Oseas 13:1 - Li Santil hu

¹ Nak nequeꞌa̱tinac li ralal xcꞌajol laj Efraín chixjunileb nequeꞌxucuac xbaneb. Qꞌuebil xcuanquileb saꞌ xya̱nkeb laj Israel. Abanan queꞌma̱cob nak queꞌxlokꞌoni laj Baal. Joꞌcan nak teꞌca̱mk.

Q'eqchi Bible

¹ Naq neke'aatinak eb' laj Efraín junxil, chixjunileb' neke'xiwak. K'eeb'il xwankileb' sa' xyanqeb' laj Israel. Ab'an ke'maakob'k naq ke'xloq'oni laj Bahal; jo'kan naq ke'kamk.

Oseas 13:1 ပူးပေါင်းရင်းမြစ်များ

Oseas 11:2

La̱in xcuaj raj nak xeꞌchal cuiqꞌuin, abanan nak xinbokeb, kꞌaxal cuiꞌchic xineꞌxtzꞌekta̱na. Chiruheb chic laj Baal nequeꞌmayejac ut chiruheb li yi̱banbil dios nequeꞌxcꞌat lix pomeb.

San Lucas 14:11

Joꞌcan nak chixjunileb li nequeꞌxnimobresi ribeb, ta̱cubsi̱k xcuanquileb. Ut chixjunileb li nequeꞌxcubsi ribeb, eb aꞌan teꞌqꞌuehekꞌ xcuanquil, chan li Jesús.

Proverbios 18:12

Li ani naxnimobresi rib xjunes naxsach rib. Ut li ani naxcubsi rib naqꞌueheꞌ xlokꞌal.

1 Reyes 12:25

Ut laj Jeroboam quixtakla xyi̱banquil chi cha̱bil li tenamit Siquem li cuan saꞌ li tzu̱l aran Efraín ut quicana chi cua̱nc aran. Ut quixyi̱b ajcuiꞌ chi cha̱bil li tenamit Penuel.

1 Samuel 15:17

Quixye laj Samuel: —Usta la̱at xaye nak ma̱cꞌaꞌ a̱cuanquil, abanan la̱at xatqꞌueheꞌ chi takla̱nc saꞌ xbe̱neb laj Israel. Li Ka̱cuaꞌ quisicꞌoc a̱cuu re nak tat-oc chokꞌ xreyeb laj Israel.

Jueces 12:1

Eb li ralal xcꞌajol laj Efraín queꞌxchꞌutub ribeb chi xic chi pletic. Queꞌnumeꞌ jun pacꞌal li nimaꞌ Jordán ut queꞌco̱eb saꞌ li tenamit Zafón. Queꞌcuulac riqꞌuin laj Jefté ut queꞌxye re: —¿Cꞌaꞌut nak quexco̱ex chi pletic riqꞌuineb laj Amón ut incꞌaꞌ coe̱bok che̱rix? Anakcuan takacꞌat la̱ cuochoch ut aran ajcuiꞌ tatcꞌatk la̱at, chanqueb.

Jueces 8:1

Eb li ralal xcꞌajol laj Efraín queꞌjoskꞌoꞌ ut queꞌxcuechꞌi laj Gedeón ut queꞌxye re: —¿Cꞌaꞌut nak xaba̱nu chi joꞌcan? ¿Cꞌaꞌut nak incꞌaꞌ xatakla kabokbal nak xco̱ex chi pletic riqꞌuineb laj Madián? chanqueb re.

Josué 3:7

Li Ka̱cuaꞌ Dios quixye re laj Josué: —Chalen anakcuan tinqꞌue a̱cuanquil re nak eb laj Israel teꞌxqꞌue a̱lokꞌal ut teꞌxnau nak la̱in cuanquin a̱cuiqꞌuin joꞌ nak quincuan riqꞌuin laj Moisés.

Números 13:16

Aꞌin lix cꞌabaꞌeb li cui̱nk li queꞌtakla̱c xban laj Moisés chixqꞌuebal retal li naꞌajej Canaán: laj Oseas li ralal laj Nun quiqꞌueheꞌ aj Josué chokꞌ xcꞌabaꞌ xban laj Moisés.

Números 13:8

Ut saꞌ lix te̱paleb li ralal xcꞌajol laj Efraín quitakla̱c laj Oseas li ralal laj Nun.

Números 10:22

Ut chirixeb li ralal xcꞌajol laj Coat, queꞌco̱eb li jun chꞌu̱tal li ralal xcꞌajol laj Efraín ut cuan xbande̱reb. Laj Elisama li ralal laj Amiud, aꞌan li najolomin reheb.

Génesis 2:17

Caꞌaj cuiꞌ ru li cheꞌ li re xnaubal ru li us ut li incꞌaꞌ us incꞌaꞌ naru nacalou, xban nak saꞌ li cutan nak ta̱lou aꞌan relic chi ya̱l tatca̱mk, chan li Dios.

2 Corintios 5:14

Xban nak kꞌaxal nocoxra li Cristo, joꞌcan nak nakaqꞌue kachꞌo̱l chi cꞌanjelac chiru. Nakanau chi tzꞌakal nak li Cristo quicam saꞌ kacꞌabaꞌ la̱o chikajunilo. Ut xban nak quicam aꞌan, chikajunilo camenako chic chiru li ma̱c.

Romanos 5:12

Joꞌcaꞌin nak quiticla li ma̱c saꞌ ruchichꞌochꞌ, yal xban jun chi cui̱nk aj Adán xcꞌabaꞌ. Ut xban li ma̱c cuan li ca̱mc ut chixjunileb nequeꞌcam xban nak chixjunileb xeꞌma̱cob.

Isaías 66:2

¿Ma ma̱cuaꞌ ta biꞌ la̱in quinyi̱ban re chixjunil li cꞌaꞌru cuan? ¿Ma ma̱cuaꞌ ta biꞌ la̱in quinyoꞌobtesin reheb? La̱in nacuil xtokꞌoba̱l ruheb li nebaꞌ ut li tu̱laneb, li nequeꞌxqꞌue xlokꞌal li cua̱tin.

Li xHu LAJ JOB 29:21

Eb aꞌan nequeꞌxcanab ribeb chirabinquil li cꞌaꞌru ninye nak ninqꞌueheb lix naꞌlebeb.

Li xHu LAJ JOB 29:22

Ma̱cꞌaꞌ nequeꞌxye chirix li cꞌaꞌru ninye xban nak eb aꞌan nequeꞌxnau nak ya̱l li ninye. Chanchan nak narucꞌ li haꞌ li chꞌochꞌ nak nequeꞌrabi li cua̱tin.

Oseas 2:8

Li ixk aꞌan incꞌaꞌ quixqꞌue retal nak la̱in xinqꞌuehoc re lix trigo, ut lix vino ut lix aceite olivo. Ut la̱in xinqꞌuehoc re chi nabal lix oro ut lix plata li quixmayeja chiru laj Baal.

Oseas 8:4

Queꞌxxakab lix reyeb, abanan ma̱cuaꞌ la̱in xinsicꞌoc reheb. Queꞌxxakab li nequeꞌtaklan saꞌ xbe̱neb, abanan yal xjuneseb queꞌxba̱nu xban nak incꞌaꞌ queꞌxpatzꞌ cue ani teꞌxxakab. Queꞌxyi̱b lix dioseb riqꞌuin oro ut plata ut aꞌan ajcuiꞌ ta̱qꞌuehok reheb chi sachecꞌ.

Isaías 7:8

Eb laj Siria cauheb xchꞌo̱l riqꞌuin li tenamit Damasco xban nak aꞌan lix nimal ru tenamit li cuan aran Siria. Ut laj Rezín, aꞌan lix reyeb laj Damasco. Chiru o̱b xca̱cꞌa̱l (65) chihab eb laj Efraín yo̱keb chi sachc xcuanquileb toj retal nak teꞌcana̱k chi ma̱cꞌaꞌ chic tenamit.

Oseas 2:10

Chiruheb chixjunileb li cui̱nk li naxra, la̱in tinmakꞌ chiru li cꞌaꞌru cuan re. Chanchan tꞌustꞌu tincanab chiruheb ut ma̱ ani ta̱ru̱k ta̱colok re saꞌ cuukꞌ.