Oseas 5:1 - Li Santil hu

¹ La̱ex laj tij, cherabihak li oc cue chixyebal. La̱ex laj Israel, cheqꞌuehak retal li tinye. Ex ralal xcꞌajol li rey, abihomak li tinye anakcuan. Xexrakoc raj a̱tin saꞌ xbe̱neb li tenamit saꞌ ti̱quilal. Abanan incꞌaꞌ xeba̱nu. Joꞌcan nak ta̱rakekꞌ a̱tin saꞌ e̱be̱n la̱ex ut texinqꞌue chixtojbal rix le̱ ma̱c. Xeqꞌue e̱rib joꞌ jun raꞌal reheb laj Mizpa joꞌ ajcuiꞌ reheb laj Tabor.

Q'eqchi Bible

¹ “Ex aj tij, ab'ihomaq a'in; ex aj k'amol xb'eheb' laj Israel, q'esaq leexik chi ab'ink; laa'ex li wank eewankil sa' rochoch li awab'ej, k'ehomaq reetal: sa' eeb'een laa'ex taa'uxmanq li raqok aatin, xb'aan naq xeluktasi xch'ooleb' li tenamit aran Mispá ut xera'leheb' li poyanam sa' xb'een li tzuul Tabor.

Oseas 5:1 ပူးပေါင်းရင်းမြစ်များ

Oseas 9:8

La̱in taklanbilin chak xban li Dios chokꞌ aj ilol e̱re la̱ex li ralal xcꞌajol laj Efraín. Abanan yalak bar ninxic chixyebal resil li raylal cha̱lel saꞌ e̱be̱n, xicꞌ niquine̱ril. Che̱ru la̱ex, chanchanin laj yo li naraj chapoc e̱re. Ut saꞌ li rochoch li Dios li bar raj xine̱cꞌul saꞌ xya̱lal, xicꞌ chic xine̱ril.

Miqueas 7:2

Ma̱ jun chic li cui̱nk ti̱c xchꞌo̱l saꞌ ruchichꞌochꞌ ut ma̱ ani chic junak cha̱bil. Chixjunileb nequeꞌcamsin ut li junju̱nk nequeꞌxsicꞌ chanru nak ta̱ru̱k teꞌxbalakꞌi li ras ri̱tzꞌin.

Miqueas 3:9

Abihomak li oc cue xyebal e̱re la̱ex li nequexcꞌamoc be chiruheb laj Israel li ralal xcꞌajol laj Jacob. Abihomak la̱ex li cuan e̱cuanquil saꞌ xya̱nkeb. La̱ex xicꞌ nequeril li ti̱quilal ut nequesukꞌisi li us chokꞌ ma̱usilal.

Oseas 6:9

Eb laj tij chanchaneb laj e̱lkꞌ li nequeꞌxmuk ribeb saꞌ li be li naxic saꞌ li tenamit Siquem re nak teꞌxcamsi li cristian nak teꞌnumekꞌ aran. Nacuulac chiruheb laj tij xba̱nunquil li ma̱usilal.

Jueces 4:6

Saꞌ jun li cutan lix Débora quixtakla xbokbal laj Barac li ralal laj Abinoam li cuan saꞌ li tenamit Cedes li cuanqueb cuiꞌ li ralal xcꞌajol laj Neftalí, ut quixye re: —Li Ka̱cuaꞌ lix Dios eb laj Israel xye a̱cue chi joꞌcaꞌin, “Ta̱chꞌutubeb ru laje̱b mil chi cui̱nk xcomoneb li ralal xcꞌajol laj Neftalí ut laj Zabulón ut texxic saꞌ li tzu̱l Tabor.

Malaquías 2:1

Joꞌcaꞌin xye li Ka̱cuaꞌ: —Le̱ chakꞌrabinquil li oc cue xqꞌuebal anakcuan, aꞌan e̱re la̱ex aj tij.

Amós 7:9

Eb li naꞌajej li cuanqueb saꞌ li tzu̱l bar nequeꞌlokꞌonin cuiꞌ li ralal xcꞌajol laj Isaac teꞌsachekꞌ ut eb li cab bar nequeꞌlokꞌonin cuiꞌ li ralal xcꞌajol laj Israel teꞌlajeꞌjuqꞌuekꞌ. Ut tincanabeb chi sachecꞌ riqꞌuin chꞌi̱chꞌ li rey Jeroboam rochbeneb li ralal xcꞌajol, chan li Ka̱cuaꞌ.

Oseas 10:15

Joꞌcan ajcuiꞌ te̱cꞌul la̱ex aj Israel li cuanquex Bet-el xban xqꞌuial le̱ ma̱usilal. Saꞌ li ekꞌela nak ta̱ticla̱k li ple̱t, aꞌan ajcuiꞌ li ho̱nal nak ta̱camsi̱k le̱ rey.

