Oseas 2:3 - Li Santil hu

³ Cui incꞌaꞌ tixcanab, la̱in tinmakꞌ chiru chixjunil li cꞌaꞌru cuan re. Chanchan tꞌustꞌu tincanab joꞌ nak quiyoꞌla. Chanchanak chic jun li chaki chꞌochꞌ ma̱cꞌaꞌ na-el chiru ut ta̱ca̱mk xban chaki el.

Q'eqchi Bible

³ Wi ink'a' tixkanab' xb'aanunkil, laa'in tinkanab' sa' xutaan ut chi t'ust'u, jo' naq kiyo'laak; jo' li chaqich'och' tkanaaq ut chi pojtz' ch'och', re naq taakamq xb'aan xmajelal li ha'.

Oseas 2:3 ပူးပေါင်းရင်းမြစ်များ

Ezequiel 16:22

Nak yo̱cat chixlokꞌoninquil li yi̱banbil dios ut chixba̱nunquil li ma̱usilal, incꞌaꞌ quinak saꞌ a̱chꞌo̱l chanru nak catcuan chak saꞌ a̱caꞌchꞌinal. Incꞌaꞌ quinak saꞌ a̱chꞌo̱l nak tꞌustꞌu̱cat ut yo̱cat chi ecꞌa̱nc saꞌ la̱ quiqꞌuel.

Ezequiel 19:13

Ut queꞌrau li xto̱nal li uva saꞌ li chaki chꞌochꞌ bar ma̱cꞌaꞌ cuiꞌ haꞌ.

Jeremías 13:22

Ma̱re te̱ye saꞌ e̱chꞌo̱l, “¿Cꞌaꞌut nak yo̱co chixcꞌulbal li raylal aꞌin?” La̱ex yo̱quex chi rahobtesi̱c xban nak numtajenak le̱ ma̱c. E̱ma̱c ajcuiꞌ la̱ex nak yo̱ chi cꞌutecꞌ e̱xuta̱n.

Apocalipsis 17:16

Li laje̱b chi xxucub li joskꞌ aj xul li xacuil, xicꞌ teꞌril li ixk li naxcꞌayi rib. Teꞌxtzꞌekta̱na li ixk ut teꞌxcanab chi ma̱cꞌaꞌ cuan re. Tꞌustꞌu teꞌxcanab. Teꞌxtiu lix tibel ut li joꞌ qꞌuial chic incꞌaꞌ teꞌxchoy teꞌxcꞌat saꞌ xam.

Jeremías 51:43

Ma̱cꞌaꞌ chic ta̱cana̱k saꞌ eb li tenamit li cuanqueb Babilonia. Ma̱ ani chic teꞌcua̱nk aran ut ma̱ ani chic teꞌnumekꞌ saꞌ li naꞌajej aꞌan.

Jeremías 22:6

Chicuu la̱in, lix palacio lix reyeb laj Judá kꞌaxal chꞌinaꞌus. Chanchan li naꞌajej Galaad ut chanchan li tzu̱l li cuan Líbano. Abanan la̱in tinsach lix chꞌinaꞌusal ut tincanab chi ma̱cꞌaꞌ chic cuan chi saꞌ, chi moco cristian.

Jeremías 17:6

Li jun aꞌan ma̱cꞌaꞌ na-oc cuiꞌ. Chanchanak li tun qꞌuix li cuan saꞌ li chaki chꞌochꞌ. Ta̱cua̱nk saꞌ li naꞌajej li chaki ru bar ma̱cꞌaꞌ cuiꞌ cristian.

Jeremías 13:26

La̱in tincꞌut e̱xuta̱n ut ta̱cꞌutu̱nk chiruheb chixjunileb li incꞌaꞌ us li xeba̱nu.

Jeremías 12:10

Nabaleb li jalan tenamit li cuanqueb xcuanquil xeꞌxsach ru lix naꞌaj li cuacui̱mk. Xeꞌxyekꞌi saꞌ rokeb li cuacui̱mk. Ut xeꞌxsukꞌisi lin cha̱bil naꞌaj joꞌ chaki chꞌochꞌ xban nak ma̱cꞌaꞌ chic cuan aran.

Jeremías 4:26

Ut li cha̱bil chꞌochꞌ quisukꞌi chaki chꞌochꞌ. Poꞌbileb chic li tenamit xban xjoskꞌil li Ka̱cuaꞌ.

Jeremías 2:31

La̱ex aj Israel, ¿cꞌaꞌut nak incꞌaꞌ nequerabi li cꞌaꞌru ninye e̱re? ¿Ma la̱in ta biꞌ joꞌ jun li naꞌajej chaki che̱ru? ¿Ma la̱in joꞌ jun li kꞌojyi̱n nak nequecꞌoxla? ¿Ma ma̱cꞌaꞌ nin-oc cuiꞌ che̱ru? ¿Cꞌaꞌut nak nequeye nak te̱ba̱nu li cꞌaꞌru nequeraj? ¿Cꞌaꞌut nak nequeye nak incꞌaꞌ chic texsukꞌi̱k cuiqꞌuin?

