Oseas 14:3 - Li Santil hu

³ La̱o xkaqꞌue retal nak eb laj Asiria incꞌaꞌ naru toeꞌxcol, chi moco naru toeꞌxcol li cacua̱y re pletic. Chi moco takaye chic “at kadios” reheb li yal nakayi̱b riqꞌuin kukꞌ. At Ka̱cuaꞌ, caꞌaj cuiꞌ a̱cuiqꞌuin cꞌojcꞌo̱k kachꞌo̱l xban nak la̱at li nacat-uxta̱nan ruheb li nebaꞌ, chaꞌkex re li Ka̱cuaꞌ.

Q'eqchi Bible

³ Eb' laj Asiria ink'a' naru nokoohe'xkol, chi moko too'eleliq chirixeb' li kawaay; ink'a' chik tqaye «At qaYos» re li xqak'uub' rik'in quq', xb'aan naq ka'ajwi' aawik'in, at Qaawa', naxtaw ruxtaanankil ru li neb'a'yox”.

Oseas 14:3 ပူးပေါင်းရင်းမြစ်များ

Salmos 68:5

Li Dios, aꞌan nacuan junelic saꞌ lix santil ochoch. Aꞌan xyucuaꞌeb li ma̱cꞌaꞌeb xnaꞌ xyucuaꞌeb ut aꞌan ajcuiꞌ na-iloc reheb li xma̱lcaꞌan.

Salmos 10:14

La̱at nacacuil li ma̱usilal nequeꞌxba̱nu ut la̱at ajcuiꞌ tatqꞌuehok reheb chixtojbaleb xma̱c. Li nequeꞌcꞌuluc raylal nequeꞌxkꞌaxtesi rib saꞌ a̱cuukꞌ ut la̱at nacattenkꞌan reheb.

Oseas 14:8

Eb li ralal xcꞌajol laj Efraín teꞌxye: —¿Cꞌaꞌ chic ru teꞌoc cuiꞌ ke li yi̱banbil dios? Ut la̱in tinsume ut tinye reheb: —La̱in yo̱quin che̱rabinquil ut yo̱quin che̱rilbal. La̱in chanchanin li cheꞌ rax rax ru. La̱in tin-ilok e̱re ut la̱in tin-osobtesi̱nk e̱re re nak ta̱cua̱nk cuiꞌchic nabal cꞌaꞌru e̱re, chaꞌak li Dios reheb.

Oseas 5:13

Eb li ralal xcꞌajol laj Efraín teꞌxqꞌue retal nak kꞌaxal ra cuanqueb cuiꞌ. Eb li ralal xcꞌajol laj Judá teꞌxqꞌue retal nak cuanqueb saꞌ chꞌaꞌajquilal. Joꞌcan nak teꞌxic riqꞌuin li rey Jareb aran Asiria chixtzꞌa̱manquil xtenkꞌanquileb. Abanan aꞌan incꞌaꞌ ta̱ru̱k tixtenkꞌaheb.

Oseas 2:17

La̱in tin-isi̱nk re saꞌ xchꞌo̱l lix cꞌabaꞌeb laj Baal. Ut ma̱ jun sut chic tixpatzꞌ xcꞌabaꞌeb.

Isaías 31:1

Raylal ta̱cha̱lk saꞌ xbe̱neb li nequeꞌxic Egipto chixsicꞌbal xtenkꞌanquileb ut nequeꞌxcꞌojob lix chꞌo̱leb saꞌ xbe̱neb li cacua̱y. Nequeꞌxcacuubresi lix chꞌo̱leb xban nak nabaleb lix carruaje ut kꞌaxal cauheb rib li nequeꞌxic chirix cacua̱y. Abanan incꞌaꞌ nequeꞌxsicꞌ li Dios Santo, lix Dioseb laj Israel, chi moco nequeꞌxtzꞌa̱ma xtenkꞌanquil riqꞌuin.

Isaías 30:16

La̱ex xeye: —La̱o toe̱lelik chirixeb li cacua̱y, chanquex. Joꞌcan nak tex-e̱lelik. Xeye: —La̱o toxic chirix cacua̱y li kꞌaxal cau nequeꞌa̱linac, chanquex. Abanan eb li yo̱keb che̱ra̱linanquil kꞌaxal cuiꞌchic cau teꞌa̱linak che̱ru la̱ex.

Salmos 33:17

Junak cacua̱y usta kꞌaxal cau rib, incꞌaꞌ naru naxcol laj e̱chal re.

