Oseas 4:6 - Li Santil hu

⁶ Teꞌsachekꞌ lin tenamit saꞌ e̱ma̱c la̱ex xban nak incꞌaꞌ xecꞌut lix ya̱lal chiruheb. Xban nak la̱ex xetzꞌekta̱na lin chakꞌrab li xinqꞌue e̱re, joꞌcan ajcuiꞌ nak texintzꞌekta̱na la̱in ut texcuisi saꞌ le̱ cꞌanjel. Incꞌaꞌ chic teꞌcꞌanjelak chokꞌ aj tij le̱ ralal e̱cꞌajol.

Q'eqchi Bible

⁶ Yo chi kamk lintenamit xb'aan naq ink'a' neke'xnaw wu. Ut laa'at, aj tij, xatz'eqtaana xnawb'al wu, jo'kan naq tatwisi sa' laak'anjel. Xb'aan naq xatz'eqtaana li xchaq'rab' laaYos, laa'in ajwi' teb'intz'eq chirix inch'ool eb' laawalal aak'ajol.

Oseas 4:6 ပူးပေါင်းရင်းမြစ်များ

Isaías 5:13

Joꞌcan nak eb li tenamit teꞌchapekꞌ ut teꞌcꞌamekꞌ saꞌ jalan tenamit xban nak incꞌaꞌ nequeꞌxtau xya̱lal. Eb li cuanqueb xcuanquil teꞌca̱mk xban xtzꞌocajiqueb ut eb li jun chꞌol chic teꞌca̱mk xban chaki el.

Proverbios 19:2

Junak cristian ma̱cꞌaꞌ xnaꞌleb incꞌaꞌ naxcꞌoxla chi us li cꞌaꞌru naxba̱nu. Xban nak naxba̱nu saꞌ junpa̱t aꞌan naqꞌuehoc re chi ma̱cobc.

Oseas 6:6

Ma̱cꞌaꞌ aj e nak nequexmayejac chicuu cui incꞌaꞌ nequex-uxta̱nan u. Ut ma̱cꞌaꞌ aj e nak nequexcꞌatoc xul cui incꞌaꞌ niquine̱pa̱b chi anchal e̱chꞌo̱l.

Oseas 4:1

Abihomak ra̱tin li Ka̱cuaꞌ, ex ralal xcꞌajol laj Israel, xban nak yo̱ xjoskꞌil saꞌ e̱be̱n la̱ex li cuanquex saꞌ li naꞌajej aꞌin. Joꞌcaꞌin yo̱ chixyebal li Ka̱cuaꞌ Dios: —Ma̱ ani ti̱c xchꞌo̱l ut ma̱ ani na-uxta̱nan u ut ma̱ ani naqꞌuehoc retal nak La̱in li Ka̱cuaꞌ Dios.

San Mateo 15:8

Li tenamit aꞌin niquineꞌxlokꞌoni caꞌaj cuiꞌ riqꞌuin xtzꞌu̱mal reheb. Moco nequeꞌxba̱nu ta chi anchal xchꞌo̱leb.

Oseas 8:14

Xsach saꞌ xchꞌo̱leb laj Israel nak la̱in quiyoꞌobtesin reheb. Yo̱queb chixyi̱banquil lix ni̱nkal ru cab xnaꞌajeb lix dioseb. Ut eb laj Judá queꞌxyi̱b lix ni̱nkal ru tenamit ut queꞌxcauresi re nak cauhakeb rib. Abanan la̱in tintakla chak xam saꞌ xbe̱neb ut ta̱cꞌatekꞌ lix naꞌaj lix dioseb ut teꞌcꞌatekꞌ ajcuiꞌ lix ni̱nkal ru tenamit li xeꞌxyi̱b, chan li Dios.

Isaías 17:10

La̱ex aj Israel, xetzꞌekta̱na li Ka̱cuaꞌ laj colol e̱re. Incꞌaꞌ xepatzꞌ e̱tenkꞌanquil re li Dios li chanchan li sako̱nac li xecol cuiꞌ raj e̱rib. Xerau ban li acui̱mk chꞌinaꞌus re xqꞌuebal xlokꞌal li jalanil dios.

