Oseas 13:15 - Li Santil hu

¹⁵ Usta kꞌaxal nabal cꞌaꞌru reheb li ralal xcꞌajol laj Efraín chiruheb laj Israel li rech tenamitil, aban la̱in tincuisi chiruheb chixjunil li cꞌaꞌru cuan reheb. Nak nachal li ikꞌ saꞌ releb sakꞌe cuan cuiꞌ li chaki chꞌochꞌ, nachakic li yuꞌam haꞌ xban li ikꞌ ut nachakic ajcuiꞌ li acui̱mk. Joꞌcan ajcuiꞌ tinba̱nu la̱in riqꞌuineb. Tinsach chixjunil li cꞌaꞌru cuan reheb.

Q'eqchi Bible

¹⁵ Us ta laj Efraín taa'atz'umaq jo' li pim, taachalq li tiqwal iq' sa' xjayal releb'l saq'e; taawakliiq chaq sa' li chaqich'och' ut tixchaqihob'resi chixjunileb' li yu'amha' jo'wi' eb' li releb'aal li ha'. Ut taamaq'e'q chixjunil li xb'ihomal jo' ajwi' jo'nimal jwal chaab'il li wank re.

Oseas 13:15 ပူးပေါင်းရင်းမြစ်များ

Ezequiel 19:12

Abanan cuan li queꞌjoskꞌoꞌ riqꞌuin ut queꞌxmichꞌ lix xeꞌ ut queꞌxcut saꞌ chꞌochꞌ. Ut li ru quichakic xban li tikcual ikꞌ li xchal saꞌ li este. Quitokeꞌ li rukꞌ ut queꞌchakic ut queꞌcꞌateꞌ.

Ezequiel 17:10

¿Ma us ta biꞌ ta̱e̱lk li acui̱mk aꞌin? ¿Ma incꞌaꞌ ta biꞌ ta̱chakik chi junaj cua xban li tikcual ikꞌ li ta̱cha̱lk saꞌ li este? Usta rax raxak ru ta̱chakik saꞌ xnaꞌaj.

Jeremías 4:11

Ta̱cuulak xkꞌehil nak ta̱yehekꞌ reheb li tenamit aꞌin ut reheb laj Jerusalén chi joꞌcaꞌin: Chanchan jun li tikcual ikꞌ li ta̱cha̱lk saꞌ li chaki chꞌochꞌ. Ma̱cuaꞌ li kꞌunil ikꞌ li narisi rix li trigo.

Génesis 49:22

Ut la̱at, José, tatinjuntakꞌe̱ta riqꞌuin jun to̱n li cheꞌ li nacuan chire li haꞌ. Ut li rukꞌ nequelajeꞌxchapi rib saꞌ xbe̱n li tzꞌac li cuan chire li haꞌ. Ut aꞌan cꞌajoꞌ nak nau̱chin.

Génesis 41:52

Ut laj José quixqꞌue aj Efraín chokꞌ xcꞌabaꞌ li ralal jun chic. Ut quixye: —Li Ka̱cuaꞌ Dios xqꞌuehoc re li sahil echej cue saꞌ li tenamit aꞌin bar xincꞌul cuiꞌ li raylal, chan.

Nahum 2:9

Kacꞌamak li plata. Kacꞌamak li oro. Kꞌaxal cuiꞌchic nabal lix biomaleb ut cꞌajoꞌ xchakꞌal ru.

Oseas 10:1

Eb laj Israel cꞌajoꞌ xchakꞌal ruheb. Chanchan jun to̱n li uvas naxqꞌue nabal li ru ut chiruheb ajcuiꞌ aꞌan nacꞌanjelac. Chanru nak yo̱queb chi biomocꞌ, joꞌcan ajcuiꞌ lix qꞌuialeb li artal li queꞌxyi̱b. Xban nak cha̱bil lix chꞌochꞌeb, kꞌaxal nabal cuiꞌchic li acui̱mk naxqꞌue. Ut xban nak nabal li cꞌaꞌru reheb, nabal ajcuiꞌ lix dioseb nequeꞌxyi̱b.

