Oseas 5:5 - Li Santil hu

⁵ Xban lix kꞌetkꞌetileb laj Israel nacꞌutun nak cuanqueb xma̱c. Ut xban lix kꞌetkꞌetileb, eb li ralal xcꞌajol laj Israel ut eb li ralal xcꞌajol laj Efraín teꞌosokꞌ saꞌ li ma̱c. Ut teꞌosokꞌ ajcuiꞌ saꞌ lix ma̱queb li ralal xcꞌajol laj Judá.

Q'eqchi Bible

⁵ Li xq'etq'etileb' laj Israel yo chi q'apliik sa' xb'eeneb'; eb' laj Efraín neke'tichk'ok sa' li xmaa'usilaleb'; jo'kaneb' ajwi' laj Judá.

Oseas 5:5 ပူးပေါင်းရင်းမြစ်များ

Oseas 7:10

Eb laj Israel yo̱queb chi cꞌuluc raylal abanan xban lix kꞌetkꞌetileb incꞌaꞌ nequeꞌraj sukꞌi̱c cuiqꞌuin la̱in li Ka̱cuaꞌ lix Dioseb. Usta ra yo̱queb chixcꞌulbal, abanan incꞌaꞌ chic nequeꞌraj insicꞌbal.

Amós 5:2

Xeꞌtꞌaneꞌ laj Israel li ti̱queb xchꞌo̱l nak queꞌcuan xban nak queꞌxlokꞌoni li jalanil dios. Ut incꞌaꞌ chic teꞌcuacli̱k. Saꞌ ajcuiꞌ lix chꞌochꞌeb teꞌcana̱k chi tꞌantꞌo. Ut ma̱ ani chic ta̱cuaclesi̱nk reheb.

San Lucas 19:22

Quichakꞌoc li rey ut quixye: —La̱at ma̱cꞌaꞌ nacat-oc cuiꞌ. Riqꞌuin ajcuiꞌ li cꞌaꞌru xaye, tinrak a̱tin saꞌ a̱be̱n. Nacanau nak joskꞌin ut nacanau nak nincꞌul li tumin li incꞌaꞌ nincꞌanjela ut ninkꞌoloc bar cuiꞌ incꞌaꞌ nin-au.

San Mateo 23:31

Abanan riqꞌuin li ma̱usilal li nequeba̱nu la̱ex, nacꞌutun nak juntakꞌe̱tex riqꞌuineb le̱ xeꞌto̱nil yucuaꞌ, li queꞌcamsin reheb li profetas.

Oseas 14:1

La̱ex aj Israel, sukꞌinkex cuiꞌchic riqꞌuin li Ka̱cuaꞌ le̱ Dios. La̱ex yo̱quex chixcꞌulbal li raylal xban li ma̱c xeba̱nu.

Oseas 8:14

Xsach saꞌ xchꞌo̱leb laj Israel nak la̱in quiyoꞌobtesin reheb. Yo̱queb chixyi̱banquil lix ni̱nkal ru cab xnaꞌajeb lix dioseb. Ut eb laj Judá queꞌxyi̱b lix ni̱nkal ru tenamit ut queꞌxcauresi re nak cauhakeb rib. Abanan la̱in tintakla chak xam saꞌ xbe̱neb ut ta̱cꞌatekꞌ lix naꞌaj lix dioseb ut teꞌcꞌatekꞌ ajcuiꞌ lix ni̱nkal ru tenamit li xeꞌxyi̱b, chan li Dios.

Oseas 5:14

La̱in tincꞌut lin joskꞌil chiruheb li ralal xcꞌajol laj Efraín. Chanchanakin li cakcoj nak tinrahobtesiheb. Chanchanakin li ral li cakcoj nak tinrahobtesiheb li ralal xcꞌajol laj Judá. Joꞌ nak naxchap lix tib li cakcoj, joꞌcan ajcuiꞌ tinba̱nu la̱in riqꞌuineb. La̱in tinqꞌueheb saꞌ raylal ut tincanabeb xjuneseb ut ma̱ ani ta̱ru̱k ta̱colok reheb saꞌ cuukꞌ.

Oseas 4:5

Chi kꞌek chi cutan nequeba̱nu le̱ ma̱usilal ut joꞌcan ajcuiꞌ nequeꞌxba̱nu li profeta li incꞌaꞌ useb xnaꞌleb. La̱in tinsach ru le̱ tenamit, la̱ex aj Israel.