San Juan 14:18

Nak tinxic incꞌaꞌ texincanab e̱junes. Tincha̱lk cuiꞌchic e̱riqꞌuin.

Oseas 12:1

Chanchan yal ikꞌ nataklan reheb laj Efraín xban nak ma̱cꞌaꞌ na-oc cuiꞌ li nequeꞌxba̱nu. Chanchan li ikꞌ nachal saꞌ releb sakꞌe bar cuanqueb cuiꞌ laj Asiria. Nanumta li ticꞌtiꞌ ut li ma̱usilal li nequeꞌxba̱nu. Nequeꞌxba̱nu li contrato riqꞌuineb laj Asiria ut nequeꞌxtakla lix aceite aran Egipto.

Oseas 8:9

Li ralal xcꞌajol laj Efraín chanchaneb li bu̱r xban nak nequeꞌxba̱nu xjuneseb li cꞌaꞌru nequeꞌraj. Xeꞌco̱eb xpatzꞌbal xtenkꞌanquileb riqꞌuineb laj Asiria ut queꞌxtoj re nak teꞌcolekꞌ. Ut incꞌaꞌ xeꞌxcꞌoxla nak la̱in raj xincoloc reheb.

Oseas 8:6

Aꞌan moco dios ta. Yal yi̱banbil xban jun laj tenol chꞌi̱chꞌ re Israel. Li cuacax oro li nequeꞌxlokꞌoni aran Samaria ta̱puqꞌui̱k.

Oseas 7:11

Eb li ralal xcꞌajol laj Efraín chanchaneb li mucuy ma̱cꞌaꞌ xnaꞌleb. Incꞌaꞌ naxnau cꞌoxlac. Xbe̱n cua nequeꞌxpatzꞌ xtenkꞌanquil riqꞌuineb laj Egipto ut nequeꞌxpatzꞌ ajcuiꞌ riqꞌuineb laj Asiria.

Ezequiel 37:23

Incꞌaꞌ chic teꞌxmux ribeb xlokꞌoninquileb li jalanil dios, chi moco teꞌxkꞌetkꞌeti ribeb chicuu, chi moco teꞌxba̱nu chic li ma̱usilal. La̱in tincoleb chiru li ma̱usilal aꞌan ut tincuisi lix ma̱queb. Aꞌanakeb lin tenamit ut la̱inak lix Dioseb.

Ezequiel 36:25

Chanchan nak texinchꞌajobresi riqꞌuin sak ru haꞌ nak tincuisi li ma̱usilal xeba̱nu nak xemux e̱rib riqꞌuin xlokꞌoninquil li jalanil dios.

Isaías 36:8

Joꞌcan ut anakcuan la̱in ninye e̱re nak takacꞌu̱b ru junak li naꞌleb. La̱in tinqꞌue e̱re cuib mil li cacua̱y ut la̱ex te̱ril ma te̱tau cuib mil li cui̱nk li teꞌxic chirixeb li cacua̱y.

Isaías 31:3

Eb laj Egipto yal cui̱nkeb. Moco dioseb ta. Ut lix cacua̱yeb yal xuleb. Moco musikꞌejeb ta. Nak li Ka̱cuaꞌ tixyeꞌ li rukꞌ chixqꞌuebaleb chixtojbal lix ma̱c, jun xxiquic nak teꞌosokꞌ. Ta̱osokꞌ laj tenkꞌanel ut ta̱osokꞌ ajcuiꞌ li natenkꞌa̱c.

Isaías 30:2

Nequeꞌxic Egipto chixsicꞌbal xtenkꞌanquileb chi incꞌaꞌ nequeꞌxpatzꞌ cue ma us malaj ut incꞌaꞌ us li nequeꞌxba̱nu. Nequeꞌraj nak li tenamit Egipto ta̱colok reheb. Eb aꞌan cauheb xchꞌo̱l riqꞌuin laj faraón.

Isaías 27:9

Li Dios tixcuy xma̱queb laj Israel nak telajeꞌxjuqꞌui chixjunil li artal li nequeꞌlokꞌoni̱c cuiꞌ li jalanil dios. Tixcuy xma̱queb nak ma̱cꞌaꞌak chic li yi̱banbil dios xAsera, chi moco li naꞌajej li nacꞌatman cuiꞌ li pom.