Jeremías 2:8

Eb laj tij incꞌaꞌ queꞌxcꞌoxla insicꞌbal. Eb li nequeꞌxcꞌut li chakꞌrab chiruheb li tenamit incꞌaꞌ queꞌxqꞌue inlokꞌal. Eb li nequeꞌtaklan saꞌ xbe̱neb laj Israel queꞌxkꞌet li cua̱tin. Ut eb li profetas queꞌa̱tinac saꞌ xcꞌabaꞌ li yi̱banbil dios Baal, ut queꞌxlokꞌoniheb li jalanil dios li ma̱cꞌaꞌ nequeꞌoc cuiꞌ.

2 Crónicas 15:3

Najt queꞌcuan laj Israel chi incꞌaꞌ yo̱queb chixlokꞌoninquil li tzꞌakal Dios. Ma̱cꞌaꞌeb laj tij chixcꞌutbal lix ya̱lal chiruheb ut ma̱cꞌaꞌ lix chakꞌrab li Dios riqꞌuineb.

Oseas 13:6

Abanan nak xexcuulac saꞌ li cha̱bil chꞌochꞌ, cuan chic cꞌaꞌru e̱re ut xextzacan chi us. Xban nak tzꞌakal chic li cꞌaꞌru e̱re cuan, xenimobresi e̱rib ut incꞌaꞌ chic xine̱cꞌoxla.

Isaías 1:3

Li bo̱yx naxnau ru laj e̱chal re ut li bu̱r naxnau bar qꞌuebil xnaꞌaj xban laj e̱chal re. Abanan lin tenamit Israel incꞌaꞌ nequeꞌxnau cuu chi moco nequeꞌxtau ru lix ya̱lal.

Jeremías 4:22

Li Ka̱cuaꞌ quixye: —Ma̱cꞌaꞌeb xnaꞌleb lin tenamit. Incꞌaꞌ nequeꞌxnau cuu. Chanchaneb li cocꞌal li ma̱cꞌaꞌeb xnaꞌleb. Chanchaneb li cocꞌal li incꞌaꞌ nequeꞌxtau xya̱lal. Cuanqueb xnaꞌleb chixba̱nunquil li ma̱usilal, abanan incꞌaꞌ nequeꞌraj xba̱nunquil li us, chan.

Li xHu LAJ JOB 36:12

Abanan, cui eb aꞌan incꞌaꞌ nequeꞌxba̱nu li cꞌaꞌru naxye li Dios, teꞌosokꞌ. Teꞌca̱mk chi incꞌaꞌ teꞌxqꞌue retal cꞌaꞌru naraj li Dios.

Jeremías 5:21

Abihomak la̱ex li ma̱cꞌaꞌ e̱naꞌleb, la̱ex li cau e̱chꞌo̱l. La̱ex li cuan xnakꞌ e̱ru ut incꞌaꞌ nequex-iloc, la̱ex li cuan e̱xic ut incꞌaꞌ nequex-abin.

Isaías 3:12

Eb li nequeꞌrahobtesin reheb lin tenamit toj sa̱jeb ut eb li ixk nequeꞌnumta saꞌ xbe̱neb. Ex intenamit, eb li nequeꞌcꞌamoc be che̱ru yo̱queb che̱balakꞌinquil ut chixcꞌambal e̱be chixba̱nunquil li incꞌaꞌ us.

Salmos 119:139

Cꞌajoꞌ nak nachal lin joskꞌil chirilbal nak eb li xicꞌ nequeꞌiloc cue nequeꞌxtzꞌekta̱na la̱ chakꞌrab.

Salmos 119:61

Nabaleb li incꞌaꞌ useb xnaꞌleb nequeꞌxsicꞌ chanru nak tineꞌxqꞌue chi tꞌanecꞌ. Abanan incꞌaꞌ nasach saꞌ inchꞌo̱l li cꞌaꞌru naxye la̱ chakꞌrab.

