Oseas 13:2 - Li Santil hu

² Ut chalen ajcuiꞌ anakcuan kꞌaxal cuiꞌchic yo̱queb chi ma̱cobc. Nequeꞌxyi̱b lix dioseb riqꞌuin plata re teꞌxlokꞌoni. Riqꞌuin rukꞌeb nequeꞌxyi̱b xdioseb chi chꞌinaꞌus aꞌ yal chanru nequeꞌxnau xba̱nunquil. Ut nequeꞌxye chi ribileb rib: —Chomayejak chiruheb li kadios. Takutzꞌ ru li kadios cuacax, chanqueb.

Q'eqchi Bible

² Ut toj yookeb' ajwi' chi maakob'k anaqwan! Neke'xha'lesi li plaat re xyiib'ankileb' li jalanil yos; neke'xyiib' li xjalam uheb' jo' chanru neke'raj: chixjunil a'an yal xk'uub'ahom junaq aj tenol ch'iich' ut neke'xye naq yos, neke'mayejak chiru ut neke'xtz'ub' li xjalam u jun li wakax!

Oseas 13:2 ပူးပေါင်းရင်းမြစ်များ

Oseas 2:8

Li ixk aꞌan incꞌaꞌ quixqꞌue retal nak la̱in xinqꞌuehoc re lix trigo, ut lix vino ut lix aceite olivo. Ut la̱in xinqꞌuehoc re chi nabal lix oro ut lix plata li quixmayeja chiru laj Baal.

Isaías 46:6

Cuanqueb li nequeꞌrisi lix oro saꞌ lix bo̱ls ut nequeꞌxbis li plata saꞌ li bisleb. Nequeꞌxqꞌue li oro ut li plata re laj tenol chꞌi̱chꞌ re nak tixyi̱b jun lix dios. Chirix aꞌan nequeꞌxcuikꞌib ribeb chiru ut nequeꞌxlokꞌoni.

1 Reyes 19:18

Tincanabeb chi yoꞌyo li cuukub mil laj Israel li incꞌaꞌ queꞌxcuikꞌib rib chixlokꞌoninquil laj Baal, chi moco queꞌrutzꞌ ru, chan li Ka̱cuaꞌ.

Jeremías 10:4

Nequeꞌxletz oro ut plata chokꞌ xsahob ruheb lix dios li nequeꞌxyi̱b. Ut nequeꞌxtꞌoj riqꞌuin claux ut martillo re nak incꞌaꞌ ta̱ecꞌa̱nk saꞌ xnaꞌaj.

Romanos 11:4

Li Dios quichakꞌoc ut quixye re: —Sicꞌbileb ru inban cuukub mil chi cui̱nk chokꞌ cue. Eb aꞌan incꞌaꞌ queꞌxcuikꞌib ribeb chixlokꞌoninquil li yi̱banbil dios aj Baal, chan.

2 Timoteo 3:13

Ut ta̱numta̱k lix ma̱usilaleb laj balakꞌ li incꞌaꞌ useb xnaꞌleb. Yo̱keb chi balakꞌi̱nc ut yo̱k ajcuiꞌ xbalakꞌinquileb aꞌan.

Romanos 2:5

Aban la̱at cau a̱chꞌo̱l. Joꞌcan nak incꞌaꞌ nacayotꞌ a̱chꞌo̱l incꞌaꞌ nacajal a̱cꞌaꞌux. Ut riqꞌuin aꞌan yo̱cat chixbokbal xjoskꞌil li Dios saꞌ a̱be̱n. Toxa̱cuil xjoskꞌil nak ta̱cuulak xkꞌehil nak li Dios ta̱rakok a̱tin saꞌ ti̱quilal.

Oseas 11:6

Ta̱cua̱nk li ple̱t saꞌ lix tenamiteb. Talajeꞌosokꞌ li tenamit xban li ple̱t. Eb lin tenamit teꞌosokꞌ xban nak queꞌxba̱nu li cꞌaꞌru queꞌraj xjuneseb.

