Oseas 2:20 - Li Santil hu

²⁰ La̱in texincꞌam cuiꞌchic cuiqꞌuin saꞌ cha̱bilal. Ut la̱ex te̱nau nak la̱in li Ka̱cuaꞌ.

Q'eqchi Bible

²⁰ Tatink'am wik'in rik'in chaab'ilal ut aran taanaw naq laa'in li Qaawa' laaYos.

Oseas 2:20 ပူးပေါင်းရင်းမြစ်များ

1 Juan 5:20

Ut la̱o nakanau nak li Ralal li Dios quicꞌulun saꞌ ruchichꞌochꞌ. Quixqꞌue kanaꞌleb re xnaubal bar cuan li tzꞌakal Dios. Ut junajo chic riqꞌuin li tzꞌakal Dios xban nak xkapa̱b li Jesucristo li Ralal li Dios. Aꞌan li naqꞌuehoc ke li yuꞌam chi junelic.

San Juan 17:3

Li junelic yuꞌam, aꞌan nak teꞌxnau a̱cuu la̱at li junajat chi tzꞌakal Dios ut teꞌxnau ajcuiꞌ cuu la̱in li Jesucristo li quina̱takla chak.

1 Juan 4:6

Abanan la̱o ralal xcꞌajol li Dios. Ut eb li nequeꞌpa̱ban re li Dios nocoeꞌrabi. Ut eb li incꞌaꞌ nequeꞌpa̱ban re li Dios incꞌaꞌ nequeꞌraj kabinquil. Riqꞌuin aꞌan nacꞌutun ani cuan li Santil Musikꞌej riqꞌuin ut ani cuan xmusikꞌ laj balakꞌ riqꞌuin.

Jeremías 24:7

Tintenkꞌaheb re nak teꞌxnau nak la̱in li Ka̱cuaꞌ. Aꞌanakeb lin tenamit ut la̱inak lix Dioseb xban nak teꞌsukꞌi̱k cuiꞌchic cuiqꞌuin ut tineꞌxpa̱b chi anchaleb xchꞌo̱l.

Colosenses 1:10

Nocotijoc che̱rix re nak ti̱cak le̱ yuꞌam xban nak rehex chic li Ka̱cuaꞌ ut sahak saꞌ xchꞌo̱l li Dios e̱riqꞌuin. Junelic cheba̱nuhak li us ut chetauhak ru chi tzꞌakal lix lokꞌal li Dios.

Oseas 2:19

Joꞌcaꞌin quixye li Ka̱cuaꞌ reheb lix tenamit: —La̱ex aj Israel, chanchanex li cuixakil. Texincꞌam chi jun aj cua cuiqꞌuin. Texincꞌam saꞌ ti̱quilal ut saꞌ xya̱lal. Junelic texinra ut tincuuxta̱na e̱ru.

Filipenses 3:8

Relic chi ya̱l chixjunil li cꞌaꞌak re ru xinba̱nu chak junxil ma̱cꞌaꞌ chic na-oc cuiꞌ chicuu anakcuan xban nak kꞌaxal cuiꞌchic nim xlokꞌal xpa̱banquil li Ka̱cuaꞌ Jesucristo. Re nak la̱inak chic re li Cristo, xintzꞌekta̱na chixjunil li xinba̱nu chak junxil. Aꞌan yal mul aj chic chicuu anakcuan.

San Juan 8:55

La̱ex incꞌaꞌ nequenau ru aꞌan. Abanan la̱in ninnau ru. Cui ut tinye ta nak incꞌaꞌ ninnau ru, la̱inak raj aj ticꞌtiꞌ joꞌ la̱ex. Aban la̱in ninnau ru ut ninba̱nu li cꞌaꞌru naxye aꞌan.

San Mateo 11:27

Ut quixye reheb li tenamit: —Chixjunil li cꞌaꞌak re ru xkꞌaxtesi saꞌ cuukꞌ lin Yucuaꞌ. Ma̱ ani nanaꞌoc cuu la̱in li Cꞌajolbej, caꞌaj cuiꞌ li Acuabej Dios. Ma̱ ani nanaꞌoc ru li Acuabej Dios, caꞌaj cuiꞌ la̱in li Cꞌajolbej. Ut ta̱naꞌekꞌ ajcuiꞌ ru xbaneb li ani tincꞌut cuiꞌ lix ya̱lal, la̱in li Cꞌajolbej.

Ezequiel 38:23

Joꞌcaꞌin nak tincꞌut chiruheb li xni̱nkal ru tenamit nak kꞌaxal nim incuanquil ut santin. Riqꞌuin aꞌin teꞌxqꞌue retal nak la̱in li nimajcual Dios.

Jeremías 9:24

Li ani tixnimobresi rib, chixnimobresihak rib riqꞌuin nak naxnau nak la̱in li Ka̱cuaꞌ ut naxtau ru chanru lin naꞌleb. Nin-uxta̱nan u ut ninrakoc a̱tin saꞌ ti̱quilal saꞌ ruchichꞌochꞌ. Aꞌan li nacuulac chicuu, chan li Ka̱cuaꞌ.

