Oseas 2:23 - Li Santil hu

²³ Ut texinqꞌue chi cua̱nc saꞌ li naꞌajej aꞌan ut la̱in tin-osobtesi̱nk e̱re ut ta̱cua̱nk cuiꞌchic li cꞌaꞌru e̱re. La̱in texinra la̱ex, usta quinye nak incꞌaꞌ chic nequexinra nak quinqꞌue e̱cꞌabaꞌ chokꞌ Lo-ruhama. Usta quinqꞌue e̱cꞌabaꞌ chokꞌ Lo-ammi nak quinye nak ma̱cuaꞌex intenamit, la̱in tinye e̱re nak la̱ex chic li cualal incꞌajol. Ut la̱ex te̱ye nak la̱in li Ka̱cuaꞌ le̱ Dios.

Q'eqchi Bible

²³ Tinkanab' laj Israel sa' li xna'aj, twuxtaana ru li «Ink'a' uxtaananb'il ru»; ut li «Maawa' intenamit» tinye re: «Laa'at lintenamit», ut a'an tixye we: «At inYos»”, cha'aq.

Oseas 2:23 ပူးပေါင်းရင်းမြစ်များ

Zacarías 13:9

Ut li joꞌ qꞌuial chic teꞌcana̱k, chanchan numsinbil saꞌ xam tinba̱nu reheb nak tinyal rixeb, joꞌ nak nanumsi̱c li plata ut li oro saꞌ li xam. Eb aꞌan teꞌxya̱ba incꞌabaꞌ ut la̱in tinsumeheb ut tinye reheb: La̱ex lin tenamit. Ut eb aꞌan teꞌxye, “Li Ka̱cuaꞌ, aꞌan li kaDios,” chaꞌkeb.

Romanos 3:29

¿Ma caꞌaj cuiꞌ eb laj judío teꞌcolekꞌ xban li Dios? Incꞌaꞌ. Li Dios tixcoleb ajcuiꞌ li ma̱cuaꞌeb aj judío.

Zacarías 2:11

Saꞌ eb li cutan aꞌan nabalakeb li tenamit teꞌpa̱ba̱nk re li Ka̱cuaꞌ. Ut aꞌan tixye: —Aꞌanakeb ajcuiꞌ lin tenamit. Ut la̱in tincua̱nk riqꞌuineb, chaꞌak li Ka̱cuaꞌ. Ut la̱ex te̱nau nak li nimajcual Dios, aꞌan li quitaklan chak cue.

Salmos 22:27

Chixjunileb li tenamit jun sut rubel choxa teꞌjulticokꞌ li Dios reheb ut teꞌxcuikꞌib ribeb chiru. Saꞌ chixjunil li ruchichꞌochꞌ aꞌ yal bar xtenamit teꞌxlokꞌoni li Ka̱cuaꞌ.

Malaquías 1:11

Yalak bar saꞌ ruchichꞌochꞌ ta̱qꞌuehekꞌ inlokꞌal xbaneb li cuanqueb saꞌ li xni̱nkal ru tenamit. Ut yalak bar saꞌ eb li naꞌajej teꞌxqꞌue xlokꞌal incꞌabaꞌ riqꞌuin xcꞌatbal li sununquil ban chicuu ut riqꞌuin li cha̱bil mayej li teꞌxmayeja. Nimanbilak lin cꞌabaꞌ saꞌ eb li jalan tenamit.

Oseas 1:6

Ut lix Gomer quicuan jun chic lix cꞌulaꞌal, chꞌina xkaꞌal. Ut li Ka̱cuaꞌ quixye re laj Oseas: —Qꞌue Lo-ruhama chokꞌ xcꞌabaꞌ. (Li cꞌabaꞌej aꞌan naraj naxye: Incꞌaꞌ naraheꞌ.) Qꞌue aꞌan chokꞌ xcꞌabaꞌ xban nak la̱in incꞌaꞌ chic teꞌcuil xtokꞌoba̱l ruheb laj Israel ut incꞌaꞌ chic tebincꞌoxla chi junaj cua.

Jeremías 31:27

—Abihomak li tinye e̱re, chan li Ka̱cuaꞌ. Ta̱cuulak xkꞌehil nak la̱in tebinqꞌue cuiꞌchic chi ta̱mc li cristian joꞌ ajcuiꞌ li queto̱mk saꞌ li naꞌajej Israel ut saꞌ li naꞌajej Judá.

Jeremías 32:38

Aꞌanakeb lin tenamit ut la̱inak lix Dioseb.

Salmos 68:31

Eb li nequeꞌcꞌamoc be saꞌ li tenamit Egipto ut eb aj cꞌamol be saꞌ li tenamit Etiopía teꞌcha̱lk a̱cuiqꞌuin ut teꞌxtzꞌa̱ma xtenkꞌanquil cha̱cuu.

