Oseas 4:12 - Li Santil hu

¹² Lin tenamit yo̱queb chixtzꞌa̱manquil xnaꞌlebeb chiru li pechꞌbil dios cheꞌ. ¿Ma ta̱qꞌuehekꞌ ta biꞌ xnaꞌlebeb xban li yal cheꞌ? Lin tenamit chanchan li ixakilbej nayumbe̱tac xban nak xineꞌxtzꞌekta̱na ut yo̱queb xsicꞌbal jalan chic xdioseb.

Q'eqchi Bible

¹² Lintenamit neke'patz'ok rik'in jun tolol chi che' ut li xxuq'eb' neke'sumenk reheb'. Xb'aan xmuxb'al li xpaab'aaleb' yo chi sachk lintenamit ut xe'xnajtob'resi rib' rik'in li Qaawa' li xYoseb'.

Oseas 4:12 ပူးပေါင်းရင်းမြစ်များ

Oseas 5:4

Xban le̱ ma̱usilal incꞌaꞌ chic nequecꞌoxla sukꞌi̱c cuiqꞌuin la̱in le̱ Dios. Nequeqꞌue ban e̱chꞌo̱l chixlokꞌoninquil li yi̱banquil dios. Joꞌcan nak incꞌaꞌ naru te̱nau cuu nak la̱in li Ka̱cuaꞌ.

Jeremías 2:27

Nequeye “At inyucuaꞌ” re li yal cheꞌ. Ut nequeye ajcuiꞌ re li pec “La̱at nacatqꞌuehoc re inyuꞌam”. Niquine̱tzꞌekta̱na, abanan nak cuanquex saꞌ raylal nequetzꞌa̱ma chicuu nak texintenkꞌa.

Habacuc 2:19

Ra xchal saꞌ e̱be̱n la̱ex li nequeye re junak cheꞌ, “Cuaclin ut choa̱tenkꞌa”, malaj ut junak pec incꞌaꞌ naa̱tinac. ¿Ma ta̱ru̱k ta biꞌ tixqꞌue e̱naꞌleb? Usta yi̱banbil riqꞌuin oro ut plata, aꞌan ma̱cꞌaꞌ xmusikꞌ re texsume.

Deuteronomio 31:16

Ut li Ka̱cuaꞌ quixye re laj Moisés: —La̱at tatxic chi hila̱nc a̱cuochbeneb la̱ xeꞌto̱nil yucuaꞌ. Chi se̱b li tenamit aꞌin teꞌxtiquib xlokꞌoninquileb li jalanil dios saꞌ li naꞌajej li teꞌxic cuiꞌ. Chanchanakeb chic li ixk li nequeꞌxcꞌayi ribeb. Tineꞌxtzꞌekta̱na ut teꞌxkꞌet li contrato li quinba̱nu riqꞌuineb.

Números 15:39

Nak te̱ril lix sahob ru le̱ rakꞌ ta̱julticokꞌ e̱re chixjunil li chakꞌrab li quinqꞌue e̱re re te̱ba̱nu. Ut incꞌaꞌ te̱mux e̱rib riqꞌuin xba̱nunquil li nequeraj e̱junes joꞌ nequeꞌxba̱nu eb li ixk li nequeꞌxcꞌayi ribeb.

Miqueas 2:11

Eb li tenamit aꞌin nequeꞌraj junak profeta aj balakꞌ. Nequeꞌraj junak li profeta ta̱ticꞌtiꞌik ut tixye reheb: —La̱in tinyehok e̱re nak ta̱cua̱nk nabal li vino ut li trau chokꞌ e̱re, chaꞌak. Aꞌan li te̱raj rabinquil.

Oseas 9:1

Quixye laj Oseas: —Anakcuan incꞌaꞌ chic ta̱sahokꞌ saꞌ e̱chꞌo̱l la̱ex aj Israel joꞌ nak nasahoꞌ saꞌ xchꞌo̱leb li tenamit li incꞌaꞌ nequeꞌpa̱ban. Xesicꞌ jalan le̱ dios chiru li Ka̱cuaꞌ. La̱ex xecꞌoxla nak le̱ dios li xesicꞌ, aꞌan xqꞌuehoc re chi u̱chi̱nc le̱ racui̱mk.

Ezequiel 21:21

Lix reyeb laj Babilonia tixxakab rib saꞌ xa̱la be ut incꞌaꞌ tixnau bar cuan li be ta̱xic cuiꞌ. Tixkꞌehi riqꞌuin lix tzimaj ut ta̱patzꞌok riqꞌuineb lix dios. Ut ta̱kꞌehi̱nk riqꞌuin lix sa̱seb li xul li quixmayeja re tixnau bar cuan li be ta̱xic cuiꞌ.