Oseas 10:1

Eb laj Israel cꞌajoꞌ xchakꞌal ruheb. Chanchan jun to̱n li uvas naxqꞌue nabal li ru ut chiruheb ajcuiꞌ aꞌan nacꞌanjelac. Chanru nak yo̱queb chi biomocꞌ, joꞌcan ajcuiꞌ lix qꞌuialeb li artal li queꞌxyi̱b. Xban nak cha̱bil lix chꞌochꞌeb, kꞌaxal nabal cuiꞌchic li acui̱mk naxqꞌue. Ut xban nak nabal li cꞌaꞌru reheb, nabal ajcuiꞌ lix dioseb nequeꞌxyi̱b.

Oseas 8:6

Aꞌan moco dios ta. Yal yi̱banbil xban jun laj tenol chꞌi̱chꞌ re Israel. Li cuacax oro li nequeꞌxlokꞌoni aran Samaria ta̱puqꞌui̱k.

Oseas 8:4

Queꞌxxakab lix reyeb, abanan ma̱cuaꞌ la̱in xinsicꞌoc reheb. Queꞌxxakab li nequeꞌtaklan saꞌ xbe̱neb, abanan yal xjuneseb queꞌxba̱nu xban nak incꞌaꞌ queꞌxpatzꞌ cue ani teꞌxxakab. Queꞌxyi̱b lix dioseb riqꞌuin oro ut plata ut aꞌan ajcuiꞌ ta̱qꞌuehok reheb chi sachecꞌ.

Isaías 46:8

Qꞌuehomak retal aꞌin, la̱ex aj ma̱c, ut chexxuta̱na̱k. Me̱balakꞌi e̱rib. Checꞌoxla chi us li xinye.

Isaías 45:20

Li Ka̱cuaꞌ quixye: —Chꞌutubomak e̱rib ex tenamit. Quimkex che̱junilex li joꞌ qꞌuialex incꞌaꞌ xsacheꞌ e̱ru. La̱ex nequepako li yi̱banbil dios saꞌ be. Ma̱cꞌaꞌ e̱naꞌleb. Nequextijoc chiru li dios cheꞌ li incꞌaꞌ naru nequexcol.

Isaías 30:1

Li nimajcual Dios quixye: —Raylal ta̱cha̱lk saꞌ xbe̱neb li nequeꞌtaklan saꞌ xbe̱neb laj Judá xban nak xjuneseb nequeꞌxcꞌu̱b ru cꞌaꞌru teꞌxba̱nu ut incꞌaꞌ nequeꞌxpatzꞌ xnaꞌlebeb cue la̱in. Joꞌcan nak yo̱ chi numta̱c lix ma̱queb.

Isaías 1:5

¿Ma toj te̱raj nak texinqꞌue chixtojbal rix le̱ ma̱c? ¿Cꞌaꞌut nak toj yo̱quex chixba̱nunquil le̱ ma̱usilal? Tochꞌol le̱ jolom ut tacuajenakex xban li raylal yo̱quex chixcꞌulbal.

Salmos 2:12

Cheqꞌuehak xlokꞌal li Cꞌajolbej re nak incꞌaꞌ ta̱joskꞌokꞌ li Dios saꞌ e̱be̱n. Cheqꞌuehak xlokꞌal re nak incꞌaꞌ ta̱cha̱lk li ca̱mc saꞌ e̱be̱n saꞌ xkꞌehil li rakba a̱tin xban nak aꞌan saꞌ junpa̱t nachal xjoskꞌil. Us xak reheb chixjunileb li nequeꞌxcꞌojob xchꞌo̱l riqꞌuin li Dios.

2 Crónicas 33:23

Abanan incꞌaꞌ quiyotꞌeꞌ xchꞌo̱l joꞌ nak quiyotꞌeꞌ xchꞌo̱l laj Manasés lix yucuaꞌ. Ut incꞌaꞌ quixcubsi rib chiru li Ka̱cuaꞌ. Quinumta ban li ma̱usilal li quixba̱nu.

2 Crónicas 28:13

Eb aꞌan queꞌxye: —Incꞌaꞌ nakaj te̱rocsiheb chak li pre̱x aꞌan saꞌ li katenamit. Cui te̱rocsiheb ta̱numta̱k li kama̱c chiru li Ka̱cuaꞌ Dios. Li cꞌaꞌru yo̱quex la̱ex, aꞌan xqꞌuebal xtzꞌakob li ma̱c saꞌ kabe̱n. ¿Ma te̱raj te̱qꞌue xtzꞌakob li raylal yo̱co chixcꞌulbal? Ac cuan kama̱c ut yo̱ xjoskꞌil li Dios saꞌ kabe̱n, chanqueb.

