Oseas 3:2 - Li Santil hu

² Joꞌcan nak la̱in xintojoc chirix li cuixakil. Oꞌlaju chi tumin plata ut cuukub ni̱nki chacach li cebada xinqꞌue ut quincꞌam cuiꞌchic li cuixakil.

Q'eqchi Bible

² Toja' naq laa'in kinloq' jun li ixq chiru o'laju chi tumin plaat ut rik'in waqib' aroow chi seb'aad.

Oseas 3:2 ပူးပေါင်းရင်းမြစ်များ

Ezequiel 45:11

Li bisleb bato li nequebis cuiꞌ li haꞌ ut li bisleb efa li nequebis cuiꞌ li chaki, juntakꞌe̱t nequeꞌbisoc. Eb aꞌan jun saꞌ xlaje̱tkil li bisleb homer. La̱ex texbisok riqꞌuineb li bisleb aꞌin.

Levítico 27:16

Cui junak naxyechiꞌi lix chꞌochꞌ re li Ka̱cuaꞌ, lix tzꞌak aꞌan aꞌ yal joꞌ qꞌuial li iyaj ta̱oc saꞌ li chꞌochꞌ. Lix tzꞌak, aꞌan laje̱b roxcꞌa̱l (50) chi tumin plata re li cuib ciento riqꞌuin junmay litro li cebada.

Génesis 34:12

Yehomak cue joꞌ nimal te̱raj. Usta nabal, la̱in tinqꞌue e̱re. Mexcꞌoxlac riqꞌuin aꞌan. Qꞌuehomak cue li xkaꞌal re nak tinsumla̱k riqꞌuin, chan.

Isaías 5:10

Te̱rau laje̱b cꞌa̱m le̱ uvas, ut jun chꞌina barril ajcuiꞌ lix yaꞌal ta̱e̱lk. Ut te̱rau laje̱b coxtal li iyaj trigo, abanan jun coxtal ajcuiꞌ li ru tixqꞌue.

1 Samuel 18:25

Ut laj Saúl quixye reheb nak teꞌxye re laj David li a̱tin aꞌin: —Li rey incꞌaꞌ naraj ta̱toj rix lix rabin. Caꞌaj cuiꞌ naraj nak ta̱kꞌaxtesi re jun ciento li ruꞌuj xtzꞌejcualeb laj filisteo. Chi joꞌcan tixqꞌue re̱kaj li incꞌaꞌ us xeꞌxba̱nu li xicꞌ nequeꞌiloc re, chan. Laj Saúl quixcꞌoxla nak riqꞌuin aꞌin ta̱camsi̱k laj David xbaneb laj filisteo.

Éxodo 22:17

Ut cui li yucuaꞌbej incꞌaꞌ ta̱raj xqꞌuebal li xkaꞌal re, tento ajcuiꞌ nak li cui̱nk tixtoj li joꞌ qꞌuial natojman chirixeb li xkaꞌal li toj ma̱jiꞌ cuanjenakeb riqꞌuin cui̱nk.

Génesis 31:41

Junmay chihab tzꞌakal xintrabajic a̱cuiqꞌuin. Ca̱laju chihab xintrabajic chirixeb la̱ rabin. Ut cuakib chihab chic xintrabajic chirix lin queto̱mk. Ut la̱at nabal sut nacajal lin tojbal chicuu, chan.

Li xHu LIX RUT 4:10

Ut xban nak tinlokꞌ li chꞌochꞌ, tinsumla̱k ajcuiꞌ riqꞌuin lix Rut laj Moab li quicuan chokꞌ rixakil laj Mahlón re nak ta̱cua̱nk ralal xcꞌajol saꞌ xcꞌabaꞌ li camenak. Ut lix cꞌabaꞌeb li camenak incꞌaꞌ ta̱sachk saꞌ xchꞌo̱leb lix comon chi moco ta̱sachk saꞌ xchꞌo̱leb li cuanqueb saꞌ li tenamit aꞌin. La̱ex xerabi ut xeril li xkaba̱nu anakcuan, chan laj Booz.

Oseas 3:3

Xinye re: —Najt tatcua̱nk saꞌ cuochoch ut incꞌaꞌ chic ta̱mux ru la̱ sumlajic, chi moco ta̱sicꞌ jalan chic cui̱nk, chi moco la̱in tincua̱nk a̱cuiqꞌuin, chanquin re.