2 Timoteo 1:12

Joꞌcan nak nincuy chixjunil li raylal ut incꞌaꞌ ninxuta̱nac xban nak cꞌojcꞌo inchꞌo̱l riqꞌuin li Ka̱cuaꞌ. Aꞌan li ninpa̱b ut xinkꞌaxtesi cuib saꞌ rukꞌ. Ninnau nak aꞌan ta̱tenkꞌa̱nk cue tojaꞌ yal nak ta̱cꞌulu̱nk cuiꞌchic li Jesucristo.

2 Corintios 4:6

Nak toj kꞌojyi̱n chak ru li ruchichꞌochꞌ, li Dios quixye, “Chicua̱nk li cutan re xcutanobresinquil ru li ruchichꞌochꞌ.” Ut aꞌan ajcuiꞌ li nacutanobresin re li kacꞌaꞌux re nak naru takanau chanru lix lokꞌal li Dios. Ut li Jesucristo naxcꞌut chiku lix lokꞌal li Dios.

San Lucas 10:22

Ut quixye reheb li cuanqueb aran: —Chixjunil li cꞌaꞌak re ru xkꞌaxtesi saꞌ cuukꞌ lin Yucuaꞌ. Ma̱ ani nanaꞌoc cuu la̱in li Cꞌajolbej, caꞌaj cuiꞌ li Acuabej Dios. Ma̱ ani nanaꞌoc ru li Acuabej Dios, caꞌaj cuiꞌ la̱in li Cꞌajolbej. Ut ta̱naꞌekꞌ ajcuiꞌ ru xbaneb li ani tincꞌut cuiꞌ lix ya̱lal, chan li Jesús.

Oseas 13:4

Li Ka̱cuaꞌ quixye: —La̱in li Ka̱cuaꞌ le̱ Dios li quin-isin chak e̱re Egipto. Ma̱cꞌaꞌ chic junak Dios chicuu la̱in chi moco cuan chic junak aj Colol e̱re. Caꞌaj cuiꞌ la̱in.

Oseas 6:6

Ma̱cꞌaꞌ aj e nak nequexmayejac chicuu cui incꞌaꞌ nequex-uxta̱nan u. Ut ma̱cꞌaꞌ aj e nak nequexcꞌatoc xul cui incꞌaꞌ niquine̱pa̱b chi anchal e̱chꞌo̱l.

Hebreos 8:11

Incꞌaꞌ chic teꞌxchꞌolob xya̱lal chicuix chiruheb li ras ri̱tzꞌin xban nak chi cocꞌ chi ni̱nk teꞌxnau chic anihin.

Isaías 62:4

Incꞌaꞌ chic ta̱yehekꞌ “tzꞌekta̱nanbil” reheb, chi moco ta̱yehekꞌ reheb nak sachbil ru lix naꞌajeb. Ta̱yehekꞌ ban reheb “Hefzi-bá” ut ta̱yehekꞌ “Beula” re lix chꞌochꞌeb xban nak li Ka̱cuaꞌ quisahoꞌ saꞌ xchꞌo̱l riqꞌuineb ut aꞌan chanchanak jun li be̱lomej li naxra lix chꞌochꞌ.

Jeremías 32:41

Ta̱sahokꞌ saꞌ inchꞌo̱l chixba̱nunquil usilal reheb. Ut tinqꞌueheb chi cua̱nc saꞌ li naꞌajej aꞌin. Relic chi ya̱l tinba̱nu aꞌin chi anchal inchꞌo̱l ut chi anchal inmetzꞌe̱u.

Ezequiel 16:8

Mokon chic la̱in quinnumeꞌ cuancat cuiꞌ ut quinqꞌue retal nak xat-ixkiloꞌ ut ac xcuulac xkꞌehil nak ta̱cua̱nk a̱be̱lom. Joꞌcan nak catintzꞌap riqꞌuin lin tꞌicr xban nak tꞌustꞌu̱cat. Quinba̱nu li contrato nak quinsumla a̱cuiqꞌuin ut la̱at chic cue.

Génesis 9:10

Ut tinba̱nu ajcuiꞌ li contrato riqꞌuineb chixjunileb li xul. Tinba̱nu riqꞌuineb li xul li nequeꞌrupupic ut li queto̱mk joꞌ ajcuiꞌ li cuanqueb saꞌ qꞌuicheꞌ. Tinba̱nu li contrato riqꞌuineb chixjunileb li xul li queꞌel saꞌ li jucub cab.—

Levítico 26:5

Nabal li ru li trigo tixqꞌue. Toj yo̱kex ajcuiꞌ chixsicꞌbal nak ta̱cuulak xkꞌehil xsicꞌbal ru li uvas. Ut nabal ru li uvas tixqꞌue. Toj ma̱ji ajcuiꞌ nequechoy xsicꞌbal ru li uvas nak ta̱cuulak xkꞌehil li a̱uc. Textzaca̱nk chi us toj retal ta̱cꞌojla̱k e̱chꞌo̱l. Sahak saꞌ le̱ chꞌo̱l ut cua̱nkex saꞌ xya̱lal saꞌ le̱ naꞌaj.

