Oseas 4:3 - Li Santil hu

³ Xban li ma̱usilal li nequeꞌxba̱nu, li chꞌochꞌ ta̱chakik ut ma̱cꞌaꞌ chic ta̱e̱lk chiru. Chixjunil li cuan chiru ta̱ca̱mk. Chixjunil li xul saꞌ qꞌuicheꞌ joꞌqueb ajcuiꞌ li nequeꞌrupupic chiru choxa telajeꞌca̱mk ut telajeꞌca̱mk ajcuiꞌ li car li nequeꞌcuan saꞌ li palau.

Q'eqchi Bible

³ Jo'kan naq ra xch'ooleb' chixjunil li tenamit ut maak'a'eb' chik xmetz'ew li wankeb' chisa'; jun kamikeb' li k'iche'il xul, eb' li neke'rupupik chiru choxa jo' ajwi' eb' li kar sa' palaw.

Oseas 4:3 ပူးပေါင်းရင်းမြစ်များ

Sofonías 1:3

Tinsacheb ru chixjunileb li cristian ut tinsach ajcuiꞌ ruheb chixjunileb li xul. Tinsach ruheb li xul li nequeꞌrupupic chiru choxa joꞌqueb ajcuiꞌ li car li cuanqueb saꞌ li nimaꞌ. Tinsach ruheb li incꞌaꞌ useb xnaꞌleb. Tinsacheb ru chixjunileb li cristian, chan li Ka̱cuaꞌ.

Nahum 1:4

Nak naxye aꞌan nak ta̱chakik li palau, nachakic ajcuiꞌ. Ut naxqꞌueheb ajcuiꞌ chi chakic li nimaꞌ. Quixsach ru li cha̱bil pim li cuan aran Basán ut quixsach ru li acui̱mk li cuan saꞌ li tzu̱l Carmelo. Ut quixsach ajcuiꞌ ru li cha̱bil cheꞌ li cuan aran Líbano.

Amós 5:16

Joꞌcaꞌin quixye li Ka̱cuaꞌ, li nimajcual Dios: —Saꞌ eb li be japjo̱k e̱re chi ya̱bac xban li raylal li yo̱kex chixcꞌulbal. Te̱bokeb li cuanqueb saꞌ cꞌaleba̱l chi ya̱bac e̱riqꞌuin ut te̱bokeb ajcuiꞌ li tojbileb chi ya̱bac.

Ezequiel 38:20

Nak tixqꞌue li hi̱c, eb li car, ut eb li xul li nequeꞌrupupic ut chixjunileb li joskꞌ aj xul ut eb li nequeꞌxquelo rib saꞌ chꞌochꞌ, joꞌ eb ajcuiꞌ li cristian sicsotkeb xbaneb xxiu chicuu. Telajeꞌtꞌanekꞌ li tzu̱l ut li u̱l ut eb li tzꞌac teꞌjorekꞌ ut teꞌtꞌanekꞌ saꞌ chꞌochꞌ.

Jeremías 12:4

¿Joꞌ najtil chic ta̱cua̱nk li kachꞌochꞌ chi ma̱cꞌaꞌ cuan chi saꞌ? ¿Joꞌ najtil chic ta̱cana̱k li pachꞌayaꞌ chi chaki? ¿Ma ma̱cuaꞌ ta biꞌ xban lix ma̱usilaleb li tenamit nak queꞌsacheꞌ ru li xul li nequeꞌrupupic joꞌ eb ajcuiꞌ li queto̱mk? Eb aꞌan yo̱queb chixyebal: “Li Dios incꞌaꞌ ta̱ril chanru nak to-osokꞌ,” chanqueb.—

Jeremías 4:25

Ut quicuil ajcuiꞌ nak ma̱cꞌaꞌ chic cristian saꞌ ruchichꞌochꞌ ut chixjunileb li xul li nequeꞌrupupic ac xelajeꞌco̱eb.

