Oseas 13:3 - Li Santil hu

³ Ut xban lix ma̱usilal teꞌosokꞌ li tenamit aꞌin. Chanchanakeb li chok li yal nanumeꞌ ekꞌela. Ut chanchanakeb li xchuꞌque li yal natꞌaneꞌ ut na-osoꞌ saꞌ junpa̱t. Chanchanakeb lix mokoj li trigo li nacꞌameꞌ xban cacuil ikꞌ ut aran na-osoꞌ. Ut chanchanakeb ajcuiꞌ li sib li na-el saꞌ releba̱l sib ut yal na-osoꞌ.

Q'eqchi Bible

³ Jo'kan naq te'oso'q jo' li eq'laakil choql, jo' li xchu'ke li nasachk chi junpaat; jo'kaqeb' li k'im li nasaapuuk xb'aan li iq' ut jo'kaqeb' li sib' na'elk sa' li b'entaan.

Oseas 13:3 ပူးပေါင်းရင်းမြစ်များ

Oseas 6:4

Abanan li Ka̱cuaꞌ naxye: —¿Cꞌaꞌru tinba̱nu e̱riqꞌuin la̱ex ralal xcꞌajol laj Efraín? Ut, ¿cꞌaꞌru tinba̱nu e̱riqꞌuin la̱ex ralal xcꞌajol laj Judá? Le̱ cha̱bilal chanchan li chok chiru li ekꞌela, li nacꞌameꞌ saꞌ junpa̱t xban li ikꞌ, ut chanchan li xchuꞌque li nacuan ekꞌela, li nasach saꞌ junpa̱t.

Salmos 1:4

Moco joꞌcaneb ta li incꞌaꞌ useb xnaꞌleb. Eb aꞌan chanchaneb lix mokoj ixim li nacꞌameꞌ xban ikꞌ.

Salmos 68:2

Chanchan nak nasach li sib saꞌ li ikꞌ, joꞌcan nak teꞌsachekꞌ ruheb li xicꞌ nequeꞌiloc re. Ut chanchan nak nahaꞌoꞌ li cera xban li xam, joꞌcan nak teꞌosokꞌ li incꞌaꞌ useb xnaꞌleb chiru li Dios.

Daniel 2:35

Ut quimuchꞌeꞌ ajcuiꞌ li hierro, li cꞌatbil saklun, li bronce, li plata ut li oro. Ut poks quicana chanchan xpoksil li trigo li nacana nak nayekꞌiman re risinquil saꞌ rix. Ut lix poksil li chꞌi̱chꞌ ut li cꞌatbil saklun quicꞌameꞌ chi junaj cua xban ikꞌ. Abanan li pec quicana ut quiniman toj retal quicuulac xnimal joꞌ jun li tzu̱l ut quixtzꞌap chixjunil li ruchichꞌochꞌ.

Isaías 17:13

Nak teꞌcha̱lk li tenamit chi pletic chanchanakeb lix cau ok li haꞌ. Abanan nak li Dios tixkꞌuseb, teꞌe̱lelik ut teꞌxic chi najt yalak bar. Chanchanakeb lix mokoj ixim li nacꞌameꞌ xban ikꞌ saꞌ eb li tzu̱l. Chanchanakeb li poks li nacꞌameꞌ xban ikꞌ li naxsuti rib.

Li xHu LAJ JOB 21:18

¿Ma xeꞌchaꞌchaꞌi̱c ta biꞌ jun sutak ruheb aꞌan joꞌ nak nacꞌameꞌ li qꞌuim xban li ikꞌ malaj ut joꞌ nak nacꞌameꞌ lix mokoj li ixim xban li ikꞌ li naxsuti rib?

Li xHu LAJ JOB 30:15

La̱in xiu xiu cuanquin. Ma̱cꞌaꞌ chic inlokꞌal. Chanchan nak xcꞌameꞌ xban ikꞌ. Ut x-osoꞌ lin biomal. Chanchan nak nanumeꞌ li chok.

Sofonías 2:2

Checꞌoxla rix li cꞌaꞌru te̱ba̱nu nak toj ma̱jiꞌ nequecꞌul li raylal li tenebanbil saꞌ e̱be̱n xban nak saꞌ junpa̱t ta̱numekꞌ li cutan joꞌ nak nacꞌameꞌ lix mokoj li trigo xban li ikꞌ. Checꞌoxla rix li cꞌaꞌru te̱ba̱nu nak toj ma̱jiꞌ nachal lix joskꞌil li Dios saꞌ e̱be̱n. Checꞌoxla rix cꞌaꞌru te̱ba̱nu nak toj ma̱jiꞌ nacuulac xkꞌehil nak li Dios tixcꞌutbesi lix joskꞌil che̱ru.

Zacarías 8:12

—La̱in tinqꞌueheb chi cua̱nc saꞌ tuktu̱quil usilal. Ut ta̱u̱chi̱nk cuiꞌchic li racui̱mkeb saꞌ li chꞌochꞌ aꞌan ut ta̱u̱chi̱nk ajcuiꞌ li uvas. Ut lix chuꞌque ta̱tꞌakresi̱nk re li racui̱mkeb. Chixjunil aꞌin tinqꞌue reheb li tenamit Israel, li joꞌ qꞌuial chic teꞌcana̱k.