui li Dios naxqꞌue junak raylal saꞌ kabe̱n, aꞌan ajcuiꞌ ta̱tenkꞌa̱nk ke chixcuybal. Cui aꞌan naqꞌuehoc ke chi cꞌuluc raylal, aꞌan ajcuiꞌ ta̱cꞌojoba̱nk re li kachꞌo̱l.

1 Samuel 2:6

Li nimajcual Dios, aꞌan li ya̱l re saꞌ xbe̱n chixjunil. Li ani naraj naxqꞌue xyuꞌam ut li ani naraj narisi xyuꞌam. Cui ani naraj tixcuaclesiheb cuiꞌchic chi yoꞌyo, ut cui aꞌan naraj tixcanabeb chi camenak.

Oseas 14:4

Ut li Ka̱cuaꞌ texsume ut tixye e̱re: —La̱in tincuisi chixjunil le̱ ma̱usilal. Ut yal xban li cuusilal, texinra xban nak incꞌaꞌ chic yo̱ injoskꞌil saꞌ e̱be̱n.

Isaías 55:7

Ut eb li incꞌaꞌ useb xnaꞌleb cheꞌxcanabak xba̱nunquil li ma̱usilal. Cheꞌxjal lix cꞌaꞌuxeb ut cheꞌcha̱lk riqꞌuin li Ka̱cuaꞌ ut ta̱uxta̱na̱k ruheb xban. Cheꞌcha̱lk riqꞌuin li kaDios li kꞌaxal nim xcuyum chixcuybal li ma̱c.

Jeremías 30:17

La̱in texinqꞌuirtesi ut tinban le̱ yocꞌolal, usta eb li xicꞌ nequeꞌiloc e̱re nequeꞌxye nak li tenamit Sión tzꞌekta̱nanbil ut ma̱ ani nacꞌoxlan re.

Isaías 2:3

Ut eb li tenamit teꞌxye: —Quimkex ut takekꞌo saꞌ xbe̱n li tzu̱l cuan cuiꞌ li rochoch li Dios. Toxic saꞌ li rochoch lix Dios laj Jacob. Ut aꞌan tixcꞌut chiku li cꞌaꞌru naraj takaba̱nu. Ut la̱o takaba̱nu li bar cuan tixye ke, xban nak saꞌ li tzu̱l Sión ta̱e̱lk chak li chakꞌrab ut saꞌ li tenamit Jerusalén ta̱cha̱lk li ra̱tin li Ka̱cuaꞌ.—

Li xHu LAJ JOB 34:29

Cui li Dios incꞌaꞌ tixqꞌueheb chixtojbal xma̱queb, ¿ani ta biꞌ chic ta̱ru̱k ta̱ba̱nu̱nk re? Ut cui incꞌaꞌ ta̱ril li cꞌaꞌru yo̱queb chixba̱nunquil, ¿ani ta biꞌ chic ta̱ilok re? Aꞌan na-iloc reheb li tenamit joꞌ eb ajcuiꞌ li cristian,

Oseas 14:1

La̱ex aj Israel, sukꞌinkex cuiꞌchic riqꞌuin li Ka̱cuaꞌ le̱ Dios. La̱ex yo̱quex chixcꞌulbal li raylal xban li ma̱c xeba̱nu.

Jeremías 50:4

Ta̱cuulak xkꞌehil nak eb li ralal xcꞌajol laj Israel, ut eb li ralal xcꞌajol laj Judá teꞌcha̱lk chinsicꞌbal la̱in lix Dioseb. Yo̱keb chi ya̱bac nak teꞌcha̱lk chinsicꞌbal.

Jeremías 3:22

La̱ex cualal incꞌajol li xekꞌetkꞌeti e̱rib, jalomak e̱cꞌaꞌux. La̱in texinqꞌuirtesi, chan li Ka̱cuaꞌ. Ut eb laj Israel queꞌxye: —La̱o tosukꞌi̱k a̱cuiqꞌuin xban nak la̱at li Ka̱cuaꞌ. La̱at li kaDios.

