Oseas 5:8 - Li Santil hu

⁸ Cheya̱basihak li trompeta aran Gabaa. Cheya̱basihak aran Ramá. Cheyehak resil aran Bet-avén xban nak ticla̱c re li ple̱t. Cheqꞌuehak retal ut texxucuak la̱ex li ralal xcꞌajol laj Benjamín.

Q'eqchi Bible

⁸ Yaab'asihomaq li pur aran Kibehá ut puktesihomaq li esil a'in aran Ramá. Yehomaq chaq reheb' laj Bet-Abén; kawal wanqeb' laj Benjamín.

Oseas 5:8 ပူးပေါင်းရင်းမြစ်များ

Oseas 9:9

Kꞌaxal xnumta le̱ ma̱usilal joꞌ queꞌxba̱nu aran Gabaa. Anakcuan ta̱julticokꞌ re li Dios le̱ ma̱usilal ut aꞌan ta̱qꞌuehok e̱re chixtojbal rix le̱ ma̱c, chan laj Oseas.

Oseas 4:15

Usta niquine̱tzꞌekta̱na la̱ex aj Israel, aban incꞌaꞌ taxak tineꞌxtzꞌekta̱na eb laj Judá. Mexxic aran Gilgal chi lokꞌoni̱nc, chi moco texxic Bet-avén, chi moco te̱ba̱nu li juramento saꞌ incꞌabaꞌ la̱in li yoꞌyo̱quil Dios.

Joel 2:1

Ya̱basihomak chak li trompeta saꞌ li tzu̱l Sión. Ya̱basihomak chak saꞌ li tzu̱l cuan cuiꞌ lix templo li Ka̱cuaꞌ re xyebal resil nak cuanco saꞌ raylal. Chexxucuak che̱junilex la̱ex li cuanquex Judá xban nak cuulac re xkꞌehil nak ta̱rakok a̱tin li Ka̱cuaꞌ saꞌ kabe̱n.

Jeremías 4:5

Laj Jeremías quixye: —Ya̱basihomak li trompeta yalak bar saꞌ li naꞌajej aꞌin. Japomak e̱re chi cau ut te̱ye reheb li tenamit Judá ut Jerusalén nak teꞌxic saꞌ eb li tenamit li ac cauresinbileb re teꞌxcol cuiꞌ ribeb.

1 Samuel 15:34

Chirix aꞌan laj Samuel co̱ Ramá ut laj Saúl co̱ saꞌ rochoch aran Gabaa saꞌ lix naꞌaj.

Oseas 8:1

Ya̱basi li trompeta xban nak yo̱queb chi cha̱lc chi pletic li xicꞌ nequeꞌiloc reheb lin tenamit. Chanchaneb li cꞌuch nak yo̱queb chi cha̱lc. Xban nak lin tenamit xeꞌxtzꞌekta̱na li contrato quinba̱nu riqꞌuineb, joꞌcan nak teꞌxcꞌul li raylal. Xeꞌxtzꞌekta̱na li chakꞌrab xinqꞌue reheb.

Isaías 10:29

Queꞌnumeꞌ saꞌ li tzu̱l ut queꞌxyi̱b lix muheba̱leb aran Geba. Cꞌajoꞌ nak teꞌxucuak li cuanqueb Ramá. Ut li cuanqueb aran Gabaa saꞌ lix tenamit laj Saúl queꞌe̱lelic.

Jueces 5:14

Eb li ralal xcꞌajol laj Efraín li cuanqueb saꞌ li naꞌajej li queꞌcuan cuiꞌ laj Amalec, queꞌco̱eb saꞌ li ru takꞌa. Queꞌco̱eb ajcuiꞌ li ralal xcꞌajol laj Benjamín. Ut queꞌco̱eb li nequeꞌtaklan saꞌ xya̱nkeb laj Maquir, joꞌ eb ajcuiꞌ li cuanqueb xcuanquil saꞌ xya̱nkeb li ralal xcꞌajol laj Zabulón.

Joel 2:15

Ya̱basihomak li trompeta saꞌ li tzu̱l Sión re te̱chꞌutub e̱rib. Yehomak resil reheb li tenamit nak teꞌxba̱nu x-ayu̱n.

Oseas 10:5

Eb laj Samaria teꞌxucuak ut teꞌya̱bak xban xrahil xchꞌo̱leb nak ta̱sachekꞌ li cuacax oro li cuan Bet-avén. Teꞌya̱bak ajcuiꞌ laj tij li nequeꞌxqꞌue xchꞌo̱l chi cꞌanjelac chiru. Cau teꞌya̱bak nak ta̱sachekꞌ xlokꞌal lix dioseb.

Jeremías 6:1

La̱ex, li ralal xcꞌajol laj Benjamín, elenkex saꞌ li tenamit Jerusalén re xcolbal e̱rib. Ya̱basihomak le̱ trompeta aran Tecoa. Cꞌu̱bumak junak li xam saꞌ li naꞌajej Bet-haquerem chokꞌ retalil li nimla raylal ut li sachecꞌ li yo̱ chak chi cha̱lc saꞌ li norte.

1 Reyes 12:29

Quixyi̱b xnaꞌaj jun li cuacax oro aran Bet-el ut li jun chic quixyi̱b xnaꞌaj aran Dan.

2 Samuel 21:6

La̱o nakaj nak ta̱kꞌaxtesi saꞌ kukꞌ cuukubeb li cui̱nk xcomoneb li ralal xcꞌajol laj Saúl. La̱o takayatzꞌeb chiru li Ka̱cuaꞌ aran Gabaa, lix tenamit laj Saúl, li sicꞌbil ru xban li Ka̱cuaꞌ, chanqueb. Ut li rey David quixye reheb: —Us. La̱in tinkꞌaxtesiheb e̱re, chan.

1 Samuel 8:4

Joꞌcan nak eb li nequeꞌcꞌamoc be saꞌ xya̱nkeb laj Israel queꞌxchꞌutub ribeb ut queꞌco̱eb Ramá chi a̱tinac riqꞌuin laj Samuel.

1 Samuel 7:17

Ut chirix aꞌan nasukꞌi Ramá xban nak aran cuan li rochoch. Toj aran narakoc chak a̱tin saꞌ xbe̱neb li tenamit Israel. Ut quixyi̱b jun li artal re xlokꞌoninquil li Ka̱cuaꞌ saꞌ li tenamit aꞌan.

Josué 7:2

Mokon chic laj Josué quixtakla cuib oxibeb li cui̱nk saꞌ li tenamit Hai, li cuan nachꞌ riqꞌuin li naꞌajej Bet-avén li cuan saꞌ li este riqꞌuin li tenamit Bet-el. Quixye reheb li cui̱nk: —Ayukex ut qꞌuehomak chak retal li tenamit Hai.— Ut eb aꞌan queꞌco̱eb ut queꞌxqꞌue retal li tenamit.

Amós 3:6

Cui ta̱ecꞌa̱nk li trompeta saꞌ tenamit, ¿ma incꞌaꞌ ta biꞌ teꞌxucuak li tenamit chirabinquil? Ut, ¿ma ta̱cha̱lk ta biꞌ li raylal saꞌ xbe̱n junak li tenamit cui li Dios incꞌaꞌ tixcanabeb re teꞌxcꞌul?