Oseas 13:16 - Li Santil hu

¹⁶ La̱in tebinqꞌue chixtojbal rix lix ma̱queb laj Samaria xban nak xineꞌxtzꞌekta̱na. Ta̱cha̱lk li ple̱t saꞌ xbe̱neb ut telajeꞌcamsi̱k riqꞌuin chꞌi̱chꞌ. Tenbileb chiru pec li cocꞌal nak teꞌcamsi̱k. Ut eb li yaj aj ixk jachbileb chi chꞌi̱chꞌ nak teꞌcamsi̱k.

Q'eqchi Bible

¹⁶ Eb' laj Samaria te'xtoj rix li xmaakeb' xb'aan naq ke'xq'etq'eti rib' chiru li Qaawa' li xYoseb'. Te'kamsije'q chi q'esnal ch'iich', eb' li ralal xk'ajol te'pik'aje'q chiru ch'och' ut eb' li ixq wankeb' sa' yu'am te'jachmanq chi ch'iich'”.

Oseas 13:16 ပူးပေါင်းရင်းမြစ်များ

2 Reyes 15:16

Nak laj Manahem qui-el Tirsa, quixsach ru li tenamit Tifsa. Quixcamsiheb li cuanqueb aran. Ut quixset xsaꞌeb li yaj aj ixk. Quixba̱nu chi joꞌcan xban nak incꞌaꞌ queꞌraj xcꞌulbal chokꞌ rey.

2 Reyes 8:12

Laj Hazael quixye re: —At profeta Eliseo, ¿cꞌaꞌut nak yo̱cat chi ya̱bac? chan. Ut li profeta quixye re: —Yo̱quin chi ya̱bac xban nak ninnau nak la̱at tatrahobtesi̱nk reheb laj Israel. La̱at ta̱cꞌat li rochocheb li teꞌxcol cuiꞌ ribeb. Ta̱camsiheb li sa̱j cui̱nk ut ta̱saqꞌueb chiru pec li cocꞌal nak ta̱camsiheb. Ut ta̱set chi chꞌi̱chꞌ lix saꞌeb li yaj aj ixk, chan.

Isaías 13:16

Eb li cocꞌal sacꞌbileb chiru pec nak teꞌcamsi̱k chiruheb li naꞌbej yucuaꞌbej. Telajeꞌcꞌamekꞌ chixjunil li cꞌaꞌru cuan reheb saꞌ rochocheb. Ut eb li rixakileb telajeꞌchapekꞌ xbaneb li cui̱nk.

Amós 1:13

Ut quixye ajcuiꞌ li Ka̱cuaꞌ: —Nabal sut ac xincuy xma̱queb laj Amón. Anakcuan incꞌaꞌ chic tincuyeb xma̱c xban nak numtajenak cuiꞌchic li ma̱usilal yo̱queb chixba̱nunquil. Queꞌpletic riqꞌuineb laj Galaad re xmakꞌbal lix chꞌochꞌeb. Ut nak yo̱queb chi pletic, jachbil queꞌxba̱nu reheb li yaj aj ixk nak queꞌxcamsiheb.

Nahum 3:10

Abanan, usta kꞌaxal cauheb rib, eb laj Tebas queꞌchapeꞌ ajcuiꞌ ut queꞌcꞌameꞌ chi najt. Eb li cocꞌal quilajeꞌsaqꞌueꞌ saꞌ eb li xa̱la be toj retal queꞌcamsi̱c. Queꞌbu̱lic chirixeb laj cꞌamol be re teꞌril ani aj iqꞌuin teꞌcana̱k chi mo̱sil li junju̱nk ut eb li cuanqueb xcuanquil queꞌbaqꞌueꞌ riqꞌuin cadena.

Miqueas 6:16

La̱ex xeba̱nu li cꞌaꞌru quixye lix chakꞌrab li rey Omri ut xeba̱nu ajcuiꞌ joꞌ quixba̱nu li rey Acab. Xetzol e̱rib chixba̱nunquil li incꞌaꞌ us li queꞌraj eb aꞌan. Xban li ma̱usilal nequeba̱nu, la̱in texincanab chi sachecꞌ. Texhobekꞌ la̱ex li cuanquex saꞌ li tenamit Jerusalén ut te̱cꞌul li raylal xban nak xine̱tzꞌekta̱na, chan li Ka̱cuaꞌ.

