Oseas 2:10 - Li Santil hu

¹⁰ Chiruheb chixjunileb li cui̱nk li naxra, la̱in tinmakꞌ chiru li cꞌaꞌru cuan re. Chanchan tꞌustꞌu tincanab chiruheb ut ma̱ ani ta̱ru̱k ta̱colok re saꞌ cuukꞌ.

Q'eqchi Bible

¹⁰ Ut anaqwan tinkanab' sa' xutaan chiruheb' li neke'rahink re, ut maajun chik taakoloq re sa' wuq'.

Oseas 2:10 ပူးပေါင်းရင်းမြစ်များ

Ezequiel 23:29

Xban nak xicꞌ nequex-ileꞌ xbaneb teꞌxba̱nu raylal e̱re. Teꞌxmakꞌ che̱ru chixjunil li cꞌaꞌru e̱re, usta cau xecꞌanjela rix. Ma̱cꞌaꞌ chic cua̱nk e̱re. Chanchan nak tꞌustꞌu texcana̱k. Chanchanakex chic li ixk li nequeꞌxcꞌayi ribeb xban nak xine̱tzꞌekta̱na ut xelokꞌoniheb li jalanil dios. Xuta̱nal te̱cꞌul.

1 Corintios 4:5

Joꞌcan nak mexrakoc a̱tin chirix le̱ ras e̱ri̱tzꞌin. Cheroybeni toj ta̱cuulak xkꞌehil nak tol-e̱lk cuiꞌchic li Ka̱cuaꞌ Jesucristo ut aꞌan tixcꞌutbesi li incꞌaꞌ nanauman anakcuan. Tixcꞌutbesi li cꞌaꞌru nanumeꞌ saꞌ xchꞌo̱l li junju̱nk. Ut li Dios tixqꞌue xlokꞌal li junju̱nk aꞌ yal chanru lix yehom xba̱nuhom.

Miqueas 5:8

Ut eb laj Israel, li joꞌ qꞌuial chic li incꞌaꞌ teꞌosokꞌ, aꞌanakeb li kꞌaxal cauhakeb rib saꞌ xya̱nkeb chixjunileb li tenamit. Chanchanakeb li cakcoj li kꞌaxal cau rib saꞌ xya̱nkeb chixjunileb li xul saꞌ qꞌuicheꞌ. Ma̱ ani ta̱ru̱k tixcol rib chiruheb laj Israel. Chanchanakeb li ral cakcoj nak na-oc saꞌ xya̱nkeb li carner ut naxchap jun ut naxpedasi ut ma̱ ani naru nacoloc re chiru.

Oseas 2:3

Cui incꞌaꞌ tixcanab, la̱in tinmakꞌ chiru chixjunil li cꞌaꞌru cuan re. Chanchan tꞌustꞌu tincanab joꞌ nak quiyoꞌla. Chanchanak chic jun li chaki chꞌochꞌ ma̱cꞌaꞌ na-el chiru ut ta̱ca̱mk xban chaki el.

Jeremías 13:26

La̱in tincꞌut e̱xuta̱n ut ta̱cꞌutu̱nk chiruheb chixjunileb li incꞌaꞌ us li xeba̱nu.

Jeremías 13:22

Ma̱re te̱ye saꞌ e̱chꞌo̱l, “¿Cꞌaꞌut nak yo̱co chixcꞌulbal li raylal aꞌin?” La̱ex yo̱quex chi rahobtesi̱c xban nak numtajenak le̱ ma̱c. E̱ma̱c ajcuiꞌ la̱ex nak yo̱ chi cꞌutecꞌ e̱xuta̱n.

Isaías 3:17

Re xqꞌuebal chixtojbaleb xma̱c la̱in tinqꞌueheb chi tꞌanecꞌ li rismal. Tꞌuruꞌ chic lix jolomeb ta̱cana̱k re xcutbal xxuta̱neb, chan li Ka̱cuaꞌ.

Proverbios 11:21

Relic chi ya̱l nak eb li incꞌaꞌ useb xnaꞌleb tento nak teꞌxcꞌul lix tojbal xma̱c. Abanan eb li ti̱queb xchꞌo̱l teꞌcolekꞌ chiru li tojba ma̱c.

Salmos 50:22

Cheqꞌuehak retal aꞌin la̱ex li nequextzꞌekta̱nan cue. Cheba̱nuhak cue̱nt. Ma̱re anchal texinsach chi junaj cua ut ma̱ ani chic naru ta̱colok e̱re.

Oseas 6:9

Eb laj tij chanchaneb laj e̱lkꞌ li nequeꞌxmuk ribeb saꞌ li be li naxic saꞌ li tenamit Siquem re nak teꞌxcamsi li cristian nak teꞌnumekꞌ aran. Nacuulac chiruheb laj tij xba̱nunquil li ma̱usilal.

2 Crónicas 24:7

(Junxil eb li queꞌoquen chirix lix Atalía li incꞌaꞌ us xnaꞌleb queꞌoc saꞌ lix templo li Ka̱cuaꞌ ut queꞌxchap li cꞌaꞌak re ru li santobresinbil ut aꞌan quicꞌanjelac chiruheb re xlokꞌoninquil eb lix yi̱banbil dios.)

Ezequiel 16:16

Caqꞌue la̱ cha̱bil akꞌ saꞌ li naꞌajej li najt xteram ut aran camux ru la̱ sumlajic. Ma̱ jun sut qui-uxman li cꞌaꞌru caba̱nu chi moco ta̱uxma̱nk mokon.

Ezequiel 16:19

Ut li cha̱bil tzacae̱mk li quinqꞌue a̱cue joꞌ li cha̱bil cꞌaj, li aceite olivo ut li xyaꞌal cab camayeja chiruheb joꞌ jun sununquil ban. Chixjunil li ma̱usilal aꞌin caba̱nu, chan li Ka̱cuaꞌ.

Oseas 10:1

Eb laj Israel cꞌajoꞌ xchakꞌal ruheb. Chanchan jun to̱n li uvas naxqꞌue nabal li ru ut chiruheb ajcuiꞌ aꞌan nacꞌanjelac. Chanru nak yo̱queb chi biomocꞌ, joꞌcan ajcuiꞌ lix qꞌuialeb li artal li queꞌxyi̱b. Xban nak cha̱bil lix chꞌochꞌeb, kꞌaxal nabal cuiꞌchic li acui̱mk naxqꞌue. Ut xban nak nabal li cꞌaꞌru reheb, nabal ajcuiꞌ lix dioseb nequeꞌxyi̱b.

Oseas 13:1

Nak nequeꞌa̱tinac li ralal xcꞌajol laj Efraín chixjunileb nequeꞌxucuac xbaneb. Qꞌuebil xcuanquileb saꞌ xya̱nkeb laj Israel. Abanan queꞌma̱cob nak queꞌxlokꞌoni laj Baal. Joꞌcan nak teꞌca̱mk.