Oseas 4:9 - Li Santil hu

⁹ Chanru lix naꞌlebeb li tenamit, joꞌcan ajcuiꞌ e̱naꞌleb la̱ex aj tij. Joꞌcan nak texinqꞌue chixtojbal rix le̱ ma̱c aꞌ yal chanru le̱ yehom e̱ba̱nuhom.

Q'eqchi Bible

⁹ Ab'an juntaq'eet te'xk'ul laj tij rik'ineb' li tenamit: tink'eheb' chi xtojb'al li xmaakeb' ut teb'inq'ajkamu jo' chanru li xyehom ut xb'aanuhomeb'.

Oseas 4:9 ပူးပေါင်းရင်းမြစ်များ

Jeremías 5:31

Eb li profeta ticꞌtiꞌ nequeꞌxye. Ut eb laj tij nequeꞌxba̱nu joꞌ nequeꞌraj eb li profeta. Ut eb lin tenamit joꞌcan queꞌcuulac chiru. Abanan ¿cꞌaꞌru teꞌxba̱nu nak ta̱cuulak xkꞌehil li rakba a̱tin? chan li Ka̱cuaꞌ.

Isaías 24:2

Juntakꞌe̱t li raylal teꞌxcꞌul chixjunileb. Juntakꞌe̱t li raylal teꞌxcꞌul laj tij riqꞌuin li teꞌxcꞌul li tenamit. Juntakꞌe̱t li raylal teꞌxcꞌul li mo̱s riqꞌuin li teꞌxcꞌul lix patrón. Juntakꞌe̱t li raylal li teꞌxcꞌul li nequeꞌcꞌayin riqꞌuin li teꞌxcꞌul li nequeꞌlokꞌoc. Ut juntakꞌe̱t li raylal li teꞌxcꞌul li nequeꞌqꞌuehoc toꞌ tumin riqꞌuineb li nequeꞌcꞌuluc tumin chi toꞌ. Ut juntakꞌe̱t li raylal li teꞌxcꞌul li nebaꞌ riqꞌuin li teꞌxcꞌul li biom.

San Mateo 15:14

Canabomakeb. Aꞌaneb mutzꞌeb ut nequeꞌxberesiheb li mutzꞌ. Ut cui li mutzꞌ nequeꞌxberesi li rech mutzꞌil, chi xcabichaleb teꞌtꞌanekꞌ saꞌ jul.—

Zacarías 1:6

Abanan li a̱tin li quinye quicꞌulman joꞌ quinye. Quicꞌulman joꞌ quinye reheb lin profeta re teꞌxye reheb li tenamit. Queꞌxcꞌul li raylal le̱ xeꞌto̱nil yucuaꞌ joꞌ quinye. Joꞌcan nak queꞌyotꞌeꞌ xchꞌo̱l ut queꞌxjal xcꞌaꞌuxeb. Queꞌxye, “Xkacꞌul ajcuiꞌ li cꞌaꞌru quixye chak saꞌ kabe̱n li Ka̱cuaꞌ li nimajcual Dios joꞌ kacꞌulub xcꞌulbal xban li kayehom kaba̱nuhom,” chanqueb.—

Oseas 9:9

Kꞌaxal xnumta le̱ ma̱usilal joꞌ queꞌxba̱nu aran Gabaa. Anakcuan ta̱julticokꞌ re li Dios le̱ ma̱usilal ut aꞌan ta̱qꞌuehok e̱re chixtojbal rix le̱ ma̱c, chan laj Oseas.

Oseas 8:13

Nequeꞌxmayeja li xul chicuu ut eb aꞌan ajcuiꞌ li nequeꞌtzacan re. La̱in incꞌaꞌ nacuulac chicuu lix mayejeb xban nak najulticoꞌ cue li ma̱usilal nequeꞌxba̱nu. Joꞌcan nak re xtojbal rixeb lix ma̱c, ta̱cha̱lk li raylal saꞌ xbe̱neb. Chanchan li raylal li queꞌxcꞌul nak cuanqueb chak Egipto.

