Oseas 5:3 - Li Santil hu

³ La̱in ninnau chanru le̱ naꞌleb la̱ex ralal xcꞌajol laj Efraín. Incꞌaꞌ naru te̱muk e̱rib chicuu ex aj Israel. Li ralal xcꞌajol laj Efraín xineꞌxtzꞌekta̱na ut yo̱queb chixlokꞌoninquil li jalanil dios. Ut lix ma̱usilaleb aꞌan xbon rib saꞌ e̱ya̱nk che̱junilex la̱ex aj Israel.

Q'eqchi Bible

³ Laa'in ninnaw ru laj Efraín; nawno ru laj Israel inb'aan. Relik chi yaal naq laj Efraín chanchan junaq aj yumb'eet, ut laj Israel xmuxum rib' sa' li xpaab'aal”.

Oseas 5:3 ပူးပေါင်းရင်းမြစ်များ

Amós 3:2

—Saꞌ xya̱nkeb chixjunileb li tenamit saꞌ ruchichꞌochꞌ, caꞌaj cuiꞌ la̱ex sicꞌbil e̱ru inban. Joꞌcan nak tento texinqꞌue chixtojbal rix le̱ ma̱usilal, chan li Ka̱cuaꞌ.

Apocalipsis 3:15

La̱in ninnau chanru nak cuanquex. La̱ex incꞌaꞌ yo̱quex chinpa̱banquil chi anchal e̱chꞌo̱l, chi moco yo̱quex chintzꞌekta̱nanquil. Us raj nak tine̱pa̱b chi anchal e̱chꞌo̱l malaj ut tine̱tzꞌekta̱na raj chi junaj cua. Abanan la̱ex chanchanex li haꞌ moco tik ta, chi moco que. Yal lulu ban.

Hebreos 4:13

Ma̱ ani naru tixmuk rib chiru li Dios xban nak aꞌan quiyi̱ban re chixjunil li cꞌaꞌak re ru cuan. Cutan saken chiru li Dios li kayehom kaba̱nuhom. Ma̱cꞌaꞌ mukmu chiru li Dios li toxkachꞌolob cuiꞌ kayehom kaba̱nuhom.

Amós 5:12

La̱in ninnau nak nequekꞌetkꞌeti e̱rib. Ninnau nak numtajenak le̱ ma̱usilal. Nequerahobtesi li ti̱queb xchꞌo̱l. Nacuulac che̱ru nak natumina̱c e̱ru ut incꞌaꞌ nequexrakoc a̱tin chi tzꞌakal saꞌ xbe̱neb li nebaꞌ.

Oseas 13:1

Nak nequeꞌa̱tinac li ralal xcꞌajol laj Efraín chixjunileb nequeꞌxucuac xbaneb. Qꞌuebil xcuanquileb saꞌ xya̱nkeb laj Israel. Abanan queꞌma̱cob nak queꞌxlokꞌoni laj Baal. Joꞌcan nak teꞌca̱mk.

Oseas 12:1

Chanchan yal ikꞌ nataklan reheb laj Efraín xban nak ma̱cꞌaꞌ na-oc cuiꞌ li nequeꞌxba̱nu. Chanchan li ikꞌ nachal saꞌ releb sakꞌe bar cuanqueb cuiꞌ laj Asiria. Nanumta li ticꞌtiꞌ ut li ma̱usilal li nequeꞌxba̱nu. Nequeꞌxba̱nu li contrato riqꞌuineb laj Asiria ut nequeꞌxtakla lix aceite aran Egipto.

Oseas 8:11

Eb li ralal xcꞌajol laj Efraín queꞌxyi̱b nabal li artal ut caꞌaj cuiꞌ re ma̱cobc quicꞌanjelac cuiꞌ reheb.

Oseas 6:4

Abanan li Ka̱cuaꞌ naxye: —¿Cꞌaꞌru tinba̱nu e̱riqꞌuin la̱ex ralal xcꞌajol laj Efraín? Ut, ¿cꞌaꞌru tinba̱nu e̱riqꞌuin la̱ex ralal xcꞌajol laj Judá? Le̱ cha̱bilal chanchan li chok chiru li ekꞌela, li nacꞌameꞌ saꞌ junpa̱t xban li ikꞌ, ut chanchan li xchuꞌque li nacuan ekꞌela, li nasach saꞌ junpa̱t.