Jeremías 10:8

Eb li nequeꞌlokꞌonin re li dios cheꞌ to̱nteb ut ma̱cꞌaꞌ nequeꞌoc cuiꞌ xban nak nequeꞌxpatzꞌ xnaꞌleb riqꞌuineb li yi̱banbil dios.

Salmos 73:27

Eb li nequeꞌxcanab a̱pa̱banquil teꞌosokꞌ. La̱at ta̱sacheb ru li nequeꞌtzꞌekta̱nan a̱cue.

2 Crónicas 21:13

La̱at xaba̱nu joꞌ queꞌxba̱nu eb li rey li queꞌcuan Israel. La̱at xatcꞌamoc be chiruheb laj Judá ut chiruheb laj Jerusalén chixtzꞌekta̱nanquil li Ka̱cuaꞌ ut chixlokꞌoninquil li jalanil dios joꞌ queꞌxba̱nu li ralal xcꞌajol laj Acab. Ut xacamsiheb la̱ cui̱tzꞌin junaj raj e̱yucuaꞌ. Aꞌaneb ti̱queb xchꞌo̱l cha̱cuu la̱at.

Levítico 20:5

la̱in tinjoskꞌokꞌ saꞌ xbe̱n li cui̱nk, ut saꞌ xbe̱neb li cuanqueb saꞌ rochoch, joꞌ eb ajcuiꞌ li teꞌoque̱nk riqꞌuin chixlokꞌoninquil li yi̱banbil dios Moloc. Ut tincuisiheb saꞌ xya̱nkeb laj Israel.

Levítico 17:7

Incꞌaꞌ chic teꞌxmayeja li xul yalak bar chiruheb li ma̱us aj musikꞌej li queꞌxlokꞌoni chak. Aꞌin jun li chakꞌrab cua̱nk chi junelic. Tento nak te̱ba̱nu la̱ex aj Israel ut tento ajcuiꞌ nak teꞌxba̱nu eb le̱ ralal e̱cꞌajol li teꞌcua̱nk mokon.

Salmos 106:39

Queꞌxmux ajcuiꞌ ribeb aꞌan xban li ma̱usilal queꞌxba̱nu. Chanchan queꞌcoꞌbe̱tac queꞌyumbe̱tac xban nak queꞌxtzꞌekta̱na li tzꞌakal Dios ut queꞌxlokꞌoni li yi̱banbil dios.

Oseas 14:3

La̱o xkaqꞌue retal nak eb laj Asiria incꞌaꞌ naru toeꞌxcol, chi moco naru toeꞌxcol li cacua̱y re pletic. Chi moco takaye chic “at kadios” reheb li yal nakayi̱b riqꞌuin kukꞌ. At Ka̱cuaꞌ, caꞌaj cuiꞌ a̱cuiqꞌuin cꞌojcꞌo̱k kachꞌo̱l xban nak la̱at li nacat-uxta̱nan ruheb li nebaꞌ, chaꞌkex re li Ka̱cuaꞌ.

Jueces 18:5

Ut eb li cui̱nk queꞌxye re: —Patzꞌ re li Dios ma us ta̱e̱lk chiku li yo̱co chixba̱nunquil arin, chanqueb.

2 Reyes 17:7

Queꞌxcꞌul chi joꞌcan eb laj Israel xban nak queꞌma̱cob chiru li Ka̱cuaꞌ Dios li qui-isin chak reheb rubel xcuanquil laj faraón aran Egipto. Ut queꞌxlokꞌoniheb li jalanil dios.

Jeremías 23:13

La̱in ninnau cꞌaꞌru li ma̱c nequeꞌxba̱nu lix profeteb laj Samaria. Queꞌa̱tinac saꞌ xcꞌabaꞌ li yi̱banbil dios Baal. Ut aꞌaneb li queꞌqꞌuehoc reheb lin tenamit chi ma̱cobc.

Ezequiel 20:32

La̱ex nequeye nak te̱raj cua̱nc joꞌ eb li xni̱nkal ru tenamit li nequeꞌxlokꞌoni li cheꞌ ut li pec. Abanan incꞌaꞌ ta̱cꞌulma̱nk joꞌ nequecꞌoxla la̱ex.

Oseas 6:10

Kꞌaxal yibru li quicuil saꞌ xya̱nkeb lin tenamit Israel. Eb li ralal xcꞌajol laj Efraín queꞌxlokꞌoni li yi̱banbil dios ut li ma̱usilal aꞌan quixbon rib riqꞌuineb chixjunileb laj Israel.