Oseas 5:6 - Li Santil hu

⁶ Eb laj Israel nequeꞌxcꞌam li cuacax joꞌ ajcuiꞌ lix carner re nak teꞌxmayeja chicuu. Abanan ma̱cꞌaꞌ rajbal nak nequeꞌmayejac chicuu xban nak la̱in xintzꞌekta̱naheb.

Q'eqchi Bible

⁶ Rochb'eeneb' li xkarneer ut li xwakaxeb' te'xsik' li Qaawa', ab'anan maab'ar te'xtaw xb'aan naq xrisi rib' sa' xyanqeb'.

Oseas 5:6 ပူးပေါင်းရင်းမြစ်များ

San Juan 7:34

Tine̱sicꞌ ut incꞌaꞌ tine̱tau xban nak bar cua̱nkin la̱in, la̱ex incꞌaꞌ texru̱k chi xic, chan.

Proverbios 1:28

Saꞌ li cutan aꞌan tine̱ya̱ba raj chic. Abanan la̱in incꞌaꞌ texinsume. Tine̱sicꞌ raj chic, abanan incꞌaꞌ tine̱tau,

Ezequiel 8:6

Ut li chanchan cui̱nk quixye cuiꞌchic cue: —At ralal cui̱nk, ¿ma nacaqꞌue retal li cꞌaꞌru yo̱queb chixba̱nunquil eb li ralal xcꞌajol laj Israel? Xban li ma̱usilal li nequeꞌxba̱nu yo̱queb chicuisinquil saꞌ lin templo. Ut toj cuan cuiꞌchic li cꞌaꞌak re ru numtajenak xyibal ru li toj ta̱cuil, chan.

Lamentaciones 3:44

Chanchan nak xamuk a̱cuib saꞌ chok re nak incꞌaꞌ ta̱cuabi li katij.

Jeremías 7:4

Me̱pa̱b li nequeꞌxye laj balakꞌ. Eb aꞌan nequeꞌxye, ‘Ma̱cꞌaꞌ takacꞌul xban nak arin cuan lix templo li Dios,’ chanqueb.

Proverbios 15:8

Li Ka̱cuaꞌ xicꞌ naril lix mayejeb li incꞌaꞌ useb xnaꞌleb. Abanan lix tijeb li ti̱queb xchꞌo̱l li Ka̱cuaꞌ naxcꞌul chi sa saꞌ xchꞌo̱l.

San Lucas 5:16

Ut li Jesús rajlal naxic xjunes chi tijoc saꞌ eb li naꞌajej bar ma̱cꞌaꞌ cuan.

Jeremías 11:11

Joꞌcan nak la̱in tinqꞌue li raylal saꞌ xbe̱neb ut incꞌaꞌ chic ta̱ru̱k teꞌxcol ribeb chiru. Usta nequeꞌya̱bac chixtzꞌa̱manquil xtenkꞌanquileb, abanan la̱in incꞌaꞌ tincuabi lix tijeb.

Isaías 66:3

Eb aꞌan queꞌxsicꞌ ru li cꞌaꞌru queꞌraj xba̱nunquil ut aꞌ chic li ma̱usilal queꞌxra. Incꞌaꞌ tincꞌul lix mayejeb. Cui teꞌxcamsi li toro re teꞌxmayeja chicuu, chanchan nak teꞌxcamsi li ras ri̱tzꞌin. Ut cui teꞌxcamsi li carner, chanchan nak teꞌxtok xcux li tzꞌiꞌ. Ut nak teꞌxmayeja li ru li trigo, chanchan nak teꞌxmayeja xquiqꞌuel li a̱k chicuu. Nak teꞌxcꞌat lix pom chicuu, chanchan nak yo̱queb chixlokꞌoninquil li jalanil dios.

Cantares 5:6

Xinte li puerta re nak tincuocsi li cui̱nk li ninra. Abanan ma̱ ani chic. Ac xco̱. Xyotꞌeꞌ raj chic inchꞌo̱l chirix nak xinra̱tina. La̱in quin-oc chixsicꞌbal. Quinbok, abanan incꞌaꞌ quichakꞌoc.

