Oseas 12:8 - Li Santil hu

⁸ Eb li ralal xcꞌajol laj Efraín nequeꞌxye: —Chi ya̱l nak xobiomoꞌ. Xkatau kabiomal chokꞌ ke. Ma̱ ani ta̱yehok ke nak incꞌaꞌ us xkaba̱nu. Ma̱ ani ta̱yehok ke nak ma̱c xkaba̱nu riqꞌuin li kacꞌanjel, chanqueb.

Q'eqchi Bible

⁸ Ut eb' laj Efraín neke'xye: «Yaal naq xoob'ihomo'k, naab'al li b'ihomal xqatamresi. Ab'anan maajun taayehoq qe naq xqataw qab'ihomal rik'in b'alaq'ik!».

Oseas 12:8 ပူးပေါင်းရင်းမြစ်များ

Apocalipsis 3:17

La̱ex nequeye nak biomex ut cuan chixjunil li cꞌaꞌru e̱re. “Ma̱cꞌaꞌ napaltoꞌ ke,” chanquex. Abanan incꞌaꞌ nequeqꞌue retal nak kꞌaxal ra cuanquex. Chanchan nebaꞌex ut mutzꞌex. Chanchan tꞌustꞌu̱quex xban nak incꞌaꞌ niquine̱pa̱b. Kꞌaxal tokꞌoba̱l e̱ru.

Salmos 62:10

Me̱cꞌojob e̱chꞌo̱l saꞌ xbe̱n li pletic. Ut me̱cꞌoxla nak yal riqꞌuin elkꞌac te̱tau li tzꞌakal biomal. Usta cuan cꞌaꞌru e̱re, abanan me̱cꞌojob e̱chꞌo̱l saꞌ xbe̱n.

1 Timoteo 6:5

Eb li cui̱nk aꞌin, junes cuechꞌi̱nc nequeꞌxba̱nu. Moco tuktu ta xcꞌaꞌuxeb ut moco ya̱l ta li nequeꞌxye. Nequeꞌxcꞌoxla nak riqꞌuin lix pa̱ba̱leb teꞌxtau xtumineb. Ma̱junaji a̱cuib riqꞌuineb aꞌan.

Zacarías 11:5

Eb li nequeꞌlokꞌoc reheb li carner, nequeꞌxcamsi ut nequeꞌxcꞌoxla nak ma̱cꞌaꞌeb xma̱c. Ut eb li nequeꞌcꞌayin reheb nequeꞌxye: —Bantiox xak re li Ka̱cuaꞌ nak yo̱co chi biomocꞌ. Chi moco laj ilol reheb nequeꞌril xtokꞌoba̱l ruheb li carner.

Proverbios 30:20

Li ixk li naxmux ru xsumlajic nacuaꞌac ut naxchꞌaj saꞌ li re ut naxye nak moco ma̱c ta li naxba̱nu.

Proverbios 30:12

Cuanqueb li nequeꞌxcꞌoxla nak tzꞌakal re ru lix yuꞌameb, abanan toj ma̱jiꞌ cuybil sachbil lix ma̱queb.

Salmos 52:7

Ut teꞌxye, Ilomak a cui̱nk aꞌan. Incꞌaꞌ quixcꞌojob xchꞌo̱l riqꞌuin li Dios. Quixcꞌojob ban xchꞌo̱l saꞌ xbe̱n lix biomal. Saꞌ xchꞌo̱l aꞌan nak tixcol rib riqꞌuin li ma̱usilal naxba̱nu.

Salmos 49:6

Eb aꞌan cꞌojcꞌo̱queb xchꞌo̱l saꞌ xbe̱n lix biomal. Ut nequeꞌxnimobresi rib xban nak cuan nabal cꞌaꞌruheb re.

Deuteronomio 8:17

Incꞌaꞌ taxak te̱cꞌoxla nak riqꞌuin le̱ cuanquil ut riqꞌuin le̱ metzꞌe̱u cuan chixjunil li cꞌaꞌru e̱re.

1 Timoteo 6:17

Ta̱chꞌolob xya̱lal chiruheb li biom nak incꞌaꞌ teꞌxkꞌetkꞌeti ribeb chi moco teꞌxcꞌojob xchꞌo̱l saꞌ xbe̱n li biomal li na-osoꞌ. Cheꞌxqꞌue ban xchꞌo̱l chixyoꞌoninquil li yoꞌyo̱quil Dios. Aꞌan naqꞌuehoc ke chi nabal chixjunil li cꞌaꞌak re ru.

San Lucas 16:15

Ut li Jesús quixye reheb: —La̱ex nequeti̱cobresi e̱chꞌo̱l e̱junes chiruheb li tenamit. Abanan li Dios naxnau chanru le̱ naꞌleb. Li cꞌaꞌru kꞌaxal lokꞌ chiruheb li cui̱nk saꞌ ruchichꞌochꞌ, aꞌan tzꞌekta̱nanbil xban li Dios.

San Lucas 16:13

Ma̱ ani ta̱ru̱k ta̱cꞌanjelak chiru cuib chi patrón. Ma̱re tixra li jun ut xicꞌ ta̱ril li jun chic, malaj ut xicꞌ ta̱ril li jun ut tixra li jun chic. Incꞌaꞌ naru texcꞌanjelak chiru li Dios cui junes le̱ biomal nequecꞌoxla.—

San Lucas 12:19

Ut tinye: “Us xak cue. Cuan nabal cꞌaꞌru cue xocxo inban re tinnumsi nabal chihab. Anakcuan tinhila̱nk, tincuaꞌak, tin-ucꞌak, ut ta̱sahokꞌ saꞌ inchꞌo̱l”, chan.

