Oseas 12:6 - Li Santil hu

⁶ Joꞌcan nak la̱ex ralal xcꞌajol laj Jacob, chexsukꞌi̱k riqꞌuin li Ka̱cuaꞌ. Chexcua̱nk saꞌ ti̱quilal ut chex-uxta̱na̱nk u. Ut cauhak taxak e̱chꞌo̱l riqꞌuin li Dios.

Q'eqchi Bible

⁶ Jo'kan naq laa'ex aj Israel sutq'inqex rik'in leeYos: chexrahoq ut chexwanq sa' tiikilal, ut k'ojk'ooq leech'ool rik'in leeYos chi junelik.

Oseas 12:6 ပူးပေါင်းရင်းမြစ်များ

Miqueas 6:8

Li Ka̱cuaꞌ incꞌaꞌ naraj aꞌan. Ac chꞌolchꞌo chiku li cꞌaꞌru us. Ac yebil ke cꞌaꞌru naraj li Ka̱cuaꞌ. Li Ka̱cuaꞌ naraj nak tocua̱nk saꞌ ti̱quilal ut takaqꞌue kachꞌo̱l chi uxta̱na̱nc u, ut chikacubsi kib re nak tocua̱nk chi sum a̱tin riqꞌuin li Dios.

Miqueas 7:7

Abanan la̱o, caꞌaj cuiꞌ riqꞌuin li Dios toyoꞌoni̱nk. Takacꞌojob kachꞌo̱l riqꞌuin li Ka̱cuaꞌ laj Colol ke. Li kaDios ta̱rabi nak takaya̱ba xcꞌabaꞌ.

Oseas 14:1

La̱ex aj Israel, sukꞌinkex cuiꞌchic riqꞌuin li Ka̱cuaꞌ le̱ Dios. La̱ex yo̱quex chixcꞌulbal li raylal xban li ma̱c xeba̱nu.

Zacarías 7:9

—Aꞌan aꞌin li ninye e̱re la̱in: Ti̱cak e̱chꞌo̱l ut chexcua̱nk saꞌ xya̱lal. Cha̱bilakex chi ribil e̱rib ut chex-uxta̱na̱nk u.

Santiago 2:13

Li ani incꞌaꞌ naruxta̱na ru li ras ri̱tzꞌin incꞌaꞌ ajcuiꞌ ta̱uxta̱na̱k ru xban li Dios saꞌ li rakba a̱tin. Ut li ani ta̱ruxta̱na ru li ras ri̱tzꞌin, ta̱uxta̱na̱k ajcuiꞌ ru xban li Dios.

Santiago 1:27

Aban chiru li Acuabej Dios, li napa̱ban chi tzꞌakal ut ma̱cꞌaꞌ xpaltil, aꞌan li natenkꞌan reheb li nebaꞌ ut li xma̱lcaꞌan saꞌ lix raylaleb. Ut incꞌaꞌ naxba̱nu li ma̱usilal li nequeꞌxba̱nu li toj ma̱jiꞌ nequeꞌpa̱ban.

Hechos 26:20

Ut xbe̱n cua quinchꞌolob xya̱lal chiruheb li cuanqueb Damasco ut Jerusalén. Chirix aꞌan quinchꞌolob xya̱lal chiruheb laj judío li cuanqueb Judea, joꞌ ajcuiꞌ chiruheb li ma̱cuaꞌeb aj judío. Quinye reheb nak tento teꞌyotꞌekꞌ xchꞌo̱leb teꞌxjal xcꞌaꞌuxeb ut teꞌxkꞌaxtesi ribeb re li Dios ut teꞌxba̱nu li us joꞌ xcꞌulubeb li ac xeꞌpa̱ban.

Hechos 2:38

Laj Pedro quichakꞌoc ut quixye reheb: —Chiyotꞌekꞌ e̱chꞌo̱l ut jalomak e̱cꞌaꞌux ut ta̱cubsi̱k e̱haꞌ chi junju̱nkalex saꞌ xcꞌabaꞌ li Jesucristo re nak tixcuy e̱ma̱c li Dios ut tixqꞌue e̱re li Santil Musikꞌej.

Zacarías 8:16

Aꞌan aꞌin li tento te̱ba̱nu la̱ex. Ya̱l chex-a̱tinak riqꞌuineb le̱ ras e̱ri̱tzꞌin. Ut chexrakok a̱tin saꞌ ti̱quilal ut saꞌ xya̱lal re nak cua̱nk li tuktu̱quil usilal saꞌ e̱ya̱nk.

Zacarías 1:3

Joꞌcan nak ta̱ye reheb lin tenamit nak teꞌxjal xcꞌaꞌux ut teꞌsukꞌi̱k cuiqꞌuin. Ut la̱in chic tincua̱nk riqꞌuineb. La̱in li Ka̱cuaꞌ li nim incuanquil. Xinyehoc re aꞌin.