Oseas 5:13

Eb li ralal xcꞌajol laj Efraín teꞌxqꞌue retal nak kꞌaxal ra cuanqueb cuiꞌ. Eb li ralal xcꞌajol laj Judá teꞌxqꞌue retal nak cuanqueb saꞌ chꞌaꞌajquilal. Joꞌcan nak teꞌxic riqꞌuin li rey Jareb aran Asiria chixtzꞌa̱manquil xtenkꞌanquileb. Abanan aꞌan incꞌaꞌ ta̱ru̱k tixtenkꞌaheb.

Oseas 5:11

Eb li ralal xcꞌajol laj Efraín nequeꞌrahobtesi̱c xban nak nequeꞌxtzꞌekta̱na li ti̱quilal ut nequeꞌxqꞌue xchꞌo̱l chixlokꞌoninquileb li yi̱banbil dios.

Oseas 5:9

Eb li ralal xcꞌajol laj Efraín teꞌcana̱k chi ma̱cꞌaꞌ cuan reheb saꞌ xkꞌehil li rakba a̱tin. Eb li ralal xcꞌajol laj Israel teꞌxnau nak relic chi ya̱l joꞌcaꞌin ta̱cꞌulma̱nk.

Isaías 7:17

Raylal tixqꞌue saꞌ e̱be̱n li Ka̱cuaꞌ ut saꞌ xbe̱neb le̱ ralal e̱cꞌajol. Cꞌajoꞌ li raylal teꞌxcꞌul chixjunileb li ralal xcꞌajoleb li rey. Ma̱ jun sut quicꞌulman chi joꞌcan chalen nak eb laj Efraín queꞌxjach ribeb riqꞌuineb laj Judá. Li Ka̱cuaꞌ tixtakla chak lix reyeb laj Asiria che̱rahobtesinquil.

Isaías 7:5

Lix reyeb laj Siria ut laj Efraín joꞌ ajcuiꞌ li ralal laj Remalías queꞌxcꞌu̱b ru chanru nak teꞌcha̱lk chi pletic a̱cuiqꞌuin ut queꞌxye:

Deuteronomio 33:17

Lix metzꞌe̱u li ralal xcꞌajol laj José chanchan xmetzꞌe̱u li xbe̱n ral jun li toro. Chanchan xcacuilal lix xucub li bo̱yx li cuan saꞌ qꞌuicheꞌ. Riqꞌuin lix cacuilaleb teꞌnumta̱k saꞌ xbe̱neb li xni̱nkal ru tenamit ut teꞌra̱linaheb toj saꞌ xmaril li ruchichꞌochꞌ. Aꞌan li usilal li tintzꞌa̱ma reheb li qꞌuila ralal xcꞌajol laj Efraín ut reheb li qꞌuila ralal xcꞌajol laj Manasés.

Isaías 7:16

Nak toj ma̱jiꞌ naxnau xsicꞌbal ru li us ut xtzꞌekta̱nanquil li incꞌaꞌ us li chꞌina al, lix naꞌajeb li cuib chi rey li nequexucua ru ta̱cana̱k chi ma̱cꞌaꞌ chic cristian chiru.

Oseas 1:2

Nak li Ka̱cuaꞌ quixtiquib a̱tinac riqꞌuin laj Oseas, quixye chi joꞌcaꞌin: —Sumlan riqꞌuin junak ixk aj yumbe̱t. Ut le̱ cocꞌal li teꞌcua̱nk juntakꞌe̱tak xnaꞌlebeb riqꞌuin lix naꞌeb. Ta̱ba̱nu aꞌan re xcꞌutbal chiruheb lin tenamit nak incꞌaꞌ useb lix naꞌlebeb. Chanchaneb li ixk aꞌin li yo̱ chi yumbe̱tac xban nak xineꞌxtzꞌekta̱na, chan li Ka̱cuaꞌ.

Oseas 6:10

Kꞌaxal yibru li quicuil saꞌ xya̱nkeb lin tenamit Israel. Eb li ralal xcꞌajol laj Efraín queꞌxlokꞌoni li yi̱banbil dios ut li ma̱usilal aꞌan quixbon rib riqꞌuineb chixjunileb laj Israel.

Oseas 13:5

La̱in xintenkꞌan chak e̱re nak cuanquex chak saꞌ li tikcual chꞌochꞌ bar incꞌaꞌ natꞌaneꞌ cuiꞌ li hab.