Oseas 2:9 - Li Santil hu

⁹ Joꞌcan nak saꞌ xkꞌehil li kꞌoloc, la̱in incꞌaꞌ chic tinqꞌue re li trigo ut li vino. Tinmakꞌ chiru li tꞌicr lana ut lino li xinqꞌue re, re li rakꞌ.

Q'eqchi Bible

⁹ Jo'kan naq sa' xq'ehil li q'olok tinxok wi' chik lintriiw ut linb'iin, ut tinmaq' chiru lintuuxnoq' ut linliin li xink'e chi raq'un.

Oseas 2:9 ပူးပေါင်းရင်းမြစ်များ

Malaquías 3:18

Toj aran te̱qꞌue retal li ani quixba̱nu li us ut li ani incꞌaꞌ quixba̱nu li us. Te̱qꞌue retal lix jalanil riqꞌuineb li ani queꞌcꞌanjelac chicuu ut li ani incꞌaꞌ queꞌcꞌanjelac chicuu, chan li Ka̱cuaꞌ.

Malaquías 1:4

Ut cui ta teꞌxye li ralal xcꞌajol laj Esaú li cuanqueb saꞌ li tenamit Edom, “Xeꞌxsach ru li katenamit, abanan takacuaclesi cuiꞌchic li katenamit,” chaꞌkeb, abanan li Ka̱cuaꞌ li kꞌaxal nim xcuanquil tixye: —Eb aꞌan teꞌxcuaclesi cuiꞌchic lix tenamiteb ut la̱in tinsach cuiꞌchic ru. “Numtajenak chi ma̱usilal lix tenamiteb” chaꞌkeb re. Ut ta̱yehekꞌ ajcuiꞌ re, “Li tenamit aꞌan junelic yo̱ xjoskꞌil li Dios saꞌ xbe̱n.”

Oseas 2:3

Cui incꞌaꞌ tixcanab, la̱in tinmakꞌ chiru chixjunil li cꞌaꞌru cuan re. Chanchan tꞌustꞌu tincanab joꞌ nak quiyoꞌla. Chanchanak chic jun li chaki chꞌochꞌ ma̱cꞌaꞌ na-el chiru ut ta̱ca̱mk xban chaki el.

Sofonías 1:13

Ta̱makꞌekꞌ chiruheb chixjunil li cꞌaꞌru cuan reheb. Ut li rochocheb teꞌsachekꞌ chiruheb. Teꞌxyi̱b li rochocheb abanan incꞌaꞌ teꞌcua̱nk chi saꞌ. Teꞌa̱uk uvas, abanan incꞌaꞌ teꞌxyal li xyaꞌal li ru.

Joel 2:14

¿Ani ta biꞌ ta̱naꞌok re cꞌaꞌru tixba̱nu li Dios? Cui te̱yotꞌ e̱chꞌo̱l, ma̱re tixjal xcꞌaꞌux ut incꞌaꞌ chic tixqꞌue li raylal saꞌ e̱be̱n. Ma̱re texrosobtesi ut tixqꞌue cuiꞌchic e̱re le̱ trigo ut le̱ uvas. Ut texmayejak cuiꞌchic chiru li Ka̱cuaꞌ le̱ Dios.

Oseas 9:2

Abanan ta̱cuulak xkꞌehil nak incꞌaꞌ chic ta̱u̱chi̱nk li trigo chi moco li uvas. Ma̱cꞌaꞌak chic e̱cua e̱rucꞌa.

Oseas 8:7

Li cꞌaꞌru yo̱queb chixba̱nunquil ma̱cꞌaꞌ na-oc cuiꞌ. Ut li cꞌaꞌru teꞌxcꞌul, aꞌan li osocꞌ. Chanchan nak xeꞌrau li ikꞌ ut aꞌ chic li ca̱k-sut-ikꞌ li xeꞌxkꞌol. Li trigo teꞌrau incꞌaꞌ ta̱atzꞌumak chi moco tixqꞌue ru. Ut cui ta tixqꞌue, jalan chic teꞌtzaca̱nk re.

Daniel 11:13

Mokon chic li rey li cuan saꞌ li norte tixchꞌutubeb ut tixcauresiheb lix soldado ut kꞌaxal cuiꞌchic nabal chiru li queꞌpletic junxil. Nak ta̱cuulak xkꞌehil ta̱xic cuiꞌchic saꞌ li sur riqꞌuin lix qꞌuila soldado ut cua̱nk lix cha̱bil cꞌanjeleba̱l re pletic.

Ezequiel 23:26

Teꞌxmakꞌ che̱ru le̱ cha̱bil akꞌ ut teꞌxmakꞌ ajcuiꞌ che̱ru li pec li terto xtzꞌak li nequeqꞌue chok xsahob e̱ru.

Ezequiel 16:39

Tatincanab saꞌ rukꞌeb li cui̱nk li queꞌcuan a̱cuiqꞌuin ut eb aꞌan teꞌxjuqꞌuiheb li naꞌajej li najt xteram li nacalokꞌoni cuiꞌ li jalanil dios. Ut teꞌxjuqꞌuiheb ajcuiꞌ li artal. Eb aꞌan teꞌxmakꞌ cha̱cuu la̱ cha̱bil akꞌ ut eb li pec li terto xtzꞌak. Ut la̱at tatcana̱k chi tꞌustꞌu chi ma̱cꞌaꞌ chic cuan a̱cue.

Ezequiel 16:27

Anakcuan xintaksi li cuukꞌ re nak tatinqꞌue chixtojbal la̱ ma̱c. Xcuisi cha̱cuu li cꞌaꞌru a̱cue. Xatinkꞌaxtesi saꞌ rukꞌeb laj filisteo li xicꞌ nequeꞌiloc a̱cue. Eb aꞌan nequeꞌsach xchꞌo̱leb xban li ma̱usilal li yo̱cat chixba̱nunquil.