Levítico 26:6

La̱in texinqꞌue chi cua̱nc saꞌ tuktu̱quil usilal saꞌ le̱ naꞌaj. Sa texcua̱rk xban nak ma̱ ani ta̱seꞌbesi̱nk e̱re. La̱in tincuisi li joskꞌ aj xul saꞌ le̱ tenamit ut ma̱ ani ta̱oc e̱riqꞌuin chi pletic.

Isaías 2:4

Li Ka̱cuaꞌ ta̱rakok a̱tin saꞌ xbe̱neb li xni̱nkal tenamit li yo̱queb chi pletic ut aꞌan ta̱kꞌusuk reheb nabal chi tenamit. Ut eb aꞌan teꞌxqꞌue lix chꞌi̱chꞌeb chokꞌ xchꞌi̱chꞌul arado. Ut teꞌxqꞌue lix la̱nseb chokꞌ re sabesi̱nc. Ma̱ ani chic tixrahobtesi jalan tenamit riqꞌuin chꞌi̱chꞌ, chi moco teꞌxcauresi chic rib re teꞌxic chi pletic.

Jeremías 30:10

Li Ka̱cuaꞌ quixye: —Mexxucuac la̱ex li ralal xcꞌajol laj Jacob laj cꞌanjel chicuu. Mexxucuac la̱ex aj Israel. La̱in tincolok e̱re saꞌ li najtil tenamit. La̱in tincolok reheb le̱ ralal e̱cꞌajol saꞌ li naꞌajej li queꞌcꞌameꞌ cuiꞌ. Eb li ralal xcꞌajol laj Jacob teꞌcua̱nk cuiꞌchic saꞌ tuktu̱quil usilal ut incꞌaꞌ chic teꞌxucuak.

Ezequiel 16:62

La̱in tinxakab xcuanquil lin contrato ut la̱at ta̱nau nak la̱in li Ka̱cuaꞌ.

Ezequiel 34:25

La̱in tinba̱nu jun li contrato riqꞌuineb re nak teꞌxcꞌam ribeb saꞌ usilal cuiqꞌuin. Tincuisi chixjunileb li joskꞌ aj xul saꞌ lix naꞌajeb re nak naru teꞌcua̱nk yalak bar saꞌ eb li cꞌaleba̱l ut naru teꞌcua̱rk saꞌ eb li qꞌuicheꞌ chi ma̱cꞌaꞌ nachꞌiꞌchꞌiꞌin reheb.

Ezequiel 34:27

Eb li cheꞌ teꞌu̱chi̱nk ut li acui̱mk saꞌ li cꞌaleba̱l ta̱u̱chi̱nk. Ut chixjunileb teꞌcua̱nk saꞌ xnaꞌajeb chi ma̱cꞌaꞌ ta̱chꞌiꞌchꞌiꞌi̱nk reheb. La̱in tincoleb saꞌ rukꞌeb li queꞌnumta saꞌ xbe̱neb ut queꞌrahobtesin reheb. Ut riqꞌuin aꞌan teꞌxqꞌue retal nak la̱in li Ka̱cuaꞌ.

Miqueas 4:3

Li Ka̱cuaꞌ ta̱rakok a̱tin saꞌ xbe̱neb nabal chi tenamit ut tixtijeb li xni̱nkal tenamit cuanqueb chak chi najt. Ut talajeꞌxten chi martillo lix chꞌi̱chꞌeb nequeꞌpletic cuiꞌ ut teꞌxsukꞌisi chokꞌ asaron. Ut eb lix la̱nseb talajeꞌxsukꞌisi chokꞌ cꞌoncꞌo̱quil chꞌi̱chꞌ re xyocꞌbal li acui̱mk. Ut eb li tenamit incꞌaꞌ chic teꞌxpleti ribeb chi moco teꞌxcauresi ta chic ribeb re pletic.

Zacarías 9:10

Chixjunil li nacꞌanjelac re pletic tixsach ru. Lix carruaje laj Efraín tixsach ruheb joꞌ ajcuiꞌ lix cacua̱yeb laj Jerusalén. Ut tixtoki ajcuiꞌ lix tzimajeb. Tixqꞌueheb li tenamit chi cua̱nc saꞌ tuktu̱quil usilal. Ut aꞌan chic cua̱nk xcuanquil saꞌ xbe̱neb chixjunileb li naꞌajej li naticla cuan cuiꞌ li palau Mar Muerto ut nacuulac toj cuan cuiꞌ li palau Mediterráneo xcꞌabaꞌ. Ut aꞌan ajcuiꞌ cua̱nk xcuanquil saꞌ chixjunil li ruchichꞌochꞌ.