Proverbios 21:27

Li Ka̱cuaꞌ xicꞌ naril lix mayejeb li incꞌaꞌ useb xnaꞌleb. ¿Ma tojaꞌ ta chic tixcꞌul nak teꞌxqꞌue chi incꞌaꞌ useb lix cꞌaꞌuxeb?

Éxodo 10:9

Laj Moisés quichakꞌoc ut quixye: —Chikajunilo toxic xban nak toninkꞌei̱k chiru li kaDios. Teꞌxic li sa̱j cui̱nk ut teꞌxic li che̱quel cui̱nk ut teꞌxic ajcuiꞌ li ixk. Talajeꞌxic li kalal kacꞌajol. Ut takacꞌameb ajcuiꞌ li kaqueto̱mk, chan laj Moisés.

Miqueas 3:4

Te̱ya̱ba raj chic xcꞌabaꞌ li Ka̱cuaꞌ, abanan aꞌan incꞌaꞌ chic texsume. Xmukbal ban chic rib tixba̱nu che̱ru saꞌ eb li cutan aꞌan, xban nak numtajenak li ma̱usilal ac xeba̱nu.

Ezequiel 8:18

Xban nak cꞌajoꞌ lin joskꞌil saꞌ xbe̱neb, la̱in tinqꞌueheb chixtojbal lix ma̱queb. La̱in incꞌaꞌ tintokꞌoba ruheb chi moco tincuuxta̱naheb ru. Usta nequeꞌxjap reheb chixya̱banquil lin cꞌabaꞌ, abanan la̱in incꞌaꞌ chic tincuabi lix tijeb.

Jeremías 11:14

Mattijoc chirixeb li tenamit aꞌin chi moco ta̱tzꞌa̱ma usilal saꞌ xbe̱neb. La̱in incꞌaꞌ tincuabi nak teꞌxya̱ba incꞌabaꞌ nak cuanqueb saꞌ raylal.

Jeremías 14:12

Usta nequeꞌxba̱nu lix ayu̱n, la̱in incꞌaꞌ tinsumeheb nak teꞌxya̱ba lin cꞌabaꞌ. Usta nequeꞌxmayeja li ru li racui̱mkeb ut nequeꞌxcꞌat li xul chokꞌ xmayejeb chicuu, la̱in incꞌaꞌ tincꞌul. Tinqꞌueheb ban chi camsi̱c saꞌ li ple̱t, malaj ut teꞌca̱mk xban cueꞌej ut xban caki yajel, chan li Dios.

Oseas 8:13

Nequeꞌxmayeja li xul chicuu ut eb aꞌan ajcuiꞌ li nequeꞌtzacan re. La̱in incꞌaꞌ nacuulac chicuu lix mayejeb xban nak najulticoꞌ cue li ma̱usilal nequeꞌxba̱nu. Joꞌcan nak re xtojbal rixeb lix ma̱c, ta̱cha̱lk li raylal saꞌ xbe̱neb. Chanchan li raylal li queꞌxcꞌul nak cuanqueb chak Egipto.

Malaquías 1:10

Li Ka̱cuaꞌ li nimajcual Dios quixye: —Us raj cuan ta junak e̱re tixtzꞌap raj xpuertil lin templo re nak ma̱ ani chic ta̱oc aran chixtzꞌabbal li xam saꞌ xbe̱n lin artal chi ma̱cꞌaꞌ rajbal. La̱in incꞌaꞌ sa saꞌ inchꞌo̱l e̱riqꞌuin ut incꞌaꞌ chic tincꞌul li nequemayeja chicuu.

Amós 8:12

Nak eb li tenamit teꞌraj rabinquil li cua̱tin, teꞌxbeni ribeb yalak bar chixsicꞌbal. Teꞌxic chire li palau Mar Muerto ut teꞌxsicꞌ toj retal teꞌcuulak chire li palau Mediterráneo. Teꞌxic saꞌ li norte ut teꞌxic saꞌ li este, abanan incꞌaꞌ teꞌxtau li cua̱tin.