Oseas 2:11 - Li Santil hu

¹¹ La̱in tincuisi li ninkꞌei̱c chiru, li naqꞌuehoc xsahil xchꞌo̱l. Incꞌaꞌ chic ta̱ninkꞌei̱k rajlal chihab, rajlal po chi moco saꞌ li hiloba̱l cutan joꞌ cꞌaynak xba̱nunquil. Incꞌaꞌ chic tixninkꞌei ruheb lix dios.

Q'eqchi Bible

¹¹ Tinsach chixjunil li nasaho'k wi' xch'ool, a' li utz'uk, li xninq'ehinkil li xtiklajik li po, li hilob'aal kutan jo'wi' chixjunileb' li ninq'e.

Oseas 2:11 ပူးပေါင်းရင်းမြစ်များ

Amós 5:21

Li Ka̱cuaꞌ quixye: —Xicꞌ nacuil le̱ ninkꞌe ut nintzꞌekta̱na chixjunil li cꞌaꞌru nequeba̱nu nak nequexninkꞌei̱c. Incꞌaꞌ nacuulac chicuu nak nequechꞌutub e̱rib chinlokꞌoninquil.

Amós 8:5

Nequeye chiribil e̱rib: —¿Jokꞌe ta̱numekꞌ lix ninkꞌeinquil li acꞌ po re nak ta̱ru̱k tocꞌayi̱nk trigo? Ut, ¿jokꞌe ta̱numekꞌ li hiloba̱l cutan re nak takate li rochochil li trigo li xocxo cuiꞌ ut takatiquib cuiꞌchic cꞌayi̱nc? Takaterkꞌusi xtzꞌak li trigo ut takajeb lix bisbal ut incꞌaꞌ tzꞌakal li bisleb takaqꞌue, chanquex.

Jeremías 7:34

La̱in tincuisi li sahil chꞌo̱lej saꞌ eb li tenamit li cuanqueb Judá joꞌ ajcuiꞌ saꞌ li tenamit Jerusalén. Incꞌaꞌ chic ta̱abi̱k xbicheb li tenamit nak saheb saꞌ xchꞌo̱leb. Ma̱cꞌaꞌak chic li ninkꞌe saꞌ eb li tenamit chi moco ta̱cua̱nk chic sumla̱c. Eb li tenamit teꞌcana̱k chi ma̱cꞌaꞌ chic cuan chi saꞌ joꞌ li chaki chꞌochꞌ.—

Jeremías 16:9

Li Ka̱cuaꞌ li nimajcual Dios, lix Dioseb laj Israel quixye: —La̱in tincuisi li sahil chꞌo̱lejil saꞌ li tenamit aꞌin. Incꞌaꞌ chic ta̱abi̱k xbicheb li tenamit nak saheb saꞌ xchꞌo̱l. Ma̱cꞌaꞌak chic li ninkꞌe saꞌ eb li tenamit chi moco ta̱cua̱nk sumla̱c. Eb li cuanqueb anakcuan teꞌril nak tinba̱nu aꞌin.

Nahum 1:10

Osoꞌjenakex chi cala̱c. Chanchanex li qꞌuix li naxbaqꞌui rib. Tex-osokꞌ joꞌ nak nacꞌat li chaki qꞌuim.

Amós 8:3

Saꞌ li cutan aꞌan, li bicha̱nc saꞌ li palacio ta̱sukꞌisi̱k chokꞌ ya̱bac. Nabaleb li teꞌca̱mk yalak bar. Ut mem teꞌcana̱k li tenamit chirilbal lix qꞌuialeb li camenak nak yo̱queb chirisinquil, chan.

Oseas 3:4

Joꞌcaꞌin xinba̱nu riqꞌuin re xcꞌutbal chiruheb laj Israel nak najt teꞌcua̱nk chi ma̱cꞌaꞌ lix reyeb, chi moco teꞌcua̱nk aj cꞌamol be chiruheb. Incꞌaꞌ chic teꞌmayejak chiruheb lix dioseb, chi moco ta̱cua̱nk lix dioseb pec, chi moco ta̱cua̱nk li cꞌaꞌak re ru re acuasi̱nc, chi moco teꞌcua̱nk lix yi̱banbil dios re ta̱colok reheb.

Ezequiel 26:13

La̱in tinba̱nu nak incꞌaꞌ chic ta̱abi̱k xya̱b le̱ bich chi moco ta̱abi̱k xya̱b le̱ arpa.

Jeremías 25:10

Incꞌaꞌ chic ta̱abima̱nk li bich re sahil chꞌo̱lej. Incꞌaꞌ chic ta̱abima̱nk li bich re sumla̱c, chi moco ta̱abi̱k chic xya̱b li queꞌec, ut incꞌaꞌ chic lochlo̱keb li candil.

1 Reyes 12:32

Ut quixye nak saꞌ li oꞌlaju xbe li cuakxak li po teꞌxba̱nu jun li nimla ninkꞌe. Chanchan li ninkꞌe li nequeꞌxba̱nu aran Judá. Ut quimayejac chiru li artal aran Bet-el chiru li cuacax oro li quixqꞌue chi yi̱ba̱c. Ut quixxakab eb ajcuiꞌ aj tij re teꞌcꞌanjelak saꞌ eb li naꞌajej li najt xteram li quixyi̱b.

Oseas 5:7

Nequeꞌxba̱nu rib nak niquineꞌxlokꞌoni, abanan ma̱cuaꞌ la̱in nequeꞌxlokꞌoni cuu. Aꞌ ban chic li jalanil dios nequeꞌxlokꞌoni. Eb li ralal xcꞌajol ma̱cuaꞌeb chic intenamit. Joꞌcan nak chi se̱b tebinsach ut tinsach ajcuiꞌ lix naꞌajeb.

Levítico 26:20

Ma̱cꞌaꞌak aj e nak te̱tacuasi e̱rib chi cꞌanjelac xban nak incꞌaꞌ chic ta̱e̱lk li acui̱mk saꞌ le̱ naꞌaj ut incꞌaꞌ chic teꞌu̱chi̱nk li cheꞌ.