Isaías 30:26

Li po ta̱lemtzꞌu̱nk joꞌ li sakꞌe. Ut li sakꞌe kꞌaxal cuiꞌchic ta̱lemtzꞌu̱nk. Cuukub sut xtikcual chiru li naxqꞌue rajlal cutan. Chixjunil aꞌin ta̱cꞌulma̱nk saꞌ eb li cutan nak li Ka̱cuaꞌ tixcꞌameb cuiꞌchic saꞌ usilal lix tenamit ut tixqꞌueheb cuiꞌchic chi cua̱nc saꞌ lix naꞌajeb.

Jeremías 33:5

Eb li ochoch teꞌnujak riqꞌuineb li camenak li tincanabeb chi camsi̱c xban nak yo̱ injoskꞌil saꞌ xbe̱neb. La̱in tincanabeb xjunes li tenamit aꞌin xban li ma̱usilal nequeꞌxba̱nu.

Salmos 30:7

Nak yo̱cat xqꞌuebal la̱ cuusilal cue, cau inchꞌo̱l. Abanan nak xacanab intenkꞌanquil, cꞌajoꞌ nak quichal inxiu.

Jeremías 30:12

Li Ka̱cuaꞌ quixye reheb lix tenamit: —Li raylal li yo̱quex chixcꞌulbal chanchan jun li yocꞌol li ma̱cꞌaꞌ xbanol.

Isaías 30:22

La̱ex incꞌaꞌ chic te̱raj le̱ yi̱banbil dios li qꞌuebil plata ut oro chirixeb. Te̱tzꞌekta̱naheb joꞌ li mul. Ut te̱ye: —Incꞌaꞌ chic nakaj rilbaleb, chaꞌakex.

Sofonías 2:1

Chꞌutubomak e̱rib ut cꞌoxlahomak cꞌaꞌru te̱ba̱nu, la̱ex li tenamit li ma̱cꞌaꞌ e̱xuta̱n.

1 Samuel 7:3

Ut laj Samuel quixye reheb laj Israel: —Cui la̱ex texsukꞌi̱k cuiꞌchic riqꞌuin li Ka̱cuaꞌ chi anchal e̱chꞌo̱l, tento nak te̱tzꞌekta̱na chi junaj cua chixjunileb li jalanil dios li cuanqueb saꞌ e̱ya̱nk joꞌ ajcuiꞌ li yi̱banbil dios xAstarot ut kꞌaxtesihomak e̱rib re li Ka̱cuaꞌ. Junes aꞌan chic te̱lokꞌoni. Ut li Ka̱cuaꞌ ta̱colok e̱re saꞌ rukꞌeb laj filisteo, chan.

Li xHu LAJ JOB 16:9

Xban nak yo̱ xjoskꞌil saꞌ inbe̱n, chanchan xinixtꞌupi nak xinixqꞌue saꞌ raylal. Chanchan nak naxcꞌuxuxi li ruch re xban xjoskꞌil. Incꞌaꞌ narisi li riloba̱l saꞌ inbe̱n xban nak xicꞌ yo̱ chicuilbal.

Salmos 6:2

Chacuuxta̱na taxak cuu, at Ka̱cuaꞌ, xban nak yajin. China̱qꞌuirtesi, at Ka̱cuaꞌ, xban nak tacuajenakin xban li yajel.

Salmos 71:20

Usta xina̱canab chixcꞌulbal nabal li raylal ut li chꞌaꞌajquilal, abanan la̱at ta̱qꞌue cuiꞌchic incacuilal. Chanchan cuanquin saꞌ li chamal jul nak yo̱quin chixcꞌulbal li raylal. Abanan la̱at tatcolok cue.

Eclesiastés 3:3

Cuan li ho̱nal re camsi̱nc ut cuan li ho̱nal re banoc. Cuan xcutanquil li sachoc, ut cuan ajcuiꞌ xcutanquil xcuaclesinquil cuiꞌchic li ac tꞌanenak.