San Lucas 10:29

Aꞌan quiraj raj xti̱cobresinquil xchꞌo̱l xjunes rib. Quixye re li Jesús: —¿Ani tzꞌakal li cuas cui̱tzꞌin? chan.

Malaquías 3:13

—Kꞌaxal ra nanak cuiꞌ le̱ ra̱tin xeye cue, chan li Ka̱cuaꞌ. Ut toj nequeye, “¿Cꞌaꞌru xkaye? ¿Cꞌaꞌru xatkahob cuiꞌ?” chanquex.

Habacuc 1:16

Eb laj chapol car nequeꞌxqꞌue xlokꞌal lix yoy ut lix anzuelo. Nequeꞌmayejac ut nequeꞌxcꞌat li pom chiru xban nak riqꞌuin aꞌan nequeꞌxsicꞌ li cꞌaꞌru nequeꞌxtzaca.

Jeremías 2:23

¿Cꞌaꞌut nak nequeye nak incꞌaꞌ xemux e̱rib? ¿Cꞌaꞌut nak nequeye nak incꞌaꞌ xelokꞌoniheb li jalanil dios? Qꞌuehomak retal cꞌaꞌru xeba̱nu saꞌ li ru takꞌa. Cꞌoxlahomak li ma̱usilal xeba̱nu. Chanchanex li camello li yo̱queb chi a̱linac yalak bar chixsicꞌbal lix sum.

Jeremías 2:35

Usta ac xeba̱nu chixjunil aꞌin, aban la̱ex nequeye nak ma̱cꞌaꞌ e̱ma̱c. “Moco yo̱ ta xjoskꞌil li Dios saꞌ kabe̱n”, chanquex. Xban nak nequeye chi joꞌcan, la̱in tinrakok a̱tin saꞌ e̱be̱n.

Malaquías 2:17

Li Ka̱cuaꞌ xtitzꞌ chirabinquil li cꞌaꞌru nequeye. Ut toj nequeye, “¿Cꞌaꞌru xtitzꞌ cuiꞌ li Ka̱cuaꞌ kaban?” Xtitzꞌ e̱ban xban nak la̱ex nequeye nak nasahoꞌ xchꞌo̱l li Dios riqꞌuin li ani naxba̱nu ma̱usilal. Ut nequeye ajcuiꞌ, “Cui ta ya̱l nak ti̱c xchꞌo̱l li Dios, ac xqꞌueheb raj chixtojbal xma̱queb li ani nequeꞌba̱nun ma̱usilal,” chanquex.

Ezequiel 28:5

Xban nak cuan a̱naꞌleb nacanau lokꞌoc ut nacanau cꞌayi̱nc. Joꞌcan nak kꞌaxal nabal la̱ biomal. Ut xban la̱ biomal xakꞌetkꞌeti a̱cuib.

Oseas 4:8

Nequetzaca li nequeꞌxmayeja lin tenamit re xtojbal rix lix ma̱queb. Joꞌcan nak chokꞌ e̱re la̱ex aj tij kꞌaxal us nak yo̱keb chi ma̱cobc.

Oseas 13:6

Abanan nak xexcuulac saꞌ li cha̱bil chꞌochꞌ, cuan chic cꞌaꞌru e̱re ut xextzacan chi us. Xban nak tzꞌakal chic li cꞌaꞌru e̱re cuan, xenimobresi e̱rib ut incꞌaꞌ chic xine̱cꞌoxla.

Oseas 14:1

La̱ex aj Israel, sukꞌinkex cuiꞌchic riqꞌuin li Ka̱cuaꞌ le̱ Dios. La̱ex yo̱quex chixcꞌulbal li raylal xban li ma̱c xeba̱nu.

Proverbios 11:1

Li Ka̱cuaꞌ sa xchꞌo̱l riqꞌuin li ani nabisoc chi tzꞌakal. Abanan xicꞌ narileb li ani incꞌaꞌ nequeꞌbisoc chi tzꞌakal.

Jeremías 5:27

Nequeꞌxnujobresi li rochocheb riqꞌuin li cꞌaꞌru queꞌxmakꞌ chiruheb li ras ri̱tzꞌin. Chanchaneb li cui̱nk li nequeꞌxchap li cocꞌ xul li nequeꞌrupupic ut nequeꞌxtzꞌap saꞌ junak naꞌajej. Joꞌcan nak xeꞌbiomoꞌ ut cuanqueb xcuanquil.

Amós 8:5

Nequeye chiribil e̱rib: —¿Jokꞌe ta̱numekꞌ lix ninkꞌeinquil li acꞌ po re nak ta̱ru̱k tocꞌayi̱nk trigo? Ut, ¿jokꞌe ta̱numekꞌ li hiloba̱l cutan re nak takate li rochochil li trigo li xocxo cuiꞌ ut takatiquib cuiꞌchic cꞌayi̱nc? Takaterkꞌusi xtzꞌak li trigo ut takajeb lix bisbal ut incꞌaꞌ tzꞌakal li bisleb takaqꞌue, chanquex.