Jeremías 14:7

Eb li tenamit nequeꞌxye: —Usta ya̱l nak cuan kama̱c ut aꞌan li najitoc ke, abanan choa̱tenkꞌa, at Ka̱cuaꞌ, saꞌ xcꞌabaꞌ la̱ rahom. Nabal sut xatkatzꞌekta̱na ut xoma̱cob cha̱cuu.

Isaías 59:12

Incꞌaꞌ nocoxtenkꞌa xban nak kꞌaxal xnumta li kama̱usilal chiru li Ka̱cuaꞌ. Li ma̱usilal xkaba̱nu naxcꞌut nak cuan kama̱c. Incꞌaꞌ us xkaba̱nu. Nakanau nak cuan kama̱c.

Isaías 44:9

Eb li nequeꞌyi̱ban re li yi̱banbil dios ma̱cꞌaꞌ nequeꞌoc cuiꞌ. Ut lix dioseb li nequeꞌxyi̱b ma̱cꞌaꞌ nequeꞌoc cuiꞌ. Eb aꞌan nequeꞌxnau nak li cꞌaꞌru nequeꞌxba̱nu, aꞌan ajcuiꞌ nabalakꞌin reheb xban nak lix dioseb incꞌaꞌ nequeꞌiloc ut ma̱cꞌaꞌ nequeꞌxnau.

Isaías 3:9

Saꞌ xnakꞌeb ru nacꞌutun li cꞌaꞌru nequeꞌxba̱nu. Ut aꞌan ajcuiꞌ nayehoc re nak cuanqueb xma̱c. Incꞌaꞌ nequeꞌxmuk lix ma̱queb. Nequeꞌrisi ban resil yalak bar joꞌ queꞌxba̱nu laj Sodoma. Ra ta̱cha̱lk saꞌ xbe̱neb xban nak xjuneseb yo̱queb chixbokbal li raylal saꞌ xbe̱neb.

Proverbios 30:13

Cuanqueb li nequeꞌxnimobresi ribeb ut nequeꞌxkꞌetkꞌeti ribeb chiruheb li ras ri̱tzꞌin.

Proverbios 24:16

Usta ta̱ba̱nu cuukub sut raylal reheb li ti̱queb xchꞌo̱l, abanan eb aꞌan teꞌxcuy ut incꞌaꞌ ta̱chꞌina̱nk xchꞌo̱leb. Abanan eb li incꞌaꞌ useb xnaꞌleb ra teꞌxcꞌul nak teꞌosokꞌ.

Proverbios 14:32

Li ani incꞌaꞌ useb xnaꞌleb, aꞌ ajcuiꞌ lix ma̱usilaleb nasachoc reheb. Ut eb li ti̱c xchꞌo̱leb incꞌaꞌ nequeꞌxxucua ru li ca̱mc xban nak cuan li cꞌaꞌru nequeꞌroybeni.

Proverbios 11:21

Relic chi ya̱l nak eb li incꞌaꞌ useb xnaꞌleb tento nak teꞌxcꞌul lix tojbal xma̱c. Abanan eb li ti̱queb xchꞌo̱l teꞌcolekꞌ chiru li tojba ma̱c.

Proverbios 11:5

Li ani cha̱bil nacoleꞌ xban xti̱quilal xchꞌo̱l. Abanan li nequeꞌxba̱nu ma̱usilal aꞌ ajcuiꞌ li ma̱usilal nequeꞌxba̱nu naqꞌuehoc reheb chi sachc.

Jeremías 2:19

Xebok raylal saꞌ e̱be̱n xban li ma̱usilal queba̱nu. Li incꞌaꞌ us li queba̱nu texqꞌue chixtojbal le̱ ma̱c. Anakcuan te̱qꞌue retal li raylal quebok saꞌ e̱be̱n nak quine̱tzꞌekta̱na, ut quecanab xxucuanquil cuu, la̱in li Ka̱cuaꞌ le̱ Dios, chan li Ka̱cuaꞌ li nimajcual Dios.

Isaías 3:8

Relic chi ya̱l nak li tenamit Jerusalén xsacheꞌ ru ut li tenamit Judá jucꞌbil chic xban nak incꞌaꞌ us lix yehom xba̱nuhomeb ut xban nak xeꞌxkꞌetkꞌeti ribeb chiru li Ka̱cuaꞌ. Ut riqꞌuin aꞌan xeꞌxchikꞌ xjoskꞌil li Dios.

Oseas 14:2

Chexsukꞌi̱k cuiꞌchic riqꞌuin li Ka̱cuaꞌ ut joꞌcaꞌin te̱ye re: —Chacuy chasach taxak li kama̱c. Chasume taxak li katij. Li kamayej li takaqꞌue a̱cue, aꞌan la̱ lokꞌoninquil.