Oseas 2:7 - Li Santil hu7 Tixyal xkꞌe chixsicꞌbal ani ta̱rahok re. Abanan incꞌaꞌ chic tixtau. Ut riqꞌuin aꞌan ta̱yotꞌekꞌ xchꞌo̱l ut tixye: —Tinsukꞌi̱k cuiꞌchic riqꞌuin lin be̱lom. Kꞌaxal us nak xincuan riqꞌuin chiru nak cuanquin anakcuan, chaꞌak. အခန်းကိုကြည့်ပါ။Q'eqchi Bible7 Tixtaaqeheb' li xsum, ab'an ink'a' toxtaweb'; tixsik'eb', ab'an maab'ar tixtaweb'. Toja' naq tixye: «Tinsutq'iiq wi' chik rik'in linb'eelom, xb'aan naq sa ajwi' xinwank rik'in chiru anaqwan», cha'aq. အခန်းကိုကြည့်ပါ။ |
Oseas 2:7
41 ပူးပေါင်းရင်းမြစ်များ
¿Ma cuan ta biꞌ junak li yi̱banbil dios saꞌ li xni̱nkal ru tenamit ta̱ru̱k tixtakla chak li hab? ¿Ma naru ta biꞌ ta̱cha̱lk li hab saꞌ choxa yal xjunes? ¿Ma ma̱cuaꞌ ta biꞌ la̱at, at Ka̱cuaꞌ, nacatqꞌuehoc re? Joꞌcan nak caꞌaj cuiꞌ a̱cuiqꞌuin noco-oybenin xban nak la̱at nacatqꞌuehoc re chixjunil li cꞌaꞌak re ru aꞌin, chan laj Jeremías.
Qui-isi̱c saꞌ xya̱nkeb li tenamit ut lix naꞌleb chanchan chic xnaꞌleb li xul. Quicuan saꞌ pim saꞌ xya̱nkeb li bu̱r re li qꞌuicheꞌ, ut quixcuaꞌ li pim joꞌqueb li bo̱yx. Quitꞌakresi̱c xban li xchuꞌque toj quixqꞌue retal nak li nimajcual Dios aꞌan li kꞌaxal nim xcuanquil saꞌ xbe̱neb chixjunileb li cuanqueb xcuanquil xban nak aꞌan naxqꞌue xcuanquil li ani naraj.
—Tat-isi̱k saꞌ xya̱nkeb li tenamit ut saꞌ pim chic tatcua̱nk saꞌ xya̱nkeb li xul. Cuukub chihab ta̱cuaꞌ li pim joꞌqueb li bo̱yx. Tatcua̱nk saꞌ pim toj ta̱qꞌue retal nak li nimajcual Dios, aꞌan li kꞌaxal nim xcuanquil saꞌ xbe̱neb li cuanqueb xcuanquil saꞌ ruchichꞌochꞌ. Ut aꞌan naxqꞌue xcuanquil li ani naraj xqꞌuebal xcuanquil, chan li ángel.
La̱at tatyolesi̱k saꞌ la̱ naꞌaj. Tat-isi̱k saꞌ xya̱nkeb li tenamit. Saꞌ pim tatcua̱nk saꞌ xya̱nkeb li xul. Ut pim ta̱cuaꞌ joꞌ li bo̱yx ut tattꞌakresi̱k xban li xchuꞌque. Cuukub chihab tatcua̱nk saꞌ pim. Riqꞌuin aꞌin ta̱qꞌue retal nak li nimajcual Dios, aꞌan li kꞌaxal nim xcuanquil saꞌ xbe̱neb li cuanqueb xcuanquil saꞌ ruchichꞌochꞌ ut aꞌan yal re li ani naraj xqꞌuebal xcuanquil.
Aꞌan aꞌin li tenebanbil saꞌ xbe̱n xbaneb li santil ángel li nequeꞌcꞌacꞌalen, re nak chixjunileb teꞌxqꞌue retal nak li nimajcual Dios nim xcuanquil saꞌ xbe̱neb li nequeꞌtaklan saꞌ ruchichꞌochꞌ. Aꞌan naqꞌuehoc xcuanquileb li ani naraj aꞌan, ut naxqꞌueheb xcuanquil li ma̱cꞌaꞌeb xcuanquil.” Joꞌcan quixye cue li ángel.
La̱in quicuabi nak eb li ralal xcꞌajol laj Efraín yo̱queb chi ya̱bac xban li raylal yo̱queb chixcꞌulbal. Ut queꞌxye, “Xoa̱tij joꞌ nak natijeꞌ junak bo̱yx toj sa̱j li ma̱jiꞌ tijbil. Ut xkacꞌul li kakꞌusbal. At Ka̱cuaꞌ, choa̱cꞌul ta cuiꞌchic xban nak nakaj cuiꞌchic sukꞌi̱c a̱cuiqꞌuin. La̱at li kaDios.
Li Ka̱cuaꞌ quixye: —Cui junak cui̱nk naxjach rib riqꞌuin li rixakil ut li ixk nasumla riqꞌuin jalan chic cui̱nk, ¿ma ta̱sukꞌi̱k cuiꞌchic li xbe̱n cui̱nk riqꞌuin li ixk? Aꞌan nimla ma̱c chiruheb li tenamit. Abanan la̱ex aj Israel, chanchanex li ixk li nequeꞌxcꞌayi ribeb xban nak xelokꞌoniheb li jalanil dios. Ut anakcuan te̱raj cuiꞌchic sukꞌi̱c cuiqꞌuin, chan.
Quixqꞌue xmayej chiruheb lix dioseb laj Damasco li queꞌnumta saꞌ xbe̱neb laj Judá. Ut quixye: —Eb lix reyeb laj Siria queꞌtenkꞌa̱c xbaneb lix dioseb. Joꞌcan nak la̱in tinmayejak chiruheb re nak tineꞌxtenkꞌa ajcuiꞌ la̱in, chan. Abanan xban li ma̱c aꞌan li quixba̱nu laj Acaz, joꞌcan nak qui-isi̱c xcuanquil ut qui-isi̱c ajcuiꞌ xcuanquil chixjunileb laj Judá.
La̱o takaba̱nu chixjunil li cꞌaꞌru xkaye. Takacꞌat kapom chiru li kanaꞌ po, li nequeꞌxye “Reina del Cielo” re. Takamayeja li kavino chiru joꞌ queꞌxba̱nu li kayucuaꞌ ut eb li karey joꞌ eb ajcuiꞌ li xeꞌtaklan saꞌ kabe̱n saꞌ eb li tenamit li cuanqueb Judá ut aran Jerusalén. Saꞌ eb li cutan aꞌan sa saꞌ kachꞌo̱l ut cuan nabal katzacae̱mk. Ma̱ jun cua xkacꞌul raylal.
Nak li Ka̱cuaꞌ quixtiquib a̱tinac riqꞌuin laj Oseas, quixye chi joꞌcaꞌin: —Sumlan riqꞌuin junak ixk aj yumbe̱t. Ut le̱ cocꞌal li teꞌcua̱nk juntakꞌe̱tak xnaꞌlebeb riqꞌuin lix naꞌeb. Ta̱ba̱nu aꞌan re xcꞌutbal chiruheb lin tenamit nak incꞌaꞌ useb lix naꞌlebeb. Chanchaneb li ixk aꞌin li yo̱ chi yumbe̱tac xban nak xineꞌxtzꞌekta̱na, chan li Ka̱cuaꞌ.
ကြော်ငြာတွေ