San Mateo 15:14

Canabomakeb. Aꞌaneb mutzꞌeb ut nequeꞌxberesiheb li mutzꞌ. Ut cui li mutzꞌ nequeꞌxberesi li rech mutzꞌil, chi xcabichaleb teꞌtꞌanekꞌ saꞌ jul.—

Oseas 8:12

Quintzꞌi̱ba chokꞌ reheb lix nimal xcuanquil lin chakꞌrab, abanan ma̱cꞌaꞌ qui-oc cuiꞌ chiruheb.

Oseas 8:1

Ya̱basi li trompeta xban nak yo̱queb chi cha̱lc chi pletic li xicꞌ nequeꞌiloc reheb lin tenamit. Chanchaneb li cꞌuch nak yo̱queb chi cha̱lc. Xban nak lin tenamit xeꞌxtzꞌekta̱na li contrato quinba̱nu riqꞌuineb, joꞌcan nak teꞌxcꞌul li raylal. Xeꞌxtzꞌekta̱na li chakꞌrab xinqꞌue reheb.

Oseas 4:12

Lin tenamit yo̱queb chixtzꞌa̱manquil xnaꞌlebeb chiru li pechꞌbil dios cheꞌ. ¿Ma ta̱qꞌuehekꞌ ta biꞌ xnaꞌlebeb xban li yal cheꞌ? Lin tenamit chanchan li ixakilbej nayumbe̱tac xban nak xineꞌxtzꞌekta̱na ut yo̱queb xsicꞌbal jalan chic xdioseb.

Oseas 2:13

La̱in tinqꞌue chixtojbal xma̱c a ixk aꞌin li quinixtzꞌekta̱na ut quixcꞌat li pom chiru laj Baal. Kꞌaxal chꞌinaꞌus nak quixtikib rib nak quixqꞌue li xcaꞌ xic oro ut quixqꞌue lix matkꞌab ut lix kꞌol ut co̱ chirixeb li cui̱nk li nequeꞌrahoc re ut incꞌaꞌ chic niquinixcꞌoxla la̱in li Ka̱cuaꞌ.

1 Samuel 2:12

Eb li ralal laj Elí incꞌaꞌ useb xnaꞌleb ut incꞌaꞌ queꞌxqꞌue xlokꞌal li Ka̱cuaꞌ Dios.

Isaías 45:20

Li Ka̱cuaꞌ quixye: —Chꞌutubomak e̱rib ex tenamit. Quimkex che̱junilex li joꞌ qꞌuialex incꞌaꞌ xsacheꞌ e̱ru. La̱ex nequepako li yi̱banbil dios saꞌ be. Ma̱cꞌaꞌ e̱naꞌleb. Nequextijoc chiru li dios cheꞌ li incꞌaꞌ naru nequexcol.

Isaías 27:11

Eb li rukꞌ li cheꞌ queꞌchakic ut queꞌtokeꞌ. Ut eb li ixk nequeꞌxsicꞌ chokꞌ xsiꞌeb. Eb li tenamit incꞌaꞌ nequeꞌxtau xya̱lal. Joꞌcan nak li Ka̱cuaꞌ, li quiyoꞌobtesin reheb incꞌaꞌ quiril xtokꞌoba̱l ruheb. Incꞌaꞌ quiruxta̱naheb ru.

Isaías 28:7

Eb li profeta ut eb laj tij yo̱queb chi cala̱c ut nequeꞌtacloc. Cꞌajoꞌ li vino ut li haꞌ li nacaltesin queꞌrucꞌ toj retal queꞌxsach xnaꞌleb. Eb li profeta incꞌaꞌ chic nequeꞌxtau ru li visión li naxcꞌut chiruheb li Ka̱cuaꞌ. Ut eb laj tij incꞌaꞌ chic nequeꞌru xqꞌuebal xnaꞌlebeb li tenamit.