Jeremías 16:19

Laj Jeremías quixye: —At Ka̱cuaꞌ la̱at nacatqꞌuehoc incacuilal ut la̱at nacatqꞌuehoc inmetzꞌe̱u. A̱cuiqꞌuin nincol cuib nak cuanquin saꞌ raylal. Eb li najtil tenamit teꞌcha̱lk a̱cuiqꞌuin ut teꞌxye, “Relic chi ya̱l nak li yi̱banbil dios li xeꞌxlokꞌoni chak li kaxeꞌto̱nil yucuaꞌ moco ya̱l ta. Ma̱cꞌaꞌ nequeꞌoc cuiꞌ.

Salmos 118:28

At Ka̱cuaꞌ, la̱at lin Dios. La̱in tinqꞌue a̱lokꞌal xban nak kꞌaxal nim la̱ cuanquil.

Zacarías 14:16

Ut li joꞌ qꞌuial chic li teꞌcolekꞌ nak teꞌpletik riqꞌuineb laj Jerusalén, rajlal chihab teꞌxic aran Jerusalén chixlokꞌoninquil li tzꞌakal Rey, li nimajcual Dios. Ut aran teꞌxyi̱b li cocꞌ muheba̱l re nak teꞌxba̱nu li ninkꞌe re xbantioxinquil chiru li Ka̱cuaꞌ nak queꞌcoleꞌ.

Zacarías 14:9

Ut li Ka̱cuaꞌ, aꞌanak chic li tzꞌakal Rey saꞌ chixjunil li ruchichꞌochꞌ. Saꞌ eb li cutan aꞌan, jun ajcuiꞌ li Ka̱cuaꞌ teꞌxlokꞌoni. Aꞌan li Ka̱cuaꞌ Dios. Ut caꞌaj chic lix cꞌabaꞌ aꞌan teꞌxqꞌue xlokꞌal.

Salmos 72:16

Chie̱lk taxak chi nabal li trigo saꞌ li naꞌajej. Numtajenakak ta li acui̱mk saꞌ eb li tzu̱l. Incꞌaꞌ ta chic ta̱cꞌutu̱nk li chꞌochꞌ xban xqꞌuialil. Chiu̱chi̱nk ta chi nabal li acui̱mk joꞌ xqꞌuial li cheꞌ li cuan Líbano. Ut cheꞌqꞌuia̱nk ta li tenamit joꞌ xqꞌuial li pim saꞌ cꞌaleba̱l.

Zacarías 10:9

Usta ac xinjeqꞌuiheb ru saꞌ eb li tenamit, ut usta cuanqueb chak saꞌ li najtil tenamit, toj aran tineꞌxcꞌoxla chak. Teꞌsukꞌi̱k chak ut teꞌcua̱nk cuiꞌchic saꞌ lix naꞌajeb rochbeneb li ralal xcꞌajol.

Cantares 2:16

Li cui̱nk li ninra, aꞌan cue la̱in ut la̱in rehin aꞌan. Aꞌan naxberesiheb lix queto̱mk saꞌ xya̱nkeb li utzꞌuꞌuj.

Oseas 8:2

Nequeꞌxye: —At Ka̱cuaꞌ, nakanau a̱cuu, la̱o aj Israel, chanqueb cue.

Isaías 44:5

Cuanqueb li teꞌxye, “La̱in rehin li Ka̱cuaꞌ.” Ut cuanqueb cuiꞌchic li teꞌxye, “La̱in rehin laj Jacob.” Ut cuanqueb li teꞌxtzꞌi̱ba chiruheb xtel “La̱in rehin li Ka̱cuaꞌ” ut teꞌxye nak aꞌan xcomoneb laj Israel.—

Santiago 1:1

La̱in laj Santiago, laj cꞌanjel chiru li Dios ut chiru li Ka̱cuaꞌ Jesucristo. Yo̱quin chi tzꞌi̱bac e̱riqꞌuin la̱ex, li cablaju chi xte̱paleb laj Israel. Nintakla xsahil e̱chꞌo̱l la̱ex li xejeqꞌui e̱rib yalak bar saꞌ li junju̱nk chi naꞌajej.

Jeremías 30:22

Aꞌanakeb lin tenamit ut la̱inak lix Dioseb, chan li Dios.

Jeremías 33:26

la̱in xintzꞌekta̱na ajcuiꞌ raj li ralal xcꞌajol laj Jacob ut eb li ralal xcꞌajol laj David laj cꞌanjel chicuu. Ut incꞌaꞌ raj quebinxakab chi takla̱nc eb li ralal xcꞌajol laj Abraham ut laj Isaac ut laj Jacob. Abanan la̱in incꞌaꞌ tintzꞌekta̱naheb. Tincuuxta̱na ban ruheb ut tebinqꞌue cuiꞌchic chi sukꞌi̱c saꞌ lix naꞌajeb li queꞌcꞌameꞌ cuiꞌ chi pre̱xil, chan li Ka̱cuaꞌ.

Ezequiel 36:29

La̱in tintenkꞌa̱nk e̱re re nak incꞌaꞌ chic te̱ba̱nu li ma̱usilal. Ut tinqꞌue chi cua̱nc nabal li trigo re nak incꞌaꞌ ta̱cua̱nk cueꞌej.