Sofonías 3:8

Joꞌcan nak chine̱roybeni cuan, chan li Ka̱cuaꞌ, toj ta̱cuulak xkꞌehil nak tincuisi injoskꞌil saꞌ e̱be̱n. La̱in ac xinye nak tinchꞌutubeb ru lix ni̱nkal ru tenamit ut tinrakok a̱tin saꞌ xbe̱neb. Chanchan li xam nak tincꞌut lin joskꞌil che̱ru. Tinsacheb ru chixjunil le̱ tenamit xban nak yo̱ injoskꞌil saꞌ e̱be̱n.

Habacuc 2:3

Li cꞌaꞌru tinye a̱cue saꞌ li visión, ta̱cꞌulma̱nk. Abanan, toj ma̱jiꞌ nacuulac xkꞌehil nak ta̱osokꞌ la̱ tenamit. Usta ta̱ba̱yk caꞌchꞌinak, abanan ta̱cuoybeni xban nak relic chi ya̱l nak ta̱cꞌulma̱nk li cꞌaꞌru tincꞌutbesi cha̱cuu.

Amós 5:24

Cheba̱nuhak ban li ti̱quilal ut li cha̱bilal chi ma̱cꞌaꞌak rosoꞌjic. Chanchanak li rok haꞌ ut li yuꞌam haꞌ li incꞌaꞌ nachakic.

Joel 2:13

Cheyotꞌ e̱chꞌo̱l chiru li Dios ut me̱pej chic le̱ rakꞌ. Jalomak ban e̱cꞌaꞌux ut patzꞌomak e̱cuybal chiru li Ka̱cuaꞌ le̱ Dios xban nak aꞌan na-uxta̱nan u ut nequexra. Aꞌan incꞌaꞌ najoskꞌoꞌ saꞌ junpa̱t. Kꞌaxal nim ban xcuyum ut narahoꞌ saꞌ xchꞌo̱l nak naxqꞌue li tojbal ma̱c saꞌ e̱be̱n.

Oseas 10:12

La̱in xinye e̱re: —Li cꞌaꞌru te̱rau, aꞌan ajcuiꞌ li te̱kꞌol. Sicꞌomak li ti̱quilal ut texcuosobtesi xban nak niquine̱lokꞌoni. Chanchan nak te̱trabaji li chꞌochꞌ ut tex-a̱uk ut cha̱bil li cꞌaꞌru te̱kꞌol. Anakcuan xcuulac xkꞌehil nak texsukꞌi̱k cuiqꞌuin, ut la̱in texincꞌul cuiꞌchic ut tinqꞌue xti̱quilal e̱chꞌo̱l.

Oseas 4:1

Abihomak ra̱tin li Ka̱cuaꞌ, ex ralal xcꞌajol laj Israel, xban nak yo̱ xjoskꞌil saꞌ e̱be̱n la̱ex li cuanquex saꞌ li naꞌajej aꞌin. Joꞌcaꞌin yo̱ chixyebal li Ka̱cuaꞌ Dios: —Ma̱ ani ti̱c xchꞌo̱l ut ma̱ ani na-uxta̱nan u ut ma̱ ani naqꞌuehoc retal nak La̱in li Ka̱cuaꞌ Dios.

Jeremías 22:15

At rey, ¿ma nacacꞌoxla nak la̱at cha̱bil rey yal xban nak cua̱nk la̱ cha̱bil palacio yi̱banbil riqꞌuin li cheꞌ chacalteꞌ? La̱ yucuaꞌ quixba̱nu li us ut quicuan saꞌ ti̱quilal. Joꞌcan nak us qui-el riqꞌuin li quixba̱nu. Incꞌaꞌ quipaltoꞌ cꞌaꞌru re.

Isaías 58:6

Li ayunic li nacuulac chicuu la̱in, aꞌan aꞌin: te̱canab xba̱nunquil li ma̱usilal reheb li nequeꞌcꞌanjelac che̱ru. Chanchan nak te̱tꞌup li cadena li bacꞌbo̱queb cuiꞌ nak te̱canabeb chi xic. Chanchan nak te̱risi li i̱k cuan saꞌ xbe̱neb nak te̱canab xrahobtesinquileb.

Isaías 40:31

Aꞌut eb li nequeꞌyoꞌonin riqꞌuin li Ka̱cuaꞌ teꞌqꞌuehekꞌ lix metzꞌe̱u. Cua̱nkeb xmetzꞌe̱u joꞌ xmetzꞌe̱u li tꞌiu li naxicꞌan chi najt ut incꞌaꞌ nalub. Teꞌa̱linak ut incꞌaꞌ teꞌlubk; teꞌbe̱k ut incꞌaꞌ teꞌtacua̱k. Incꞌaꞌ teꞌchꞌina̱nk xchꞌo̱l xban nak li Ka̱cuaꞌ cua̱nk riqꞌuineb.