Isaías 17:7

Saꞌ eb li cutan aꞌan eb li cristian teꞌxtzꞌa̱ma xtenkꞌanquil riqꞌuin li Ka̱cuaꞌ li quiyoꞌobtesin reheb. Teꞌsukꞌi̱k cuiꞌchic riqꞌuin li Dios santo, lix Dioseb laj Israel.

Jeremías 33:6

Abanan la̱in tinqꞌuirtesiheb lin tenamit Jerusalén ut tinqꞌue xcacuilal xchꞌo̱leb. Ut tebinqꞌue cuiꞌchic chi cua̱nc saꞌ tuktu̱quil usilal. Ut ma̱cꞌaꞌ chic ta̱chꞌiꞌchꞌiꞌi̱nk reheb.

Jeremías 50:5

Teꞌxpatzꞌ bar cuan li be li naxic Sión ut aran teꞌxic. Ut teꞌxye, “Cha̱lkex ut takacꞌam cuiꞌchic kib saꞌ usilal riqꞌuin li Ka̱cuaꞌ. Takaba̱nu jun li contrato riqꞌuin li Ka̱cuaꞌ chi junelic re nak incꞌaꞌ ta̱sachk saꞌ kachꞌo̱l,” chaꞌakeb.

Lamentaciones 3:11

Chanchan nak quinixchap ut quinixrahobtesi ut quinixcanab injunes chi ma̱ ani natenkꞌan cue.

Oseas 11:10

Chanchanakin li cakcoj nak tinjap cue chiruheb li xicꞌ nequeꞌiloc reheb li cualal incꞌajol. Sicsotkeb xbaneb xxiu li cualal incꞌajol nak teꞌcha̱lk cuiqꞌuin saꞌ li oeste li na-oc cuiꞌ li sakꞌe.

Oseas 12:6

Joꞌcan nak la̱ex ralal xcꞌajol laj Jacob, chexsukꞌi̱k riqꞌuin li Ka̱cuaꞌ. Chexcua̱nk saꞌ ti̱quilal ut chex-uxta̱na̱nk u. Ut cauhak taxak e̱chꞌo̱l riqꞌuin li Dios.

Levítico 14:48

Ut cui laj tij ta̱oc saꞌ li cab chirilbal ut naxqꞌue retal nak ma̱cꞌaꞌ chic li moꞌ nak ac xqꞌueheꞌ cuiꞌchic li se̱b chiru li tzꞌac, tixye nak moco muxbil ta ru xban nak ma̱cꞌaꞌ chic li moꞌ.

2 Crónicas 30:6

Li rey ut eb li nequeꞌtenkꞌan re queꞌxtaklaheb lix takl saꞌ chixjunil li naꞌajej Israel ut Judá. Queꞌxcꞌam li hu li quixye chi joꞌcaꞌin: —La̱ex aj Israel, sukꞌinkex riqꞌuin li Ka̱cuaꞌ lix Dioseb laj Abraham, laj Isaac, ut laj Israel re nak li Dios ta̱sukꞌi̱k cuiꞌchic e̱riqꞌuin la̱ex li joꞌ qꞌuial chic quexcoleꞌ saꞌ rukꞌ lix reyeb laj Asiria.

Li xHu LAJ JOB 22:23

Cui tatsukꞌi̱k cuiꞌchic riqꞌuin li nimajcual Dios, ut ta̱cubsi a̱cuib chiru, aꞌan tatrosobtesi ut ta̱risi li rahil chꞌo̱lej li cuancat cuiꞌ.

Oseas 3:5

Abanan ta̱cuulak xkꞌehil nak eb laj Israel teꞌsukꞌi̱k cuiꞌchic riqꞌuin li Ka̱cuaꞌ lix Dioseb ut teꞌxsicꞌ junak reheb li ralal xcꞌajol laj David chokꞌ xreyeb. Ut saꞌ rosoꞌjiqueb li cutan, teꞌxxucua ru li Ka̱cuaꞌ ut teꞌxcꞌu̱luban cuiꞌchic li usilal li tixba̱nu reheb.