Oseas 5:10 - Li Santil hu

¹⁰ Li Ka̱cuaꞌ quixye: —Yo̱ injoskꞌil xban nak eb laj cꞌamol be saꞌ xya̱nkeb laj Judá queꞌcuulac e̱riqꞌuin la̱ex aj Israel ut queꞌxmakꞌ che̱ru le̱ naꞌaj. Chanchan osoꞌqueb re saꞌ li cacuil hab nak tinqꞌueheb chixtojbal xma̱queb.

Q'eqchi Bible

¹⁰ Li Qaawa' naxye chi jo'ka'in: “Eb' li xninqaleb' ru winq re Judá a'an xkomoneb' li neke'jalok xna'aj xnub'ajl li ch'och'. A'ut laa'in twisi linjosq'il sa' xb'eeneb' jo'aq li b'ut'iha'.

Oseas 5:10 ပူးပေါင်းရင်းမြစ်များ

Deuteronomio 19:14

Ut incꞌaꞌ naru te̱jal li nuba̱l re lix chꞌochꞌ le̱ ras e̱ri̱tzꞌin li quixakaba̱c junxil saꞌ li naꞌajej li tixqꞌue e̱re li Ka̱cuaꞌ le̱ Dios re texcua̱nk cuiꞌ.

Salmos 32:6

Li ti̱queb xchꞌo̱l teꞌxtzꞌa̱ma xtenkꞌanquil cha̱cuu nak cuanqueb saꞌ li raylal. Chanchan li butꞌ nak nachal li raylal saꞌ xbe̱neb. Abanan la̱at ta̱tenkꞌaheb re nak incꞌaꞌ teꞌchꞌina̱nk xchꞌo̱leb xban li raylal.

Deuteronomio 27:17

Tzꞌekta̱nanbil li ani tixjal xnuba̱l lix chꞌochꞌ li rech cabal. Ut chixjunileb li tenamit teꞌxye: Joꞌcan taxak.

San Lucas 6:49

Ut li ani na-abin re li cua̱tin ut incꞌaꞌ naxba̱nu li cꞌaꞌru ninye, li jun aꞌan tinjuntakꞌe̱ta riqꞌuin li cui̱nk li quixyi̱b li rochoch saꞌ xbe̱n chꞌochꞌ ut incꞌaꞌ quixbec xnaꞌaj lix cimiento. Nak quibutꞌir li nimaꞌ, li haꞌ coxsacꞌ rib chiru li cab. Quitꞌaneꞌ li cab ut quisach chi jun aj cua, chan li Jesús reheb.

San Mateo 7:27

Ut quichal li hab, quicuan li butꞌi haꞌ ut quichal li ca̱k-sut-ikꞌ. Coxsacꞌ rib chiru ut li cab aꞌan quitꞌaneꞌ ut aran qui-osoꞌ.

Ezequiel 7:8

Chi se̱b tincꞌut lin joskꞌil che̱ru. La̱ex te̱nau nak kꞌaxal yo̱ injoskꞌil saꞌ e̱be̱n. Ut la̱in tinrakok a̱tin saꞌ e̱be̱n aꞌ yal chanru le̱ yehom e̱ba̱nuhom. Texinqꞌue chixtojbal rix le̱ ma̱usilal.

Proverbios 22:28

Li xca̱ li naꞌleb, aꞌan aꞌin: Me̱jal xnaꞌaj li nuba̱l li ac qꞌuebil xbaneb le̱ xeꞌto̱nil yucuaꞌ.

Proverbios 17:14

Li xtiquibanquil jun li ple̱t chanchan xtebal jun rok li haꞌ xban nak junpa̱t naniman ru. Joꞌcan nak kꞌaxal us chokꞌ e̱re nak incꞌaꞌ te̱chꞌic e̱rib saꞌ li ple̱t.

Salmos 88:17

Junelic yo̱ a̱joskꞌil saꞌ inbe̱n. Chanchan nak sutsu̱quin xban li butꞌ nak nachal chixjunil li raylal saꞌ inbe̱n.

Salmos 69:24

Chacꞌut taxak la̱ joskꞌil chiruheb. Cheꞌosokꞌ taxak xban la̱ joskꞌil.

Isaías 1:23

Eb li nequeꞌcꞌamoc be che̱ru aj kꞌetoleb a̱tin ut nequeꞌxjunaji rib riqꞌuineb laj e̱lkꞌ. Nequeꞌxra ru li tumin ut nequeꞌxqꞌue rib chi tumina̱c. Incꞌaꞌ nequeꞌxba̱nu usilal reheb li ma̱cꞌaꞌeb xnaꞌ xyucuaꞌ chi moco nequeꞌxtenkꞌaheb li xma̱lcaꞌan.

Ezequiel 22:22

La̱ex li cuanquex Jerusalén, ta̱rakekꞌ a̱tin saꞌ e̱be̱n re nak ta̱e̱lk li incꞌaꞌ us saꞌ e̱ya̱nk, joꞌ nak nahaꞌoꞌ li plata saꞌ li xam. Riqꞌuin aꞌin te̱qꞌue retal nak la̱in li nimajcual Dios xinqꞌuehoc e̱re chixtojbal rix e̱ma̱c xban nak yo̱ injoskꞌil saꞌ e̱be̱n.—