Jeremías 2:6

Incꞌaꞌ chic queꞌxcꞌoxla insicꞌbal, usta la̱in quin-isin chak reheb saꞌ li naꞌajej Egipto ut usta la̱in quincꞌamoc be chiruheb nak queꞌnumeꞌ saꞌ li naꞌajej bar ma̱cꞌaꞌ cuan ut bar xiu xiu cuiꞌ li cua̱nc. La̱in quincꞌamoc be chiruheb nak queꞌnumeꞌ saꞌ li naꞌajej bar ma̱cꞌaꞌ haꞌ, chi moco cuanqueb cristian, chi moco queꞌnumeꞌ cristian aran.

Isaías 64:10

La̱ santil tenamit xsacheꞌ ru. Sión ma̱cꞌaꞌ chic cuan chi saꞌ. Li tenamit Jerusalén chanchan chic chaki chꞌochꞌ.

Isaías 47:3

Anakcuan ta̱cꞌutu̱nk chiruheb chixjunileb li cꞌaꞌak re ru xuta̱nal xlaje̱ba̱nu. Chicꞌutu̱nk nak muxbil chic e̱ru. La̱in tinqꞌue re̱kaj e̱re li rahobtesi̱nc xeba̱nu ut ma̱ ani ta̱ru̱k ta̱colekꞌ chicuu, chan li Dios.

Isaías 33:9

Ma̱cꞌaꞌ chic li acui̱mk saꞌ lix chꞌochꞌeb. Kꞌaxal ra saꞌ xchꞌo̱l li naꞌajej. Quicꞌuteꞌ xxuta̱n li tenamit Líbano. Ut li ru takꞌa Sarón quisukꞌisi̱c chaki chꞌochꞌ. Ma̱cꞌaꞌ chic xxak li cheꞌ li cuan Basán, chi moco cuan xxak li cheꞌ li cuan saꞌ li tzu̱l Carmelo.

Jueces 15:18

Cꞌajoꞌ nak ta̱chakik re laj Sansón nak quixye re li Ka̱cuaꞌ: —Xina̱tenkꞌa chi numta̱c saꞌ xbe̱neb laj filisteo. Ut anakcuan, ¿ma tina̱canab chi ca̱mc xban chaki el ut tineꞌxcꞌam eb laj filisteo, li incꞌaꞌ nacateꞌxpa̱b? chan.

Éxodo 17:3

Cꞌajoꞌ nak teꞌchakik reheb li cristian. Queꞌxcuechꞌi laj Moisés ut queꞌxye re: —¿Cꞌaꞌut nak xoa̱cuisi chak Egipto? ¿Cꞌaꞌut nak xoa̱cꞌam chak arin? Yo̱ chikacamsinquil li chaki el. Eb li kacocꞌal ut eb li kaqueto̱mk teꞌca̱mk xban chaki el, chanqueb.

Oseas 2:10

Chiruheb chixjunileb li cui̱nk li naxra, la̱in tinmakꞌ chiru li cꞌaꞌru cuan re. Chanchan tꞌustꞌu tincanab chiruheb ut ma̱ ani ta̱ru̱k ta̱colok re saꞌ cuukꞌ.

Jeremías 14:3

Eb li cuanqueb xcuanquil nequeꞌxtakla lix mo̱seb chixsicꞌbal li haꞌ. Nequeꞌxic cuan cuiꞌ lix julel li haꞌ abanan incꞌaꞌ nequeꞌxtau li haꞌ xban nak chaki. Ma̱cꞌaꞌ xsaꞌ lix cuqueb nak nequeꞌsukꞌi li mo̱s. Yo̱queb chi cꞌoxlac ut nequeꞌxtzꞌap li ru xban xxuta̱neb.

Oseas 13:15

Usta kꞌaxal nabal cꞌaꞌru reheb li ralal xcꞌajol laj Efraín chiruheb laj Israel li rech tenamitil, aban la̱in tincuisi chiruheb chixjunil li cꞌaꞌru cuan reheb. Nak nachal li ikꞌ saꞌ releb sakꞌe cuan cuiꞌ li chaki chꞌochꞌ, nachakic li yuꞌam haꞌ xban li ikꞌ ut nachakic ajcuiꞌ li acui̱mk. Joꞌcan ajcuiꞌ tinba̱nu la̱in riqꞌuineb. Tinsach chixjunil li cꞌaꞌru cuan reheb.

Jeremías 51:5

Eb li ralal xcꞌajol laj Israel ut eb li ralal xcꞌajol laj Judá incꞌaꞌ queꞌtzꞌekta̱na̱c chi junaj cua xban li Ka̱cuaꞌ, li nimajcual Dios, usta numtajenak lix ma̱queb chiru li Ka̱cuaꞌ lix santil Dioseb.