San Mateo 1:6

Ut laj Isaí, aꞌan xyucuaꞌ li rey David. Ut li rey David, aꞌan lix yucuaꞌ laj Salomón riqꞌuin li ixk li quicuan chokꞌ rixakil laj Urías.

Salmos 119:153

At Ka̱cuaꞌ, chacuil taxak xtokꞌoba̱l cuu ut china̱col taxak chiru li raylal li cuanquin cuiꞌ xban nak la̱in incꞌaꞌ xincanab xba̱nunquil li naxye la̱ chakꞌrab.

Proverbios 10:21

Li cha̱bil a̱tin nequeꞌxye li ti̱queb xchꞌo̱l naxtenkꞌa nabal. Abanan eb li ma̱cꞌaꞌeb xnaꞌleb nequeꞌcam xban nak incꞌaꞌ nequeꞌxtau xya̱lal.

Ezequiel 44:23

Eb laj tij teꞌxcꞌut chiruheb lin tenamit cꞌaꞌru li santobresinbil ut cꞌaꞌru li incꞌaꞌ santobresinbil. Teꞌxcꞌut chiruheb cꞌaꞌru li muxbil ut cꞌaꞌru li incꞌaꞌ muxbil.

Oseas 4:14

La̱in incꞌaꞌ tebinqꞌue chixtojbal rix xma̱queb le̱ rabin nak nequeꞌyumbe̱tac ut incꞌaꞌ ajcuiꞌ tebinqꞌue chixtojbal rix xma̱queb le̱ ralib nak nequeꞌxmux ru xsumlajiqueb. Incꞌaꞌ tebinqꞌue chixtojbal rix xma̱queb xban nak la̱ex ajcuiꞌ nequexcꞌamoc xbeheb nak nequexxic riqꞌuineb li ixk aj yumbe̱t ut nequexmayejac chiruheb li yi̱banbil dios e̱rochbeneb li ixk li nequeꞌxkꞌaxtesi ribeb chi yumbe̱tac. Joꞌcan nak li tenamit li incꞌaꞌ nequeꞌxtau xya̱lal, teꞌosokꞌ.

Oseas 5:4

Xban le̱ ma̱usilal incꞌaꞌ chic nequecꞌoxla sukꞌi̱c cuiqꞌuin la̱in le̱ Dios. Nequeqꞌue ban e̱chꞌo̱l chixlokꞌoninquil li yi̱banquil dios. Joꞌcan nak incꞌaꞌ naru te̱nau cuu nak la̱in li Ka̱cuaꞌ.

Oseas 7:9

Yo̱ xsachbal xcuanquileb xbaneb li jalaneb xtenamit ut eb aꞌan incꞌaꞌ nequeꞌxqꞌue retal. Chanchan li yo̱ chi sakocꞌ xjolomeb nak yo̱queb chi osocꞌ xbaneb li jalaneb xtenamit ut incꞌaꞌ nequeꞌxqꞌue retal.

Oseas 7:11

Eb li ralal xcꞌajol laj Efraín chanchaneb li mucuy ma̱cꞌaꞌ xnaꞌleb. Incꞌaꞌ naxnau cꞌoxlac. Xbe̱n cua nequeꞌxpatzꞌ xtenkꞌanquil riqꞌuineb laj Egipto ut nequeꞌxpatzꞌ ajcuiꞌ riqꞌuineb laj Asiria.

Salmos 18:27

La̱at nacacoleb li tu̱laneb ut nacacubsi xcuanquileb li nequeꞌxnimobresi ribeb.

Isaías 29:12

Ut cui ta te̱ye re junak incꞌaꞌ naxnau iloc ru hu: “Il xsaꞌ li hu aꞌin”, aꞌan tixye e̱re: “La̱in incꞌaꞌ ninnau iloc ru hu”, chaꞌak.

Oseas 9:17

Laj Oseas quixye: —Lin Dios tixtzꞌekta̱naheb xban nak incꞌaꞌ queꞌxba̱nu li cꞌaꞌru quixye aꞌan. Joꞌcan nak teꞌxbeni ribeb yalak bar saꞌ ruchichꞌochꞌ.