Oseas 2:22 - Li Santil hu

²² Ut saꞌ li chꞌochꞌ ta̱e̱lk li trigo ut li uvas ut li olivo. Ut la̱ex te̱ye: “Jezreel”. Chi jalbil ru naraj naxye “Li Ka̱cuaꞌ, aꞌan li na-acuoc”.

Q'eqchi Bible

²² chiru li ch'och' taa'elq chaq li triiw, li b'iin ut li chaab'il aseeyt, ut chi jo'kan k'ajo' naq taa'uuchinq li xtaq'ahil Jisrehel.

Oseas 2:22 ပူးပေါင်းရင်းမြစ်များ

Joel 2:19

Li Dios tixye reheb lix tenamit: —Tinqꞌue cuiꞌchic li cꞌaꞌru e̱re. Tinqꞌue le̱ trigo ut tinqꞌue le̱ uvas ut tinqꞌue le̱ aceite. Ut ta̱cua̱nk cuiꞌchic chi nabal cꞌaꞌru e̱re. Ut ta̱sahokꞌ saꞌ e̱chꞌo̱l ut incꞌaꞌ chic tinqꞌue raylal saꞌ e̱be̱n re nak incꞌaꞌ chic texhobekꞌ xbaneb li incꞌaꞌ nequeꞌpa̱ban.

Oseas 1:11

Saꞌ eb li cutan aꞌan teꞌxjunaji ribeb li ralal xcꞌajol laj Judá riqꞌuineb li ralal xcꞌajol laj Israel. Teꞌjunajokꞌ ru ut teꞌxsicꞌ ru junak re ta̱takla̱nk saꞌ xbe̱neb. Ta̱cua̱nk cuiꞌchic xcuanquil. Saꞌ li ru takꞌa Jezreel, li quisacheꞌ cuiꞌ xcuanquileb laj Israel, aran ajcuiꞌ ta̱qꞌuehekꞌ cuiꞌchic xcuanquileb.

Oseas 1:4

Ut li Ka̱cuaꞌ quixye re laj Oseas: —Qꞌue aj Jezreel chokꞌ xcꞌabaꞌ li cꞌulaꞌal aꞌin xban nak chi se̱b tinqꞌue chixtojbal xma̱c li ralal xcꞌajol laj Jehú xban li camsi̱nc queꞌxba̱nu aran Jezreel. Tinsacheb xcuanquileb li ralal xcꞌajol ut incꞌaꞌ chic teꞌtakla̱nk saꞌ xbe̱neb laj Israel.

Jeremías 31:12

Japjo̱keb re xban xsahil xchꞌo̱leb nak yo̱keb chi cha̱lc saꞌ li tzu̱l Sión. Teꞌsahokꞌ saꞌ xchꞌo̱leb xban li usilal tinba̱nu reheb. La̱in li Ka̱cuaꞌ. Tinqꞌueheb lix trigo, li acꞌ vino ut li aceite, joꞌ eb ajcuiꞌ lix carner, ut eb lix queto̱mk. Kꞌaxal us cua̱nkeb. Chanchanakeb li acui̱mk li natꞌakresi̱c chi us. Ma̱cꞌaꞌak chic rahil chꞌo̱lej.

Oseas 14:7

Teꞌcua̱nk cuiꞌchic saꞌ lix naꞌajeb ut la̱in tin-ilok reheb. Tebinqꞌue cuiꞌchic chi ta̱mc. Chanchanakeb lix qꞌuial li ru li trigo ut chanchanakeb li ru li uvas. Ut yalak bar ta̱cuulak resileb joꞌ li cha̱bil vino li na-el aran Líbano.

Isaías 62:4

Incꞌaꞌ chic ta̱yehekꞌ “tzꞌekta̱nanbil” reheb, chi moco ta̱yehekꞌ reheb nak sachbil ru lix naꞌajeb. Ta̱yehekꞌ ban reheb “Hefzi-bá” ut ta̱yehekꞌ “Beula” re lix chꞌochꞌeb xban nak li Ka̱cuaꞌ quisahoꞌ saꞌ xchꞌo̱l riqꞌuineb ut aꞌan chanchanak jun li be̱lomej li naxra lix chꞌochꞌ.

Jeremías 24:7

Tintenkꞌaheb re nak teꞌxnau nak la̱in li Ka̱cuaꞌ. Aꞌanakeb lin tenamit ut la̱inak lix Dioseb xban nak teꞌsukꞌi̱k cuiꞌchic cuiqꞌuin ut tineꞌxpa̱b chi anchaleb xchꞌo̱l.

Zacarías 8:8

Tebincꞌam cuiꞌchic saꞌ lix naꞌajeb Jerusalén ut aran chic teꞌcua̱nk. Aꞌanakeb lin tenamit ut la̱inak lix Dioseb. La̱in tintakla̱nk saꞌ xbe̱neb saꞌ ti̱quilal ut saꞌ xya̱lal, chan.