1 Samuel 10:1

Ut laj Samuel quixchap jun li chꞌina botella li aceite. Quixhoy saꞌ xjolom laj Saúl. Quirutzꞌ ru ut quixye re: —Li Ka̱cuaꞌ xsicꞌ a̱cuu re tattakla̱nk saꞌ xbe̱n li tenamit Israel.

Números 32:14

Ut anakcuan la̱ex li ralal xcꞌajolex li queꞌxba̱nu li incꞌaꞌ us, te̱raj cuiꞌchic xqꞌuebal xjoskꞌil li Dios saꞌ kabe̱n la̱o aj Israel.

Jeremías 10:8

Eb li nequeꞌlokꞌonin re li dios cheꞌ to̱nteb ut ma̱cꞌaꞌ nequeꞌoc cuiꞌ xban nak nequeꞌxpatzꞌ xnaꞌleb riqꞌuineb li yi̱banbil dios.

Oseas 4:17

Eb li ralal xcꞌajol laj Efraín xeꞌxkꞌaxtesi ribeb chixlokꞌoninquil li yi̱banbil dios. Cheꞌcanaba̱k chixba̱nunquil li cꞌaꞌru nequeꞌraj.

Oseas 8:5

La̱in xicꞌ nacuil li cuacax oro li nequeꞌxlokꞌoniheb laj Samaria. Cꞌajoꞌ lin joskꞌil yo̱ saꞌ xbe̱neb. ¿Ma ma̱ jokꞌe teꞌxcanab xba̱nunquil li ma̱usilal?

Oseas 10:5

Eb laj Samaria teꞌxucuak ut teꞌya̱bak xban xrahil xchꞌo̱leb nak ta̱sachekꞌ li cuacax oro li cuan Bet-avén. Teꞌya̱bak ajcuiꞌ laj tij li nequeꞌxqꞌue xchꞌo̱l chi cꞌanjelac chiru. Cau teꞌya̱bak nak ta̱sachekꞌ xlokꞌal lix dioseb.

Oseas 14:3

La̱o xkaqꞌue retal nak eb laj Asiria incꞌaꞌ naru toeꞌxcol, chi moco naru toeꞌxcol li cacua̱y re pletic. Chi moco takaye chic “at kadios” reheb li yal nakayi̱b riqꞌuin kukꞌ. At Ka̱cuaꞌ, caꞌaj cuiꞌ a̱cuiqꞌuin cꞌojcꞌo̱k kachꞌo̱l xban nak la̱at li nacat-uxta̱nan ruheb li nebaꞌ, chaꞌkex re li Ka̱cuaꞌ.

Isaías 44:11

Eb li nequeꞌyi̱ban re li yi̱banbil dios aꞌin xuta̱nal teꞌe̱lk joꞌ ajcuiꞌ li nequeꞌlokꞌonin re xban nak yal cui̱nkeb li queꞌyi̱ban re. Nak teꞌxchꞌutub ribeb saꞌ rakleb a̱tin, sachso̱keb xchꞌo̱l ut xuta̱nal teꞌe̱lk.

Jeremías 8:5

¿Cꞌaꞌut nak eb laj Jerusalén queꞌxjal xcꞌaꞌux? ¿Cꞌaꞌut nak incꞌaꞌ nequeꞌsukꞌi cuiqꞌuin? ¿Cꞌaꞌut nak nequeꞌxkꞌetkꞌeti ribeb ut incꞌaꞌ nequeꞌraj cha̱lc cuiqꞌuin?

Oseas 11:2

La̱in xcuaj raj nak xeꞌchal cuiqꞌuin, abanan nak xinbokeb, kꞌaxal cuiꞌchic xineꞌxtzꞌekta̱na. Chiruheb chic laj Baal nequeꞌmayejac ut chiruheb li yi̱banbil dios nequeꞌxcꞌat lix pomeb.