Oseas 14:7 - Li Santil hu

⁷ Teꞌcua̱nk cuiꞌchic saꞌ lix naꞌajeb ut la̱in tin-ilok reheb. Tebinqꞌue cuiꞌchic chi ta̱mc. Chanchanakeb lix qꞌuial li ru li trigo ut chanchanakeb li ru li uvas. Ut yalak bar ta̱cuulak resileb joꞌ li cha̱bil vino li na-el aran Líbano.

Q'eqchi Bible

⁷ Eb' laj Israel te'hilanq wi' chik rub'el linmuheelahom; te'xk'anjela ru li triiw, te'atz'umaq jo' li xtoonal li uub' ut jwal nawnooqeb' ru jo' li b'iin na'elk Líbano.

Oseas 14:7 ပူးပေါင်းရင်းမြစ်များ

Salmos 91:1

Li ani cuan rubel xcuanquil li nimajcual Dios, ma̱cꞌaꞌ tixcꞌoxla xban nak aꞌan ta̱ilok re.

San Juan 11:25

Ut li Jesús quixye re: —La̱in li nincuaclesin reheb li camenak chi yoꞌyo. La̱in li ninqꞌuehoc junelic yuꞌam. Li ani napa̱ban cue la̱in ta̱cua̱nk xyuꞌam chi junelic usta nacam.

Zacarías 8:12

—La̱in tinqꞌueheb chi cua̱nc saꞌ tuktu̱quil usilal. Ut ta̱u̱chi̱nk cuiꞌchic li racui̱mkeb saꞌ li chꞌochꞌ aꞌan ut ta̱u̱chi̱nk ajcuiꞌ li uvas. Ut lix chuꞌque ta̱tꞌakresi̱nk re li racui̱mkeb. Chixjunil aꞌin tinqꞌue reheb li tenamit Israel, li joꞌ qꞌuial chic teꞌcana̱k.

Oseas 14:5

Joꞌ nak li hab naxtꞌakresi li chaki chꞌochꞌ, joꞌcan nak tinqꞌue cuiꞌchic xsahil xchꞌo̱leb laj Israel. Teꞌcha̱bilokꞌ cuiꞌchic. Chanchanakeb li utzꞌuꞌuj nak na-atzꞌumac. Chanchanakeb li cheꞌ chacalteꞌ aran Líbano li cham naxic lix xeꞌ.

Oseas 6:2

Usta ac xsach ku, abanan tixqꞌue cuiꞌchic li kayuꞌam chiru cuib oxib cutan ut tocua̱nk riqꞌuin.

Oseas 2:22

Ut saꞌ li chꞌochꞌ ta̱e̱lk li trigo ut li uvas ut li olivo. Ut la̱ex te̱ye: “Jezreel”. Chi jalbil ru naraj naxye “Li Ka̱cuaꞌ, aꞌan li na-acuoc”.

Ezequiel 17:23

Tincuau aran Israel saꞌ li tzu̱l li kꞌaxal najt xteram. Cha̱bilak li chacalteꞌ aꞌan ut nabalak li rukꞌ ut ta̱u̱chi̱nk ajcuiꞌ. Qꞌuila pa̱y ru li xul li nequeꞌrupupic teꞌxyi̱b lix soqueb saꞌ li rukꞌ li cheꞌ ut teꞌxcol ribeb saꞌ lix mu.

Isaías 61:11

Joꞌ nak li Ka̱cuaꞌ naxqꞌue chi mokc ut chi qꞌui̱c li iyaj, joꞌcan ajcuiꞌ nak tixxakab xcuanquil li ti̱quilal ut li lokꞌoni̱c saꞌ chixjunil li ruchichꞌochꞌ.

Cantares 6:11

La̱in co̱in chirilbal li cheꞌ nogal ut li ru li cheꞌ li cuan saꞌ li ru takꞌa. Quicuaj rilbal li ratzꞌum li acui̱mk uvas ut li granadas.

Cantares 2:3

Li cui̱nk li ninra, aꞌan li kꞌaxal lokꞌ chiruheb chixjunileb li chꞌajom. Chanchan lix cheꞌel li manzano saꞌ xya̱nkeb li qꞌuila pa̱y ru chi cheꞌ. Nacuulac chicuu hila̱nc saꞌ xmu li rukꞌ. Ut cꞌajoꞌ xsahil nak ninlou li ru.

Salmos 138:7

Usta yo̱quin chixcꞌulbal li raylal, la̱at nacaqꞌue inyuꞌam. Ut riqꞌuin la̱ cuanquil niquina̱col chiruheb li xicꞌ nequeꞌiloc cue.

Salmos 85:6

¿Ma incꞌaꞌ ta̱qꞌue cuiꞌchic xcacuilal kachꞌo̱l, la̱o la̱ tenamit, re nak ta̱sahokꞌ kachꞌo̱l a̱cuiqꞌuin?

San Juan 12:24

Relic chi ya̱l ninye e̱re nak cui li jun tꞌorol chi riyajil trigo incꞌaꞌ na-auman, jun tꞌorolak ajcuiꞌ. Ut cui na-auman, na-osoꞌ saꞌ li chꞌochꞌ. Jun ajcuiꞌ ru li na-osoꞌ, abanan nabal li ru naxqꞌue nak nau̱chin.

Oseas 2:21

Saꞌ eb li cutan aꞌan la̱in tinsume chak li cꞌaꞌru te̱patzꞌ cue la̱ex, li cualal incꞌajol. La̱in tintakla li hab re xtꞌakresinquil li chꞌochꞌ.

Cantares 4:11

At cuixakil, cꞌajoꞌ nak nacuulac chicuu nak nacacuutzꞌ cuu. Chanchan xyaꞌal cab na-el saꞌ xtzꞌu̱mal a̱cue. Ut chanchan leche cuan rubel ruꞌuj a̱cuakꞌ. Sunu̱nc ru la̱ cuakꞌ chanchan xsununquil li naꞌajej Líbano.