Oseas 5:13 - Li Santil hu

¹³ Eb li ralal xcꞌajol laj Efraín teꞌxqꞌue retal nak kꞌaxal ra cuanqueb cuiꞌ. Eb li ralal xcꞌajol laj Judá teꞌxqꞌue retal nak cuanqueb saꞌ chꞌaꞌajquilal. Joꞌcan nak teꞌxic riqꞌuin li rey Jareb aran Asiria chixtzꞌa̱manquil xtenkꞌanquileb. Abanan aꞌan incꞌaꞌ ta̱ru̱k tixtenkꞌaheb.

Q'eqchi Bible

¹³ “Naq laj Efraín tixk'e reetal li xyajel ut laj Judá taaril li xtiq'ilal, toja' naq laj Efraín taaxik Asiria ut laj Judá tixpatz' xtenq'ankil re li nimajwal awab'ej; ab'an a'an ink'a' taaruhanq chi xk'irtasinkileb' chi moko xb'anb'aleb'.

Oseas 5:13 ပူးပေါင်းရင်းမြစ်များ

Oseas 7:11

Eb li ralal xcꞌajol laj Efraín chanchaneb li mucuy ma̱cꞌaꞌ xnaꞌleb. Incꞌaꞌ naxnau cꞌoxlac. Xbe̱n cua nequeꞌxpatzꞌ xtenkꞌanquil riqꞌuineb laj Egipto ut nequeꞌxpatzꞌ ajcuiꞌ riqꞌuineb laj Asiria.

Oseas 12:1

Chanchan yal ikꞌ nataklan reheb laj Efraín xban nak ma̱cꞌaꞌ na-oc cuiꞌ li nequeꞌxba̱nu. Chanchan li ikꞌ nachal saꞌ releb sakꞌe bar cuanqueb cuiꞌ laj Asiria. Nanumta li ticꞌtiꞌ ut li ma̱usilal li nequeꞌxba̱nu. Nequeꞌxba̱nu li contrato riqꞌuineb laj Asiria ut nequeꞌxtakla lix aceite aran Egipto.

Oseas 10:6

Li cuacax oro ta̱cꞌamekꞌ Asiria ut ta̱qꞌuehekꞌ chokꞌ xma̱tan li rey Jareb. Eb li ralal xcꞌajol laj Efraín teꞌcꞌutekꞌ xxuta̱n. Xuta̱nal teꞌe̱lk chixjunileb laj Israel xban nak queꞌxqꞌue ribeb chi balakꞌi̱c.

Oseas 8:9

Li ralal xcꞌajol laj Efraín chanchaneb li bu̱r xban nak nequeꞌxba̱nu xjuneseb li cꞌaꞌru nequeꞌraj. Xeꞌco̱eb xpatzꞌbal xtenkꞌanquileb riqꞌuineb laj Asiria ut queꞌxtoj re nak teꞌcolekꞌ. Ut incꞌaꞌ xeꞌxcꞌoxla nak la̱in raj xincoloc reheb.

Jeremías 30:12

Li Ka̱cuaꞌ quixye reheb lix tenamit: —Li raylal li yo̱quex chixcꞌulbal chanchan jun li yocꞌol li ma̱cꞌaꞌ xbanol.

2 Reyes 15:19

Quicuulac laj Pul lix reyeb laj Asiria chi pletic riqꞌuineb laj Israel. Li rey Manahem quixqꞌue re cuakib ciento quintal riqꞌuin oxcꞌa̱l quintal (660) li plata re nak tixtenkꞌa ut tixxakab saꞌ xnaꞌaj lix cuanquil.

Miqueas 1:9

Xban li ma̱usilal li yo̱queb chixba̱nunquil laj Samaria, chanchan nak cuan jun xtochꞌolal yo̱ chi kꞌa̱c. Ma̱cꞌaꞌ xbanol. Ut xbon rib li ma̱usilal riqꞌuineb li ralal xcꞌajol laj Judá. Joꞌcan nak teꞌosokꞌ ut teꞌosokꞌ ajcuiꞌ lin tenamit li cuanqueb Jerusalén. Ma̱cꞌaꞌ xjalenquil. Cha̱lc re li rakba a̱tin saꞌ xbe̱neb chixjunileb.

Oseas 14:3

La̱o xkaqꞌue retal nak eb laj Asiria incꞌaꞌ naru toeꞌxcol, chi moco naru toeꞌxcol li cacua̱y re pletic. Chi moco takaye chic “at kadios” reheb li yal nakayi̱b riqꞌuin kukꞌ. At Ka̱cuaꞌ, caꞌaj cuiꞌ a̱cuiqꞌuin cꞌojcꞌo̱k kachꞌo̱l xban nak la̱at li nacat-uxta̱nan ruheb li nebaꞌ, chaꞌkex re li Ka̱cuaꞌ.

2 Reyes 16:7

Laj Acaz lix reyeb laj Judá quixtaklaheb lix takl riqꞌuin laj Tiglat-pileser lix reyeb laj Asiria. Quixye re: —La̱in aj cꞌanjel cha̱cuu. Chanchanin a̱cualal. Ba̱nu usilal, cha̱lkat chintenkꞌanquil chixcolbal cuib saꞌ rukꞌeb lix reyeb laj Siria ut lix reyeb laj Israel xban nak eb aꞌan teꞌraj numta̱c saꞌ inbe̱n, chan.

2 Reyes 15:29

Saꞌ eb li cutan nak laj Peka cuan chokꞌ rey aran Israel, laj Tiglat-pileser lix reyeb laj Asiria quichal chi pletic riqꞌuineb laj Israel. Quinumta saꞌ xbe̱neb li tenamit Ijón, Abel-bet-maaca, Janoa, Cedes, Hazor, Galaad, Galilea ut chixjunil lix naꞌajeb li ralal xcꞌajol laj Neftalí. Quixchapeb li cristian ut quixcꞌameb chi pre̱xil aran Asiria.

Isaías 3:7

Abanan saꞌ li cutan aꞌan li asbej ta̱chakꞌok ut tixye: —La̱in incꞌaꞌ nacuaj oc chi takla̱nc saꞌ xbe̱n li tenamit xban nak saꞌ cuochoch ma̱cꞌaꞌ tzacae̱mk chi moco cuan akꞌej. Incꞌaꞌ naru tine̱xakab chi takla̱nc saꞌ xbe̱n li tenamit aꞌin.—

Ezequiel 23:5

Nak sumsu cuiqꞌuin, lix Ahola quixmux ru xsumlajic ut quicuan riqꞌuineb li soldado aj Asiria, li cuanqueb nachꞌ riqꞌuin li tenamit.

Oseas 2:7

Tixyal xkꞌe chixsicꞌbal ani ta̱rahok re. Abanan incꞌaꞌ chic tixtau. Ut riqꞌuin aꞌan ta̱yotꞌekꞌ xchꞌo̱l ut tixye: —Tinsukꞌi̱k cuiꞌchic riqꞌuin lin be̱lom. Kꞌaxal us nak xincuan riqꞌuin chiru nak cuanquin anakcuan, chaꞌak.