Oseas 14:6 - Li Santil hu

⁶ Teꞌoc cuiꞌchic chi ta̱mc laj Israel. Chanchanakeb li cheꞌ li naxhel rib li rukꞌ. Teꞌqꞌuehekꞌ cuiꞌchic xlokꞌal. Chanchanakeb li cheꞌ olivo. Cha̱bilakeb chic. Chanchanakeb chic xsununquil li chacalteꞌ aran Líbano.

Q'eqchi Bible

⁶ Taak'ihanq ut tixtaw xloq'al jo' li xchaq'alil ru xtoonal li oliiw; k'ajo'aq li xsununkil jo' xsununkil li tzuul Líbano.

Oseas 14:6 ပူးပေါင်းရင်းမြစ်များ

Salmos 52:8

Abanan la̱in chanchanin jun li cheꞌ olivo li rax rax ru li cuan chire rochoch li Dios. La̱in tincꞌojob inchꞌo̱l chi junelic riqꞌuin li Dios li na-uxta̱nan cuu.

Filipenses 4:18

Anakcuan cuan chixjunil li cꞌaꞌru nacuaj. Tzꞌakal ajcuiꞌ li cꞌaꞌru cuan cue xban nak xincꞌul lin ra̱bal li xetakla chak cue chirix laj Epafrodito. Li ma̱tan aꞌan li xetakla cue, aꞌan jun cha̱bil mayej li nacuulac chiru li Dios.

San Juan 15:1

Li Jesús quixye ajcuiꞌ reheb: —La̱in chanchanin li xto̱nal li uvas. Ut lin Yucuaꞌ joꞌ jun li nasabesin re.

San Mateo 13:31

Li Jesús quixye jun chic li jaljo̱quil ru a̱tin reheb: —Lix nimajcual cuanquilal li Dios, aꞌan chanchan li riyajil li ni̱nki mostaza, li quixcꞌam jun li cui̱nk ut quirau saꞌ lix chꞌochꞌ.

Jeremías 11:16

Junxil la̱in xebinjuntakꞌe̱ta riqꞌuin jun li cheꞌ olivo li nau̱chin chi nabal. Abanan xban nak incꞌaꞌ useb xnaꞌleb la̱in tinsach ruheb. Chanchan nak natokeꞌ rukꞌ li cheꞌ xban li ca̱k-sut-ikꞌ ut nacꞌateꞌ.

Salmos 128:3

La̱ cuixakil ta̱cua̱nk nabal xcocꞌal. Chanchan nak nau̱chin li uvas aubil chire la̱ cuochoch. Eb la̱ cualal a̱cꞌajol chanchanakeb li cha̱bil cheꞌ olivo li cuan saꞌ xnaꞌaj la̱ cuacui̱mk.

Génesis 27:27

Laj Jacob quijiloc chixcꞌatk ut quirutzꞌ ru lix yucuaꞌ. Laj Isaac quirutzꞌ xbo̱c li rakꞌ. Ut quirosobtesi laj Jacob ut quixye: —Lix bo̱c li rakꞌ li cualal, aꞌan joꞌ xbo̱c li qꞌuicheꞌ li quirosobtesi chak li Ka̱cuaꞌ Dios.

Salmos 92:12

Abanan li ti̱queb xchꞌo̱leb us teꞌe̱lk riqꞌuin li cꞌaꞌru teꞌxba̱nu. Chanchanakeb li cheꞌ palma. Teꞌqꞌui̱k joꞌ nak naqꞌui li cheꞌ chacalteꞌ li cuan aran Líbano.

Isaías 27:6

Saꞌ eb li cutan teꞌcha̱lk eb laj Israel li ralal xcꞌajol laj Jacob teꞌnabalokꞌ saꞌ ruchichꞌochꞌ ut teꞌcua̱nk yalak bar. Us teꞌe̱lk riqꞌuin li cꞌaꞌru teꞌxba̱nu. Chanchanakeb li cheꞌ li naxchap xxeꞌ chi us ut nabal li ru naxqꞌue.

Isaías 35:2

Li chaki chꞌochꞌ ta̱bicha̱nk xban xsahil xchꞌo̱l. Cꞌajoꞌak xchꞌinaꞌusal. Chanchanak li tzu̱l li cuanqueb Líbano ut kꞌaxal cha̱bilak chic li chꞌochꞌ. Chanchanak li chꞌochꞌ li cuan Carmelo ut chanchanak li chꞌochꞌ li cuan Sarón. Ut chixjunileb teꞌril li quilajxba̱nu li Dios ut teꞌxqꞌue retal lix lokꞌal ut lix cuanquilal.

Isaías 66:14

Nak te̱ril Jerusalén la̱ex ta̱sahokꞌ saꞌ e̱chꞌo̱l. Ta̱cua̱nk e̱cacuilal. Chanchanakex li cha̱bil pachꞌayaꞌ. Ut la̱ex te̱nau nak li Ka̱cuaꞌ naxtenkꞌaheb li nequeꞌcꞌanjelac chiru. Ut najoskꞌoꞌ saꞌ xbe̱neb li xicꞌ nequeꞌiloc re.

Oseas 6:3

Chikanauhak biꞌ ru li Ka̱cuaꞌ. Chikaqꞌuehak kachꞌo̱l chixnaubal ru chi tzꞌakal. Chꞌolchꞌo nak ta̱cꞌulu̱nk li Ka̱cuaꞌ. Ta̱cꞌulu̱nk joꞌ nak nachal li cutan rajlal. Ta̱cꞌulu̱nk joꞌ nak nachal li hab re xtꞌakresinquil li chꞌochꞌ saꞌ xkꞌehil li a̱uc ut nachal ajcuiꞌ mokon re xtꞌakresinquil li acui̱mk.—