Miqueas 1:4

Ut nak ta̱be̱k saꞌ xbe̱neb li tzu̱l, telajeꞌhaꞌokꞌ li tzu̱l xban. Chanchan nak nahaꞌoꞌ li cera xban li xam. Nak teꞌhaꞌokꞌ li tzu̱l, teꞌhoyekꞌ. Chanchanak li haꞌ li na-el chak saꞌ tzu̱l.

Amós 9:1

Laj Amós quixye: —Chanchan matqꞌuenbil quinba̱nu nak quicuil li Ka̱cuaꞌ xakxo chiru li artal. Quixye cue: —Ta̱jucꞌ li templo. Ta̱cuecꞌasi li rokechal toj retal ta̱tꞌanekꞌ saꞌ xbe̱neb li tenamit. Ut eb li incꞌaꞌ teꞌca̱mk, la̱in tinqꞌuehok reheb chi camsi̱c riqꞌuin chꞌi̱chꞌ saꞌ li ple̱t re nak ma̱ ani chic ta̱colekꞌ.

Amós 3:9

Joꞌcaꞌin te̱ye reheb li cuanqueb saꞌ eb li palacio aran Asdod ut reheb ajcuiꞌ li cuanqueb saꞌ eb li palacio aran Egipto: —Chꞌutubomak e̱rib saꞌ eb li tzu̱l aran Samaria. Ilomak li rahobtesi̱nc ut li ma̱usilal li yo̱queb chixba̱nunquil aran.

Oseas 11:6

Ta̱cua̱nk li ple̱t saꞌ lix tenamiteb. Talajeꞌosokꞌ li tenamit xban li ple̱t. Eb lin tenamit teꞌosokꞌ xban nak queꞌxba̱nu li cꞌaꞌru queꞌraj xjuneseb.

Oseas 10:2

Eb aꞌan aj caꞌ pacꞌal uheb xban nak nequeꞌxcꞌanjela ru li yi̱banbil dios ut nequeꞌraj ajcuiꞌ cꞌanjelac chiru li Ka̱cuaꞌ. Joꞌcan nak anakcuan li Ka̱cuaꞌ tixqꞌueheb chixtojbal rix lix ma̱queb. Tixpuqꞌui lix artaleb ut tixsacheb ru lix dioseb.

Oseas 7:14

Incꞌaꞌ xeꞌtzꞌa̱man chicuu chi anchaleb xchꞌo̱l nak japjo̱queb re saꞌ lix cuariba̱l. Nak xeꞌxchꞌutub ribeb chixtzꞌa̱manquil lix cua rucꞌaheb, xeꞌxkꞌetkꞌeti ribeb chicuu.

Isaías 17:3

Ma̱cꞌaꞌak chic lix tenamit li ralal xcꞌajol laj Efraín li queꞌxcauresi ribeb. Ut ma̱cꞌaꞌak chic xcuanquil Damasco. Eb laj Siria li incꞌaꞌ queꞌsacheꞌ ruheb xuta̱nal teꞌcana̱k joꞌ eb laj Israel, chan li nimajcual Dios.

Isaías 8:4

Toj ma̱jiꞌ ajcuiꞌ naxnau xyebal “at innaꞌ at inyucuaꞌ” li chꞌina al aꞌin nak lix biomaleb li tenamit Damasco ut Samaria ta̱chapekꞌ ut ta̱cꞌamekꞌ xban lix reyeb laj Asiria, chan.

2 Reyes 17:18

Cꞌajoꞌ nak quichal xjoskꞌil li Dios saꞌ xbe̱neb laj Israel xban li ma̱usilal queꞌxba̱nu. Joꞌcan nak quirisiheb saꞌ lix naꞌajeb. Caꞌaj chic eb li ralal xcꞌajol laj Judá queꞌcana saꞌ li naꞌajej aꞌan.

2 Reyes 17:6

Yo̱ chic xbele chihab roquic laj Oseas chokꞌ xreyeb laj Israel nak lix reyeb laj Asiria quire̱chani li tenamit Samaria ut quixcꞌameb chi pre̱xil laj Israel aran Asiria. Cuan li quixcanabeb saꞌ li naꞌajej Halah. Cuan li quixcanabeb saꞌ li naꞌajej Habor li cuan nachꞌ riqꞌuin li nimaꞌ Gozán. Ut cuan ajcuiꞌ li quixcanabeb saꞌ eb li tenamit li cuanqueb saꞌ xcue̱nt li tenamit Medo.

2 Reyes 17:5

Chirix aꞌan lix reyeb laj Asiria qui-oc chi pletic riqꞌuineb laj Israel. Oxib chihab quipletic riqꞌuineb li cuanqueb Samaria.