Oseas 9:11

Joꞌ nak naxicꞌan li xul chiru choxa, joꞌcan nak ta̱sachekꞌ lix lokꞌaleb li ralal xcꞌajol laj Efraín. Incꞌaꞌ chic teꞌcua̱nk ralal xcꞌajol. Eb li rixakil incꞌaꞌ chic teꞌqꞌuiresi̱nk chi moco teꞌcana̱k chic chi yaj aj ixk.

Oseas 4:19

Chanchan nak teꞌcꞌamekꞌ yalak bar xban li ikꞌ nak teꞌosokꞌ. Ta̱cuulak xkꞌehil nak teꞌxuta̱nobresi̱k xban lix ma̱usilaleb.

Daniel 11:8

Ut teꞌxcꞌam saꞌ li sur chixjunil li cuan saꞌ li norte. Teꞌcꞌamekꞌ lix dioseb li yi̱banbil riqꞌuin chꞌi̱chꞌ ut teꞌcꞌamekꞌ ajcuiꞌ li cꞌaꞌak chic re ru yi̱banbil riqꞌuin oro ut plata. Ut li cuanqueb saꞌ li norte teꞌcua̱nk rubel xcuanquil laj Egipto chiru nabal chihab.

Jeremías 51:36

Joꞌcan nak li Ka̱cuaꞌ quixye: —La̱in tin-oque̱nk che̱rix ut la̱in tinqꞌue re̱kaj li incꞌaꞌ us xeꞌxba̱nu e̱re. La̱in tinqꞌue chi chakic li nimaꞌ ut eb li yuꞌam haꞌ li cuanqueb Babilonia.

Jeremías 20:5

Ut tinkꞌaxtesi saꞌ rukꞌ li rey aꞌan chixjunil lix biomal le̱ tenamit Jerusalén, joꞌ ajcuiꞌ le̱ racui̱mk ut chixjunil li cꞌaꞌak re ru terto xtzꞌak, joꞌ ajcuiꞌ li cꞌaꞌru re li rey li terto xtzꞌak. Tinkꞌaxtesi saꞌ rukꞌeb li xicꞌ nequeꞌiloc e̱re. Ut eb aꞌan teꞌxcꞌam chixjunil aran Babilonia.”

Isaías 41:16

Te̱ra̱linaheb chi najt. Chanchan nak te̱cuteb saꞌ li ikꞌ ut teꞌcꞌamekꞌ ut telajeꞌjeqꞌui̱k yalak bar. Ut la̱ex ta̱sahokꞌ saꞌ e̱chꞌo̱l riqꞌuin li Ka̱cuaꞌ. Ta̱sahokꞌ saꞌ e̱chꞌo̱l riqꞌuin li Dios santo li nequelokꞌoni la̱ex aj Israel.

Isaías 17:13

Nak teꞌcha̱lk li tenamit chi pletic chanchanakeb lix cau ok li haꞌ. Abanan nak li Dios tixkꞌuseb, teꞌe̱lelik ut teꞌxic chi najt yalak bar. Chanchanakeb lix mokoj ixim li nacꞌameꞌ xban ikꞌ saꞌ eb li tzu̱l. Chanchanakeb li poks li nacꞌameꞌ xban ikꞌ li naxsuti rib.

Isaías 14:21

Ex tenamit, cauresihomak e̱rib ut te̱camsiheb li ralal xcꞌajol li rey aꞌin xban li ma̱usilal li queꞌxba̱nu lix yucuaꞌeb. Eb aꞌan incꞌaꞌ teꞌre̱chani li naꞌajej chi moco teꞌxyi̱b li xni̱nkal ru tenamit saꞌ ruchichꞌochꞌ.

Salmos 109:13

Cheꞌca̱mk ta chixjunileb li ralal xcꞌajol ut chisachk ta lix cꞌabaꞌeb chi junaj cua.

Salmos 1:4

Moco joꞌcaneb ta li incꞌaꞌ useb xnaꞌleb. Eb aꞌan chanchaneb lix mokoj ixim li nacꞌameꞌ xban ikꞌ.

