Oseas 13:13 - Li Santil hu

¹³ Li raylal li teꞌxcꞌul chanchan li raylal naxcꞌul li ixk nak ac qꞌuira̱c re. Chanchaneb jun li cꞌulaꞌal xcuulac xkꞌehil xyoꞌlajic abanan incꞌaꞌ nayoꞌla saꞌ xya̱lal. Eb laj Efraín teꞌcolekꞌ raj, abanan xban xma̱cꞌaꞌileb xnaꞌleb, incꞌaꞌ nequeꞌraj xcanabanquil li ma̱usilal.

Q'eqchi Bible

¹³ Xwulak xkutankil naq taa'alaaq, ab'anan laj Efraín a'an jun li al kaw xjolom li ink'a' naraj yo'laak sa' xyaalal.

Oseas 13:13 ပူးပေါင်းရင်းမြစ်များ

Isaías 37:3

Queꞌxye re laj Isaías: —Aꞌan aꞌin li naxye laj Ezequías. Chiru li cutan aꞌin yo̱co chi cꞌuluc raylal xban li ma̱c xkaba̱nu. Yo̱queb chikamajecuanquil li xicꞌ nequeꞌiloc ke ut yo̱queb chikahobbal. Yo̱co chi cꞌuluc raylal. Chanchano jun li ixk oc re chi qꞌuira̱c ut ma̱cꞌaꞌ chic xmetzꞌe̱u.

Isaías 13:8

Nabal li raylal ta̱cha̱lk saꞌ xbe̱neb ut yo̱keb xxiu. Cꞌajoꞌ li raylal li teꞌxcꞌul. Chanchanak li raylal li naxcꞌul li ixk li oc re chi qꞌuira̱c. Teꞌxcaꞌya ribeb ut teꞌsach xchꞌo̱leb chi rilbal li cꞌaꞌru teꞌxcꞌul li jun chꞌol chic ut teꞌxuta̱nak.

Isaías 26:17

Chanchano li yaj aj ixk li oc re chi qꞌuira̱c. Japjo re xban li raylal. Joꞌcan yo̱co chixcꞌulbal la̱o, at Ka̱cuaꞌ.

Salmos 48:6

Nequeꞌsicsot queꞌcana xban xxiuheb ut queꞌoc chirecꞌanquil jun li raylal. Chanchan xraylal junak ixk oc re chi qꞌuira̱c.

2 Reyes 19:3

Queꞌxye re laj Isaías: —Aꞌan aꞌin li naxye laj Ezequías. Chiru li cutan aꞌin yo̱co chi cꞌuluc raylal xban li ma̱c xkaba̱nu. Yo̱queb chikamajecuanquil li xicꞌ nequeꞌiloc ke ut yo̱queb chikahobbal. Chanchano jun li ixk oc re chi qꞌuira̱c, ut ma̱cꞌaꞌ chic xmetzꞌe̱u.

1 Ts 5:3

Nak eb li tenamit yo̱keb chixyebal, “Cuanco saꞌ tuktu̱quil usilal ut ma̱cꞌaꞌ cꞌoxlac”, tojoꞌnak ta̱cha̱lk rosoꞌjiqueb saꞌ junpa̱t chi ma̱cꞌaꞌak saꞌ xchꞌo̱leb joꞌ nak nachal xraylal li yaj aj ixk chi ma̱cꞌaꞌ saꞌ xchꞌo̱l. Ut eb aꞌan incꞌaꞌ teꞌcolekꞌ chiru li raylal ta̱cha̱lk saꞌ xbe̱neb.

Proverbios 22:3

Eb li cuanqueb xnaꞌleb nequeꞌxqꞌue retal li ma̱usilal ut nequeꞌxcol ribeb chiru. Abanan eb li ma̱cꞌaꞌeb xnaꞌleb nequeꞌxcꞌul li raylal nachal saꞌ xbe̱neb xban nak incꞌaꞌ nequeꞌxnau xqꞌuebal retal.

2 Corintios 6:2

Joꞌcaꞌin tzꞌi̱banbil saꞌ li Santil Hu: Nak xcuulac xkꞌehil, xaya̱ba incꞌabaꞌ ut xatcuabi. Saꞌ xkꞌehil xcꞌulbal li colba-ib, xatintenkꞌa, chan li Dios. (Isa. 49:8) Joꞌcan nak la̱in ninye e̱re nak anakcuan xkꞌehil xcꞌulbal li rusilal li Dios. Anakcuan ajcuiꞌ naru texcolekꞌ.

Hechos 24:25

Ut nak laj Pablo yo̱ chixchꞌolobanquil lix ya̱lal li ti̱quilal, li cuyuc ib, ut li rakba a̱tin cha̱lel, quichal xxiu laj Félix. Quixye re laj Pablo. —Anakcuan ayu. Nak tixqꞌue rib chicuu tintakla cuiꞌchic a̱bokbal, chan.

Jeremías 49:24

Incꞌaꞌ chic cauheb xchꞌo̱l laj Damasco. Yo̱queb chi e̱lelic xban xxiuheb. Cꞌajoꞌ li raylal yo̱queb chixcꞌulbal. Chanchaneb jun li ixk oc re chi qꞌuira̱c.

Jeremías 30:6

Cꞌoxlahomak junpa̱tak. ¿Ma naru ta biꞌ nayoꞌla junak xcꞌulaꞌal li cui̱nk? ¿Cꞌaꞌut nak yo̱queb chi xucuac li cui̱nk ut yo̱queb chi ya̱bac? Sakquirin aj chic nequeꞌiloc xbaneb xxiu. Chanchaneb chic li ixk li oqueb re chi qꞌuira̱c.

Jeremías 22:23

La̱ex li cuanquex saꞌ le̱ rochoch li xeyi̱b riqꞌuin li chacalteꞌ li xchal Líbano, cꞌajoꞌ nak texya̱bak xban li raylal te̱cꞌul. Li raylal li te̱cꞌul chanchan li raylal li naxcꞌul li ixk li oc re chi qꞌuira̱c.

Jeremías 13:21

Li Ka̱cuaꞌ quixye: —La̱ex aj Jerusalén, ¿cꞌaꞌru te̱ye nak texcana̱k rubel xcuanquileb li tenamit li xecꞌojob e̱chꞌo̱l saꞌ xbe̱neb xban nak xecꞌoxla nak e̱rami̱gueb? Kꞌaxal ra te̱cꞌul joꞌ naxcꞌul li ixk li oc re chi qꞌuira̱c.

Jeremías 4:31

La̱in xcuabi nak yo̱queb chi ya̱bac laj Jerusalén. Chanchan nak naxjap re li ixk nak oc re chi qꞌuira̱c riqꞌuin li xbe̱n xcꞌulaꞌal. Incꞌaꞌ chic nequeꞌxcuy musikꞌac. Nequeꞌxyeꞌ li rukꞌeb nak yo̱queb chixtzꞌa̱manquil xtenkꞌanquileb. “Tokꞌob ku. Incꞌaꞌ nakacuy saꞌ rukꞌeb li nequeꞌraj kacamsinquil,” chanqueb.

Isaías 66:9

¿Ma ninqꞌue ta biꞌ junak chi qꞌuira̱c ut incꞌaꞌ ninqꞌue chi yoꞌla̱c lix cꞌulaꞌal? La̱in quinye nak teꞌqꞌui̱k li tenamit Sión. ¿Ma naru ta biꞌ tinram chiruheb nak teꞌqꞌui̱k?

Isaías 21:3

Cꞌajoꞌ lin xiu ut ra cuanquin xban li cꞌaꞌru quicuil saꞌ li visión. Chanchan li raylal li naxcꞌul li ixk li oc re chi qꞌuira̱c. Nayotꞌeꞌ inchꞌo̱l xban li cꞌaꞌru quicuabi ut sachso innaꞌleb xban li cꞌaꞌru quicuil.

San Juan 16:21

Junak ixk yoꞌla̱c re lix cꞌulaꞌal narecꞌa xrahil lix raylal. Abanan nak ac xyoꞌla lix cꞌulaꞌal, nasach saꞌ xchꞌo̱l li raylal li quixcꞌul ut nasahoꞌ saꞌ xchꞌo̱l xban nak ac xyoꞌla lix cꞌulaꞌal.

Deuteronomio 32:6

¿Ma joꞌcaꞌin nak te̱qꞌue re̱kaj li usilal li naxba̱nu li Ka̱cuaꞌ? Incꞌaꞌ us le̱ naꞌleb. Incꞌaꞌ nequetau xya̱lal. ¿Ma ma̱cuaꞌ ta biꞌ aꞌan li Ka̱cuaꞌ le̱ Dios li quiqꞌuehoc e̱yuꞌam? Aꞌan quiyoꞌobtesin e̱re ut quexxakab saꞌ le̱ naꞌaj.

Oseas 5:4

Xban le̱ ma̱usilal incꞌaꞌ chic nequecꞌoxla sukꞌi̱c cuiqꞌuin la̱in le̱ Dios. Nequeqꞌue ban e̱chꞌo̱l chixlokꞌoninquil li yi̱banquil dios. Joꞌcan nak incꞌaꞌ naru te̱nau cuu nak la̱in li Ka̱cuaꞌ.

San Juan 5:4

Jun x-ángel li Ka̱cuaꞌ nacube chak saꞌ choxa yalak jokꞌe ut narecꞌasi li haꞌ. Li ani xbe̱n cua na-oc chi saꞌ nak ac x-ecꞌasi̱c li haꞌ, li jun aꞌan naqꞌuira aꞌ yal cꞌaꞌru xyajel.