Oseas 5:14 - Li Santil hu

¹⁴ La̱in tincꞌut lin joskꞌil chiruheb li ralal xcꞌajol laj Efraín. Chanchanakin li cakcoj nak tinrahobtesiheb. Chanchanakin li ral li cakcoj nak tinrahobtesiheb li ralal xcꞌajol laj Judá. Joꞌ nak naxchap lix tib li cakcoj, joꞌcan ajcuiꞌ tinba̱nu la̱in riqꞌuineb. La̱in tinqꞌueheb saꞌ raylal ut tincanabeb xjuneseb ut ma̱ ani ta̱ru̱k ta̱colok reheb saꞌ cuukꞌ.

Q'eqchi Bible

¹⁴ Xb'aan naq laa'in jo'kaqin jun kaqkoj naq tinrahob'tesiheb' laj Efraín ut eb' laj Judá. Laa'in tinputz'inq reheb', ut chirix a'an teb'inkanab' xjuneseb'; tink'eheb' sa' rahilal, ut maajun taaruuq chi kolok reheb' sa' wuq'.

Oseas 5:14 ပူးပေါင်းရင်းမြစ်များ

Miqueas 5:8

Ut eb laj Israel, li joꞌ qꞌuial chic li incꞌaꞌ teꞌosokꞌ, aꞌanakeb li kꞌaxal cauhakeb rib saꞌ xya̱nkeb chixjunileb li tenamit. Chanchanakeb li cakcoj li kꞌaxal cau rib saꞌ xya̱nkeb chixjunileb li xul saꞌ qꞌuicheꞌ. Ma̱ ani ta̱ru̱k tixcol rib chiruheb laj Israel. Chanchanakeb li ral cakcoj nak na-oc saꞌ xya̱nkeb li carner ut naxchap jun ut naxpedasi ut ma̱ ani naru nacoloc re chiru.

Salmos 7:2

Incꞌaꞌ nacuaj nak tineꞌxtꞌupi joꞌ nequeꞌxba̱nu li cakcoj nak nequeꞌxtꞌupi junak li xul. Incꞌaꞌ nacuaj nak tineꞌxcamsi chi ma̱ ani ta̱colok cue.

Salmos 50:22

Cheqꞌuehak retal aꞌin la̱ex li nequextzꞌekta̱nan cue. Cheba̱nuhak cue̱nt. Ma̱re anchal texinsach chi junaj cua ut ma̱ ani chic naru ta̱colok e̱re.

Amós 2:14

Ma̱ ani ta̱ru̱k ta̱e̱lelik chicuu. Li kꞌaxal cau naa̱linac incꞌaꞌ ta̱ru̱k ta̱e̱lelik chicuu. Li kꞌaxal cau rib tixsach lix cacuilal ut li cau xchꞌo̱l chi pletic incꞌaꞌ ta̱ru̱k tixcol rib.

Isaías 5:29

Nak teꞌxjap reheb li soldado chanchan nak nequeꞌxjap re li cakcoj malaj ut li ral li cakcoj nak oc re chixchapbal lix tib ut ma̱ ani ta̱makꞌok chiru.

Lamentaciones 3:10

Li Ka̱cuaꞌ chanchan jun li oso malaj ut jun li cakcoj mukmu roybeninquil ani tixchap.

Li xHu LAJ JOB 10:16

Cui ninnimobresi cuib, la̱at ac yo̱cat chixqꞌuebal cuetal re insachbal. Chanchanat li cakcoj. Nacaba̱nu li sachba chꞌo̱lej yal re insachbal.

Li xHu LAJ JOB 10:7

La̱at nacanau nak la̱in ma̱cꞌaꞌ inma̱c. Ut nacanau ajcuiꞌ nak ma̱ ani naru nacoloc cue saꞌ a̱cuukꞌ.

Deuteronomio 28:31

Teꞌcamsi̱k le̱ bo̱yx che̱ru, abanan la̱ex incꞌaꞌ te̱yal xtibel. Yo̱kex chi iloc nak teꞌmakꞌekꞌ che̱ru le̱ bu̱r ut incꞌaꞌ chic ta̱kꞌaxtesi̱k e̱re. Eb le̱ carner teꞌqꞌuehekꞌ reheb li xicꞌ nequeꞌiloc e̱re ut ma̱ ani ta̱tenkꞌa̱nk e̱re re xcolbaleb.

Jeremías 25:38

Li Ka̱cuaꞌ tixcꞌutbesi lix joskꞌil joꞌ jun li cakcoj li na-el chak chixsicꞌbal lix tib. Lix naꞌajeb li tenamit ta̱sachekꞌ ru xbaneb li xicꞌ nequeꞌiloc reheb, xban nak yo̱ xjoskꞌil li Ka̱cuaꞌ saꞌ xbe̱neb.

Oseas 6:1

Eb li tenamit teꞌxye: —Kajalak kacꞌaꞌux ut sukꞌi̱ko cuiꞌchic riqꞌuin li Ka̱cuaꞌ. Quixtakla chak li raylal saꞌ kabe̱n, abanan anakcuan toxtenkꞌa. Coxrahobtesi, abanan anakcuan toxqꞌuirtesi.

Deuteronomio 32:39

¿Ma incꞌaꞌ nequenau nak la̱in li Ka̱cuaꞌ Dios? Ma̱cꞌaꞌ chic junak dios chicuu la̱in. Caꞌaj cuiꞌ la̱in. La̱in nincamsin ut la̱in ninqꞌuehoc yuꞌam. La̱in ninqꞌuehoc raylal ut la̱in ninbanoc. Ut ma̱ ani ta̱ru̱k tixcol rib saꞌ cuukꞌ.

Oseas 2:12

La̱in tinsach li racui̱mk uvas ut li cheꞌ higo li quixye nak aꞌan lix tojbal li quiqꞌueheꞌ re xbaneb li cui̱nk li nequeꞌrahoc re. Ma̱cꞌaꞌ chic ta̱e̱lk saꞌ xnaꞌaj li acui̱mk uvas ut ma̱cꞌaꞌak chic li cheꞌ li nau̱chin. Teꞌsachekꞌ xbaneb li joskꞌ aj xul.

Oseas 13:6

Abanan nak xexcuulac saꞌ li cha̱bil chꞌochꞌ, cuan chic cꞌaꞌru e̱re ut xextzacan chi us. Xban nak tzꞌakal chic li cꞌaꞌru e̱re cuan, xenimobresi e̱rib ut incꞌaꞌ chic xine̱cꞌoxla.