Oseas 4:1

Abihomak ra̱tin li Ka̱cuaꞌ, ex ralal xcꞌajol laj Israel, xban nak yo̱ xjoskꞌil saꞌ e̱be̱n la̱ex li cuanquex saꞌ li naꞌajej aꞌin. Joꞌcaꞌin yo̱ chixyebal li Ka̱cuaꞌ Dios: —Ma̱ ani ti̱c xchꞌo̱l ut ma̱ ani na-uxta̱nan u ut ma̱ ani naqꞌuehoc retal nak La̱in li Ka̱cuaꞌ Dios.

Malaquías 1:6

Joꞌcaꞌin quixye li nimajcual Dios reheb laj tij: —Junak alalbej naxqꞌue xlokꞌal lix yucuaꞌ. Ut junak aj cꞌanjel naxqꞌue xlokꞌal lix patrón. Cui la̱in le̱ Yucuaꞌ, ¿cꞌaꞌut nak incꞌaꞌ nequeqꞌue inlokꞌal? Ut cui la̱in le̱ patrón, ¿cꞌaꞌut nak incꞌaꞌ niquine̱qꞌue saꞌ xnakꞌ e̱ru? La̱ex niquine̱tzꞌekta̱na. Ut nequeye, “¿Cꞌaꞌru xatkatzꞌekta̱na cuiꞌ?” chanquex.

Miqueas 3:1

Ut quixye laj Miqueas: —Abihomak anakcuan la̱ex li nequexcꞌamoc be saꞌ xya̱nkeb li ralal xcꞌajol laj Jacob. Abihomak la̱ex li cuan e̱cuanquil saꞌ xya̱nkeb li ralal xcꞌajol laj Israel. ¿Ma incꞌaꞌ ta biꞌ tento ajcuiꞌ saꞌ e̱be̱n la̱ex xtaubal ru li ti̱quilal?

Oseas 13:8

La̱in tinjoskꞌokꞌ joꞌ nak najoskꞌoꞌ li ixki oso li na-elkꞌa̱c ral chiru. Tinba̱nu joꞌ naxba̱nu li oso nak naxchap ut naxtꞌupi li namakꞌoc re li ral chiru toj retal tixcamsi. Chanchanakin li cakcoj nak tinsacheb. Ut tinba̱nu joꞌ naxba̱nu li joskꞌ aj xul saꞌ qꞌuicheꞌ nak naxtꞌupi lix tib.

Jeremías 46:18

La̱in li Ka̱cuaꞌ li nimajcual Dios. La̱in li tzꞌakal rey. La̱in li yoꞌyo̱quil Dios. Li jun li ta̱cha̱lk chi pletic e̱riqꞌuin chanchan li tzu̱l Tabor li najt xteram saꞌ xya̱nkeb li tzu̱l. Chanchan li tzu̱l Carmel li cuan chire li palau.

Jeremías 13:18

Yehomak resil re li rey ut re li reina, “Cubsihomak e̱rib ut chunlankex saꞌ chꞌochꞌ xban nak xcuulac xkꞌehil nak ta̱isi̱k le̱ corona.”

Joel 1:2

Cherabihak la̱ex li ac che̱quex. Ut cherabihak che̱junilex la̱ex li cuanquex arin Judá. ¿Ma ac e̱cꞌulum ta biꞌ jun sutak li raylal aꞌin? Ut, ¿ma ac xcꞌulumeb ta biꞌ jun sutak le̱ xeꞌto̱nil yucuaꞌ chi joꞌcaꞌin?

Jueces 4:12

Laj Sísara quirabi resil nak laj Barac li ralal laj Abinoam ac xcuulac saꞌ li tzu̱l Tabor.

1 Samuel 7:5

Laj Samuel quixye reheb: —Che̱junilex la̱ex aj Israel, chꞌutubomak e̱rib aran Mizpa ut la̱in tintijok che̱rix chiru li Ka̱cuaꞌ, chan.

1 Samuel 7:6

Ut queꞌxchꞌutub ribeb aran Mizpa. Queꞌrisi li haꞌ saꞌ li becbil haꞌ ut queꞌxhoy chiru li Ka̱cuaꞌ chokꞌ xmayejeb. Queꞌxba̱nu x-ayu̱n chiru li cutan aꞌan. Queꞌxxo̱to xma̱queb ut queꞌxye: —Xoma̱cob chiru li Ka̱cuaꞌ, chanqueb. Ut aran Mizpa laj Samuel quicana chokꞌ aj rakol a̱tin saꞌ xbe̱neb li ralal xcꞌajol laj Israel.

1 Samuel 7:16

Rajlal chihab naxic saꞌ eb li tenamit Bet-el, Gilgal, ut Mizpa ut narakoc a̱tin saꞌ xbe̱neb laj Israel li cuanqueb saꞌ eb li naꞌajej aꞌan.

Jeremías 11:7

Chalen nak queꞌcuisi chak le̱ xeꞌto̱nil yucuaꞌ Egipto ut toj chalen anakcuan la̱in nabal sut quebinkꞌus. Chalen junxil yo̱quin chak chixyebal reheb: Cherabihak li cꞌaꞌru ninye.

Amós 3:1

La̱ex laj Israel, cherabihak li naxye li Ka̱cuaꞌ che̱rix che̱junilex la̱ex li quexrisi chak saꞌ li tenamit Egipto nak quixye chi joꞌcaꞌin: