Oseas 13:8 - Li Santil hu

⁸ La̱in tinjoskꞌokꞌ joꞌ nak najoskꞌoꞌ li ixki oso li na-elkꞌa̱c ral chiru. Tinba̱nu joꞌ naxba̱nu li oso nak naxchap ut naxtꞌupi li namakꞌoc re li ral chiru toj retal tixcamsi. Chanchanakin li cakcoj nak tinsacheb. Ut tinba̱nu joꞌ naxba̱nu li joskꞌ aj xul saꞌ qꞌuicheꞌ nak naxtꞌupi lix tib.

Q'eqchi Bible

⁸ Tinkut wib' sa' xb'eeneb' jo' naxb'aanu li tz'uqtz'un naq neke'maq'ek li ral chiru; tint'upiheb' li xch'ool, aran ajwi' tinputz'iheb' jo' naxb'aanu li kaqkoj; ut eb' li k'iche'il xul te'choyoq reheb'.

Oseas 13:8 ပူးပေါင်းရင်းမြစ်များ

2 Samuel 17:8

La̱at nacanau nak la̱ yucuaꞌ ut eb lix soldados cauheb rib chi pletic. Yo̱queb xjoskꞌil anakcuan. Chanchaneb li oso li namakꞌeꞌ li ral chiru. La̱ yucuaꞌ naxnau pletic chi us. Aꞌan incꞌaꞌ tixnumsi li kꞌojyi̱n saꞌ xya̱nkeb li tenamit.

Jeremías 12:9

Li tenamit li sicꞌbil ru inban chanchaneb li xul li chꞌinaꞌus saꞌ rix, li nequeꞌrupupic, li quisuteꞌ xbaneb li cꞌuch li teꞌajok xcamsinquil. Bokomakeb chixjunileb li joskꞌ aj xul li cuanqueb saꞌ qꞌuicheꞌ re teꞌcha̱lk chixtiubal lix tibeb.

Isaías 56:9

La̱ex li jalan e̱tenamit, cha̱lkex ut chapomak li tenamit aꞌin joꞌ nak li joskꞌ aj xul naxchap lix tib toj retal naxchoy.

Isaías 5:29

Nak teꞌxjap reheb li soldado chanchan nak nequeꞌxjap re li cakcoj malaj ut li ral li cakcoj nak oc re chixchapbal lix tib ut ma̱ ani ta̱makꞌok chiru.

Proverbios 17:12

Kꞌaxal us nak ta̱cꞌul jun li oso yo̱ xjoskꞌil li qui-elkꞌa̱c li ral, chiru nak ta̱chꞌic a̱cuib riqꞌuin jun li incꞌaꞌ naxnau xya̱lal xban nak kꞌaxal ra cuiꞌchic ta̱cꞌul.

Salmos 80:13

Chanchaneb li qꞌuicheꞌ a̱k li cuan saꞌ qꞌuicheꞌ nak queꞌchal saꞌ kabe̱n chixba̱nunquil raylal ke li xicꞌ nequeꞌiloc ke. Chanchaneb li joskꞌ aj xul nak queꞌchal chikasachbal.

Salmos 50:22

Cheqꞌuehak retal aꞌin la̱ex li nequextzꞌekta̱nan cue. Cheba̱nuhak cue̱nt. Ma̱re anchal texinsach chi junaj cua ut ma̱ ani chic naru ta̱colok e̱re.

Jeremías 25:38

Li Ka̱cuaꞌ tixcꞌutbesi lix joskꞌil joꞌ jun li cakcoj li na-el chak chixsicꞌbal lix tib. Lix naꞌajeb li tenamit ta̱sachekꞌ ru xbaneb li xicꞌ nequeꞌiloc reheb, xban nak yo̱ xjoskꞌil li Ka̱cuaꞌ saꞌ xbe̱neb.

Oseas 2:12

La̱in tinsach li racui̱mk uvas ut li cheꞌ higo li quixye nak aꞌan lix tojbal li quiqꞌueheꞌ re xbaneb li cui̱nk li nequeꞌrahoc re. Ma̱cꞌaꞌ chic ta̱e̱lk saꞌ xnaꞌaj li acui̱mk uvas ut ma̱cꞌaꞌak chic li cheꞌ li nau̱chin. Teꞌsachekꞌ xbaneb li joskꞌ aj xul.

Oseas 5:14

La̱in tincꞌut lin joskꞌil chiruheb li ralal xcꞌajol laj Efraín. Chanchanakin li cakcoj nak tinrahobtesiheb. Chanchanakin li ral li cakcoj nak tinrahobtesiheb li ralal xcꞌajol laj Judá. Joꞌ nak naxchap lix tib li cakcoj, joꞌcan ajcuiꞌ tinba̱nu la̱in riqꞌuineb. La̱in tinqꞌueheb saꞌ raylal ut tincanabeb xjuneseb ut ma̱ ani ta̱ru̱k ta̱colok reheb saꞌ cuukꞌ.