Oseas 1:4

Ut li Ka̱cuaꞌ quixye re laj Oseas: —Qꞌue aj Jezreel chokꞌ xcꞌabaꞌ li cꞌulaꞌal aꞌin xban nak chi se̱b tinqꞌue chixtojbal xma̱c li ralal xcꞌajol laj Jehú xban li camsi̱nc queꞌxba̱nu aran Jezreel. Tinsacheb xcuanquileb li ralal xcꞌajol ut incꞌaꞌ chic teꞌtakla̱nk saꞌ xbe̱neb laj Israel.

Isaías 3:10

Us xak re li ti̱c xchꞌo̱l xban nak us ta̱e̱lk. Tixtzaca ru li racui̱mk.

Proverbios 5:22

Li incꞌaꞌ useb xnaꞌleb, aꞌ ajcuiꞌ li ma̱usilal li nequeꞌxba̱nu nasachoc reheb. Chanchan bacꞌbo̱queb xban li ma̱c nequeꞌxba̱nu.

Proverbios 12:14

Li junju̱nk tixcꞌul xkꞌajca̱munquil aꞌ yal chanru lix yehom xba̱nuhom. Ut tixcꞌul lix tojbal aꞌ yal chanru lix naꞌleb.

Oseas 7:2

Incꞌaꞌ nequeꞌxcꞌoxla nak la̱in yo̱quin chixqꞌuebal retal lix ma̱usilaleb. La̱in nacuil nak li ma̱c yo̱ chi numta̱c saꞌ xbe̱neb.

Oseas 9:15

Ut li Ka̱cuaꞌ quixye: —Chixjunil lix ma̱usilal queꞌxtiquib xba̱nunquil aran Gilgal. Aran ajcuiꞌ quichal injoskꞌil saꞌ xbe̱neb. Xban li ma̱usilal nequeꞌxba̱nu, tincuisiheb saꞌ li cuochoch ut incꞌaꞌ chic tinraheb. Chixjunileb laj cꞌamol be chiruheb xeꞌxkꞌetkꞌeti ribeb chicuu.

Oseas 10:10

Abanan nak ta̱cuulak xkꞌehil la̱in texinqꞌue chixtojbal rix le̱ ma̱c. Eb li jalaneb xtenamit teꞌxjunaji ribeb chi numta̱c saꞌ e̱be̱n. Ut kꞌaxal ra te̱cꞌul xban xqꞌuial le̱ ma̱usilal.

Oseas 12:2

Li Ka̱cuaꞌ yo̱ xjoskꞌil saꞌ xbe̱neb li ralal xcꞌajol laj Judá ut tixqꞌueheb chixtojbal xma̱queb li ralal xcꞌajol laj Jacob aꞌ yal chanru xyehom xba̱nuhomeb. Tixqꞌueheb chixtojbal xma̱queb joꞌ xcꞌulubeb.

Proverbios 11:31

Relic chi ya̱l nak li ti̱queb xchꞌo̱l nequeꞌxcꞌul lix kꞌajca̱munquil arin saꞌ ruchichꞌochꞌ. ¿Ma tojaꞌ ta chic eb laj ma̱c ut eb li incꞌaꞌ useb xnaꞌleb incꞌaꞌ teꞌxcꞌul xtojbal lix ma̱queb?

Ezequiel 44:10

Eb laj levita rochbeneb laj Israel li rech tenamitil li queꞌtzꞌekta̱nan cue nak queꞌxlokꞌoniheb li jalanil dios teꞌxtoj rix lix ma̱queb.

Ezequiel 44:12

Xban nak queꞌcꞌanjelac chiruheb li jalanil dios ut queꞌcꞌamoc be chiruheb laj Israel chixba̱nunquil li ma̱usilal, joꞌcan nak la̱in li nimajcual Dios ninye riqꞌuin juramento nak relic chi ya̱l nak teꞌxtoj rix lix ma̱queb.

Oseas 12:3

Toj ma̱jiꞌ ajcuiꞌ nequeꞌyoꞌla laj Jacob li kaxeꞌto̱nil yucuaꞌ ut laj Esaú, ac yo̱queb chixpletinquil ribeb. Chapcho lix cux rok laj Esaú xban laj Jacob nak queꞌyoꞌla. Ut mokon nak nim chic, laj Jacob quipletic riqꞌuin lix ángel li Ka̱cuaꞌ.