Oseas 13:5 - Li Santil hu

⁵ La̱in xintenkꞌan chak e̱re nak cuanquex chak saꞌ li tikcual chꞌochꞌ bar incꞌaꞌ natꞌaneꞌ cuiꞌ li hab.

Q'eqchi Bible

⁵ Laa'in kinch'oolanink chaq aawe sa' li chaqich'och', b'arwi' maak'a' nayo'laak.

Oseas 13:5 ပူးပေါင်းရင်းမြစ်များ

Deuteronomio 32:10

Quextau nak yo̱quex chixbeninquil e̱rib saꞌ li chaki chꞌochꞌ, li naꞌajej li ma̱cꞌaꞌ cuan chi saꞌ. Quexcol ut quexril ut quextenkꞌa xban nak lokꞌex chiru joꞌ li xnakꞌ ru.

Deuteronomio 8:15

Aꞌan quicꞌamoc be che̱ru nak quexnumeꞌ chak saꞌ li nimla chaki chꞌochꞌ li xiu xiu cuiꞌ cua̱nc. Aran cuanqueb li cꞌantiꞌ li nequeꞌcamsin. Cuanqueb ajcuiꞌ eb laj xo̱cꞌ. Ut xecuy ajcuiꞌ li chaki el. Ut nak ma̱cꞌaꞌ li haꞌ, li Ka̱cuaꞌ quirisi li haꞌ saꞌ li cacuil sako̱nac re te̱rucꞌ.

Deuteronomio 2:7

Li Ka̱cuaꞌ le̱ Dios quexrosobtesi riqꞌuin chixjunil li cꞌaꞌru queba̱nu. Aꞌan qui-iloc e̱re chiru li caꞌcꞌa̱l chihab nak yo̱quex chi numecꞌ saꞌ li chaki chꞌochꞌ. Ut quicuan e̱riqꞌuin ut ma̱cꞌaꞌ quipaltoꞌ che̱ru.

Gálatas 4:9

Anakcuan ac xexpa̱ban ut rehex chic li Dios. ¿Cꞌaꞌut nak te̱raj cuiꞌchic sukꞌi̱c chi cꞌanjelac saꞌ le̱ najteril naꞌleb li ma̱cꞌaꞌ na-oc cuiꞌ? Ut, ¿cꞌaꞌut nak te̱raj cuiꞌchic xqꞌuebal e̱rib rubel xcuanquil li najter chakꞌrab?

Nahum 1:7

Li Ka̱cuaꞌ Dios, aꞌan cha̱bil. Naxqꞌue xcacuil xchꞌo̱leb li cuanqueb saꞌ raylal. Ut aꞌan naxnau aniheb li cauheb xchꞌo̱l riqꞌuin.

Salmos 142:3

At Ka̱cuaꞌ, nacanau nak kꞌaxal ra saꞌ inchꞌo̱l ut incꞌaꞌ chic nincuy nak nacuecꞌa. La̱at nacanau chanru cuanquin. La̱at nacanau nak yalak bar ninnumeꞌ nequeꞌxqꞌue li raꞌal re tineꞌxcamsi.

Salmos 63:1

At Ka̱cuaꞌ, la̱at lin Dios. Chi anchal inchꞌo̱l nacuaj cua̱nc a̱cuiqꞌuin. Chanchanin li chaki chꞌochꞌ ta̱raj ru li haꞌ. Ta̱chakik re li cua̱m re a̱sicꞌbal, at inDios.

Éxodo 2:25

Li Dios quixqꞌue retal li raylal li yo̱queb chixcꞌulbal eb laj Israel ut quiril xtokꞌoba̱l ruheb.

1 Corintios 8:3

Abanan li ani narahoc re li Dios, li Dios naxnau nak aꞌan li ralal xcꞌajol.

Jeremías 2:6

Incꞌaꞌ chic queꞌxcꞌoxla insicꞌbal, usta la̱in quin-isin chak reheb saꞌ li naꞌajej Egipto ut usta la̱in quincꞌamoc be chiruheb nak queꞌnumeꞌ saꞌ li naꞌajej bar ma̱cꞌaꞌ cuan ut bar xiu xiu cuiꞌ li cua̱nc. La̱in quincꞌamoc be chiruheb nak queꞌnumeꞌ saꞌ li naꞌajej bar ma̱cꞌaꞌ haꞌ, chi moco cuanqueb cristian, chi moco queꞌnumeꞌ cristian aran.

Jeremías 2:2

—Ayu ut ye reheb laj Jerusalén chi cau xya̱b a̱cux nak la̱in li Ka̱cuaꞌ ninye chi joꞌcaꞌin: Jultic cue chanru nak xine̱ra saꞌ e̱sa̱jilal. Xine̱ra joꞌ jun li ixakilbej naxra lix be̱lom. Xine̱ta̱ke saꞌ li chaki chꞌochꞌ li incꞌaꞌ na-el cuiꞌ li acui̱mk.

Salmos 31:7

Ta̱sahokꞌ saꞌ inchꞌo̱l xban nak niquina̱ra ut nacacuuxta̱na cuu. La̱at nacacuil li raylal yo̱quin chixcꞌulbal. La̱at nacanau nak yo̱queb chinrahobtesinquil.

Salmos 1:6

Li Ka̱cuaꞌ Dios na-iloc reheb li ti̱queb xchꞌo̱l, ut li incꞌaꞌ useb xnaꞌleb teꞌsachekꞌ.

Génesis 31:40

Laj Jacob quixye ajcuiꞌ: —La̱in xincuy rilbaleb la̱ queto̱mk. Chi cutan caꞌchꞌin ma̱ nincam xban xtikcual li sakꞌe ut chiru kꞌojyi̱n ma̱ caꞌchꞌin nak niquinixcꞌol li que. Incꞌaꞌ naru nacube bayak lin cuara xban li que.

Oseas 5:3

La̱in ninnau chanru le̱ naꞌleb la̱ex ralal xcꞌajol laj Efraín. Incꞌaꞌ naru te̱muk e̱rib chicuu ex aj Israel. Li ralal xcꞌajol laj Efraín xineꞌxtzꞌekta̱na ut yo̱queb chixlokꞌoninquil li jalanil dios. Ut lix ma̱usilaleb aꞌan xbon rib saꞌ e̱ya̱nk che̱junilex la̱ex aj Israel.

Oseas 9:10

Joꞌcaꞌin quixye li Ka̱cuaꞌ: —Junxil kꞌaxal xsahoꞌ inchꞌo̱l riqꞌuineb laj Israel. Quisahoꞌ inchꞌo̱l riqꞌuineb joꞌ nak nasahoꞌ xchꞌo̱l junak chirilbal li cha̱bil uvas saꞌ tikcual chꞌochꞌ. Chanchan rilbal li xbe̱n ru li cha̱bil higos saꞌ xkꞌehil nak nau̱chin lix cheꞌel. Abanan nak queꞌco̱eb Baal-peor, queꞌxjal xnaꞌlebeb ut queꞌrisi ribeb cuiqꞌuin ut queꞌxtiquib xba̱nunquil li xuta̱nalil naꞌleb. Ut lix yibal ru lix naꞌlebeb, chanchan lix yibal ru li jalanil dios li queꞌxlokꞌoni.