Isaías 2:20

Nak ta̱cꞌulma̱nk aꞌin, eb li cristian teꞌxcut chi najt lix dioseb yi̱banbil riqꞌuin plata ut oro. Teꞌxcut chiruheb li chꞌo ut li tzꞌu̱m xicꞌ lix dioseb li queꞌxyi̱b eb aꞌan re teꞌxlokꞌoni.

Isaías 1:29

La̱ex texxuta̱na̱k xban nak xelokꞌoni li ni̱nki cheꞌ ji. Cꞌajoꞌ nak texxuta̱na̱k nak te̱ril lix naꞌaj li utzꞌuꞌuj li quesicꞌ ru re te̱lokꞌoni.

Salmos 146:9

Li nimajcual Dios narileb li jalaneb xtenamit. Ut narileb ajcuiꞌ li ma̱cꞌaꞌ xnaꞌ xyucuaꞌeb. Ut aꞌan ajcuiꞌ na-iloc reheb li xma̱lcaꞌan. Abanan li Dios naxsach ru li cꞌaꞌru nequeꞌxcꞌoxla xba̱nunquil eb li incꞌaꞌ useb xnaꞌleb.

Salmos 146:3

Me̱cꞌojob e̱chꞌo̱l riqꞌuineb li nequeꞌtaklan chi moco riqꞌuineb li yal cui̱nk xban nak eb aꞌan incꞌaꞌ ta̱ru̱k texcol la̱ex.

2 Crónicas 16:7

Saꞌ eb li cutan aꞌan, li profeta Hanani co̱ riqꞌuin laj Asa lix reyeb laj Judá, ut quixye re: —La̱at incꞌaꞌ xacꞌojob a̱chꞌo̱l riqꞌuin li Ka̱cuaꞌ la̱ Dios. Xacꞌojob ban a̱chꞌo̱l riqꞌuin laj Ben-adad lix reyeb laj Siria. Riqꞌuin aꞌin xeꞌxcol ribeb laj Siria cha̱cuu.

Deuteronomio 17:16

Li rey li te̱xakab incꞌaꞌ naru nak cua̱nk nabalak xcacua̱y. Chi moco ta̱ru̱k tixtaklaheb li tenamit chixsicꞌbal xtzꞌakob lix cacua̱y saꞌ li tenamit Egipto xban nak li Ka̱cuaꞌ quixye nak incꞌaꞌ chic naru texsukꞌi̱k saꞌ li naꞌajej aꞌan.

Zacarías 13:2

Saꞌ chixjunil li tenamit Israel, la̱in tinsacheb ru li jalanil dios ut tinsacheb ajcuiꞌ lix cꞌabaꞌeb re nak incꞌaꞌ chic teꞌlokꞌoni̱k xbaneb li tenamit. Ut tincuisiheb ajcuiꞌ li profeta li incꞌaꞌ useb xnaꞌlebeb saꞌ xya̱nkeb ut tincuisi ajcuiꞌ lix ma̱usilaleb.

Jeremías 49:11

Canabomakeb li ma̱cꞌaꞌ xnaꞌ xyucuaꞌeb. La̱in tin-ilok reheb. Ut eb li xma̱lcaꞌan naru teꞌxcꞌojob xchꞌo̱leb cuiqꞌuin.

Oseas 4:12

Lin tenamit yo̱queb chixtzꞌa̱manquil xnaꞌlebeb chiru li pechꞌbil dios cheꞌ. ¿Ma ta̱qꞌuehekꞌ ta biꞌ xnaꞌlebeb xban li yal cheꞌ? Lin tenamit chanchan li ixakilbej nayumbe̱tac xban nak xineꞌxtzꞌekta̱na ut yo̱queb xsicꞌbal jalan chic xdioseb.

Oseas 13:2

Ut chalen ajcuiꞌ anakcuan kꞌaxal cuiꞌchic yo̱queb chi ma̱cobc. Nequeꞌxyi̱b lix dioseb riqꞌuin plata re teꞌxlokꞌoni. Riqꞌuin rukꞌeb nequeꞌxyi̱b xdioseb chi chꞌinaꞌus aꞌ yal chanru nequeꞌxnau xba̱nunquil. Ut nequeꞌxye chi ribileb rib: —Chomayejak chiruheb li kadios. Takutzꞌ ru li kadios cuacax, chanqueb.

Jonás 2:10

Ut li Ka̱cuaꞌ Dios quixtakla li car re nak tixcanab chak laj Jonás chi chꞌochꞌel. Joꞌcan nak li car quixxaꞌcua chak laj Jonás chi chꞌochꞌel.