Amós 8:8

¿Ma incꞌaꞌ ta biꞌ ta̱ecꞌa̱nk li ruchichꞌochꞌ riqꞌuin chixjunil aꞌin? Ut, ¿ma incꞌaꞌ ta biꞌ teꞌya̱bak chixjunileb li tenamit xban li raylal li teꞌxcꞌul? Nak teꞌsachekꞌ chanchan nak nasachoc li nimaꞌ Nilo li cuan aran Egipto nak nabutꞌin.

Amós 1:2

Quixye: —Li nimajcual Dios ta̱a̱tinak chak chi cau xya̱b xcux toj Sión. Toj aran Jerusalén ta̱a̱tinak chak li Ka̱cuaꞌ. Ut nak ta̱a̱tinak chak, talajeꞌchakik li pim. Ut talajeꞌchakik ajcuiꞌ li pachꞌayaꞌ saꞌ li tzu̱l Carmelo.

Isaías 33:9

Ma̱cꞌaꞌ chic li acui̱mk saꞌ lix chꞌochꞌeb. Kꞌaxal ra saꞌ xchꞌo̱l li naꞌajej. Quicꞌuteꞌ xxuta̱n li tenamit Líbano. Ut li ru takꞌa Sarón quisukꞌisi̱c chaki chꞌochꞌ. Ma̱cꞌaꞌ chic xxak li cheꞌ li cuan Basán, chi moco cuan xxak li cheꞌ li cuan saꞌ li tzu̱l Carmelo.

Jeremías 9:10

Laj Jeremías quixye: —La̱in tinya̱bak chirix li cꞌaꞌru quixcꞌul li tzu̱l ut li pachꞌayaꞌ. Xeꞌcana chi ma̱cꞌaꞌ chic cuan chiru ut ma̱ ani chic nanumeꞌ aran. Incꞌaꞌ chic nequeꞌabi̱c chi ya̱bac li cuacax. Queꞌe̱lelic li xul li nequeꞌrupupic chiru choxa. Ut queꞌe̱lelic ajcuiꞌ chixjunileb li joskꞌ aj xul, chan.

Jeremías 23:10

Saꞌ li naꞌajej aꞌin nabaleb li nequeꞌxmux ru xsumlajiqueb. Eb li tenamit yalyo̱queb xkꞌe chixba̱nunquil li ma̱usilal. Xban nak li cuanqueb saꞌ xcuanquil nequeꞌxba̱nu li cꞌaꞌru nequeꞌraj xjuneseb, joꞌcan nak li Ka̱cuaꞌ quixtzꞌekta̱na li chꞌochꞌ. Chaki chic li chꞌochꞌ ut chaki chic li pachꞌayaꞌ.

Joel 1:18

Eb li xul yo̱queb chi ya̱bac ut raheb saꞌ xchꞌo̱l xban nak ma̱cꞌaꞌeb chic xcua. Yalak bar nequeꞌxic li cuacax chixsicꞌbaleb xcua ut ma̱ bar nequeꞌxtau. Ut yo̱queb ajcuiꞌ chi ca̱mc li carner xban nak ma̱cꞌaꞌ chic xcuaheb.

Zacarías 5:4

Li cuanqueb saꞌ rochocheb li nequeꞌelkꞌac teꞌxcꞌul li tojba ma̱c joꞌqueb ajcuiꞌ li cuanqueb saꞌ rochocheb li nequeꞌxpatzꞌ incꞌabaꞌ chi ma̱cꞌaꞌ rajbal. Aran ta̱cua̱nk li raylal toj retal teꞌosokꞌ eb aꞌan ut teꞌosokꞌ ajcuiꞌ li rochocheb joꞌ ajcuiꞌ chixjunil li cꞌaꞌru cuan reheb, chan li Ka̱cuaꞌ.

Jeremías 9:9

¿Ma incꞌaꞌ ta biꞌ tinqꞌueheb chixtojbal lix ma̱queb li tenamit aꞌin? ¿Ma incꞌaꞌ ta biꞌ tinqꞌue re̱kaj reheb li ma̱usilal nequeꞌxba̱nu? La̱in li Ka̱cuaꞌ ninyehoc re aꞌin.—