Li xHu LAJ JOB 18:16

Chanchanak jun li cheꞌ nachakic lix xeꞌ ut nachakic ajcuiꞌ li rukꞌ.

Deuteronomio 33:17

Lix metzꞌe̱u li ralal xcꞌajol laj José chanchan xmetzꞌe̱u li xbe̱n ral jun li toro. Chanchan xcacuilal lix xucub li bo̱yx li cuan saꞌ qꞌuicheꞌ. Riqꞌuin lix cacuilaleb teꞌnumta̱k saꞌ xbe̱neb li xni̱nkal ru tenamit ut teꞌra̱linaheb toj saꞌ xmaril li ruchichꞌochꞌ. Aꞌan li usilal li tintzꞌa̱ma reheb li qꞌuila ralal xcꞌajol laj Efraín ut reheb li qꞌuila ralal xcꞌajol laj Manasés.

Génesis 48:19

Abanan laj Israel incꞌaꞌ quixcꞌul xchꞌo̱l xba̱nunquil chi joꞌcan ut quixye, —La̱in ninnau nak aꞌan li asbej, at cualal. Ta̱nima̱nk lix cuanquil aꞌan. Abanan li i̱tzꞌinbej kꞌaxal cuiꞌchic numtajenak lix cuanquil chiru li asbej. Kꞌaxal nabaleb li ralal xcꞌajol li teꞌcua̱nk, chan laj Israel.

Génesis 41:6

Ut quiril ajcuiꞌ nak queꞌel chak cuukub chi̱j chic chi trigo kꞌaxal cocꞌ ut ac xtzꞌumar xban li tikcual ikꞌ.

Isaías 27:8

Li Ka̱cuaꞌ quixqꞌueheb laj Israel chixtojbal lix ma̱queb nak quixcanabeb saꞌ rukꞌeb li jalaneb xtenamit. Queꞌchapeꞌ ut queꞌcꞌameꞌ chi pre̱xil saꞌ jalan tenamit. Chanchan nak queꞌcꞌameꞌ xban li cacuil ikꞌ li nachal saꞌ releb sakꞌe.

Jeremías 4:12

Chanchanak jun li cacuil ikꞌ li nasachoc. Joꞌcan tixba̱nu li Ka̱cuaꞌ nak ta̱rakok a̱tin saꞌ xbe̱neb li tenamit.

Jeremías 51:1

Joꞌcaꞌin naxye li Ka̱cuaꞌ: —La̱in tintakla junak li tenamit chi pletic riqꞌuineb laj Babilonia ut riqꞌuineb ajcuiꞌ li cuanqueb aran li nequeꞌxkꞌetkꞌeti ribeb chicuu. Eb li tintakla chanchanakeb li ikꞌ li nasachoc nak teꞌxic chi pletic.

Oseas 2:3

Cui incꞌaꞌ tixcanab, la̱in tinmakꞌ chiru chixjunil li cꞌaꞌru cuan re. Chanchan tꞌustꞌu tincanab joꞌ nak quiyoꞌla. Chanchanak chic jun li chaki chꞌochꞌ ma̱cꞌaꞌ na-el chiru ut ta̱ca̱mk xban chaki el.

Jonás 4:8

Ut nak quitikcuoꞌ li sakꞌe, li Dios quixtakla chak jun li tikcual ikꞌ yo̱ chi cha̱lc saꞌ releb sakꞌe. Ut laj Jonás quicꞌateꞌ xban li sakꞌe ut quichal xlubic. Qui-oc xtzꞌa̱manquil xcamic ut quixye: —Kꞌaxal us raj chokꞌ cue li ca̱mc chiru nak yoꞌyo̱kin arin saꞌ ruchichꞌochꞌ, chan.

Génesis 41:23

Tojoꞌnak queꞌel cuukub chi̱j chic chi trigo kꞌaxal cocꞌ ut ac xtzꞌumar xban li tikcual ikꞌ.