Isaías 31:6

La̱ex aj Israel, xexma̱cob chicuu ut xekꞌet li cua̱tin. Abanan sukꞌinkex cuiqꞌuin.

Isaías 30:18

Abanan li Ka̱cuaꞌ yo̱ chiroybeninquil re ta̱ruxta̱na e̱ru. Naraj xcꞌutbesinquil che̱ru nak aꞌan naxtokꞌoba e̱ru. Li Ka̱cuaꞌ li nimajcual Dios aꞌan ti̱c xchꞌo̱l. Us xak reheb li nequeꞌxcꞌojob xchꞌo̱l riqꞌuin li Ka̱cuaꞌ.

Isaías 8:17

Usta quixmuk rib li Ka̱cuaꞌ chiruheb li ralal xcꞌajol laj Jacob, abanan la̱in cau inchꞌo̱l ut cꞌojcꞌo inchꞌo̱l riqꞌuin.

Isaías 1:16

Yi̱bomak le̱ yuꞌam. Ti̱cobresihomak le̱ chꞌo̱l. Canabomak li ma̱cobc. Ut me̱ba̱nu chic li ma̱usilal.

Proverbios 21:3

Chexcua̱nk saꞌ cha̱bilal ut saꞌ ti̱quilal xban nak aꞌan li kꞌaxal lokꞌ chiru li Dios chiru li cꞌatbil mayej.

Proverbios 1:23

Quixye li Ka̱cuaꞌ: —Cheqꞌuehak retal le̱ kꞌusbal li ninqꞌue ut la̱in tinqꞌuehok e̱naꞌleb ut texintenkꞌa chixtaubal ru lix ya̱lal.

Salmos 123:2

At Ka̱cuaꞌ, at kaDios, joꞌ nak eb li mo̱s nequeꞌxtzꞌa̱ma xtenkꞌanquil chiruheb lix patrón, joꞌcan nak nakatzꞌa̱ma katenkꞌanquil cha̱cuu la̱at toj retal ta̱cuuxta̱na ku.

Salmos 37:7

Checꞌojobak e̱chꞌo̱l riqꞌuin li Ka̱cuaꞌ ut chex-oybeni̱nk riqꞌuin aꞌan. Mexcꞌoxlac chirixeb li nequeꞌbiomoꞌ. Mexpoꞌ chirilbaleb li us nequeꞌel riqꞌuin li incꞌaꞌ us nequeꞌxba̱nu.

Salmos 27:14

Chexyoꞌoni̱nk riqꞌuin li Ka̱cuaꞌ. Michꞌinan e̱chꞌo̱l. Cauhak ban e̱chꞌo̱l riqꞌuin. Caꞌaj cuiꞌ riqꞌuin aꞌan chexyoꞌoni̱nk.

Génesis 49:18

Ut laj Jacob quixye re li Ka̱cuaꞌ Dios: —At inDios, la̱in yo̱quin cha̱cuoybeninquil nak tatcha̱lk chincolbal, chan re li Dios.

Ezequiel 18:30

Ex aj Israel, la̱in tinrakok a̱tin saꞌ e̱be̱n che̱junju̱nkalex, aꞌ yal chanru le̱ yehom e̱ba̱nuhom. Jalomak e̱cꞌaꞌux ut canabomak xba̱nunquil li ma̱usilal li yo̱quex chixba̱nunquil. Me̱qꞌue e̱rib chi sachc xban le̱ ma̱c.

Joel 2:12

—Anakcuan yotꞌomak e̱chꞌo̱l, chan li Ka̱cuaꞌ. Chexya̱bak ut cheba̱nu e̱-ayu̱n. Sukꞌinkex cuiꞌchic cuiqꞌuin chi anchal e̱chꞌo̱l, chan.

Éxodo 3:15

Li Dios quixye cuiꞌchic re laj Moisés: —Joꞌcaꞌin ta̱ye reheb laj Israel, “Li nimajcual Dios xtaklan chak cue. Aꞌan li Dios li queꞌxlokꞌoni eb le̱ xeꞌto̱nil yucuaꞌ laj Abraham, laj Isaac ut laj Jacob.” Nimajcual Dios incꞌabaꞌ ut aꞌan tincꞌabaꞌin chi junelic kꞌe cutan.—

Amós 4:13

Li Ka̱cuaꞌ, aꞌan li quiyi̱ban re li tzu̱l ut aꞌan li quiyi̱ban re li ikꞌ. Aꞌan nacꞌutuc re chiruheb li cui̱nk cꞌaꞌru naxcꞌoxla xba̱nunquil. Aꞌan nasukꞌisin re li kꞌojyi̱n chokꞌ cutan. Aꞌan nacuan yalak bar saꞌ chixjunil li ruchichꞌochꞌ. Lix cꞌabaꞌ li Ka̱cuaꞌ, aꞌan lix Dioseb li qꞌuila okꞌob chi ángel.