Oseas 12:3 - Li Santil hu

³ Toj ma̱jiꞌ ajcuiꞌ nequeꞌyoꞌla laj Jacob li kaxeꞌto̱nil yucuaꞌ ut laj Esaú, ac yo̱queb chixpletinquil ribeb. Chapcho lix cux rok laj Esaú xban laj Jacob nak queꞌyoꞌla. Ut mokon nak nim chic, laj Jacob quipletic riqꞌuin lix ángel li Ka̱cuaꞌ.

Q'eqchi Bible

³ Naq toj maji' nayo'laak, laj Jakob kixmaq' li xb'een alalb'ejil chiru li ras; ut naq winq chik, kiyalok rik'in li Qaawa' Yos.

Oseas 12:3 ပူးပေါင်းရင်းမြစ်များ

Génesis 25:26

Nak quiyoꞌla li i̱tzꞌinbej, chapcho lix cux rok li asbej xban. Ut queꞌxqꞌue chokꞌ xcꞌabaꞌ li i̱tzꞌinbej aj Jacob. Oxcꞌa̱l (60) chihab cuan re laj Isaac nak queꞌyoꞌla li ralal riqꞌuin lix Rebeca.

Romanos 9:11

Toj ma̱jiꞌ nequeꞌyoꞌla lix cocꞌal lix Rebeca nak quisiqꞌueꞌ ru li jun xban li Dios. Moco riqꞌuin ta lix yehom xba̱nuhom nak quisiqꞌueꞌ ru xban nak ma̱jiꞌ nequeꞌxba̱nu li us chi moco li incꞌaꞌ us. Riqꞌuin aꞌan nakanau nak li Dios incꞌaꞌ naxsicꞌ ru junak riqꞌuin lix yehom xba̱nuhom. Naxsicꞌ ban ru joꞌ naraj aꞌan.

2 Reyes 17:18

Cꞌajoꞌ nak quichal xjoskꞌil li Dios saꞌ xbe̱neb laj Israel xban li ma̱usilal queꞌxba̱nu. Joꞌcan nak quirisiheb saꞌ lix naꞌajeb. Caꞌaj chic eb li ralal xcꞌajol laj Judá queꞌcana saꞌ li naꞌajej aꞌan.

2 Reyes 17:20

Joꞌcan nak li Ka̱cuaꞌ quixtzꞌekta̱naheb chixjunileb laj Israel. Quixtakla li raylal saꞌ xbe̱neb ut quixcanabeb saꞌ rukꞌeb li xicꞌ nequeꞌiloc reheb toj retal nak queꞌisi̱c saꞌ lix naꞌajeb.

2 Reyes 17:23

toj retal nak li Dios quixcanabeb re nak teꞌchapekꞌ xbaneb jalan tenamit joꞌ quiyeheꞌ reheb xbaneb lix profeta li Dios. Joꞌcan nak queꞌchapeꞌ ut queꞌcꞌameꞌ Asiria. Ut aran cuanqueb toj chalen anakcuan.

Jeremías 2:9

Joꞌcan nak la̱in tinrakok a̱tin saꞌ e̱be̱n la̱ex joꞌ ajcuiꞌ saꞌ xbe̱neb le̱ ralal e̱cꞌajol.

Ezequiel 7:3

Anakcuan la̱ex tex-osokꞌ xban nak la̱in yo̱ injoskꞌil saꞌ e̱be̱n. Tinrakok a̱tin saꞌ e̱be̱n aꞌ yal chanru le̱ yehom e̱ba̱nuhom. Texinqꞌue chixtojbal rix le̱ ma̱usilal.

Ezequiel 7:8

Chi se̱b tincꞌut lin joskꞌil che̱ru. La̱ex te̱nau nak kꞌaxal yo̱ injoskꞌil saꞌ e̱be̱n. Ut la̱in tinrakok a̱tin saꞌ e̱be̱n aꞌ yal chanru le̱ yehom e̱ba̱nuhom. Texinqꞌue chixtojbal rix le̱ ma̱usilal.

Oseas 4:1

Abihomak ra̱tin li Ka̱cuaꞌ, ex ralal xcꞌajol laj Israel, xban nak yo̱ xjoskꞌil saꞌ e̱be̱n la̱ex li cuanquex saꞌ li naꞌajej aꞌin. Joꞌcaꞌin yo̱ chixyebal li Ka̱cuaꞌ Dios: —Ma̱ ani ti̱c xchꞌo̱l ut ma̱ ani na-uxta̱nan u ut ma̱ ani naqꞌuehoc retal nak La̱in li Ka̱cuaꞌ Dios.

Oseas 4:9

Chanru lix naꞌlebeb li tenamit, joꞌcan ajcuiꞌ e̱naꞌleb la̱ex aj tij. Joꞌcan nak texinqꞌue chixtojbal rix le̱ ma̱c aꞌ yal chanru le̱ yehom e̱ba̱nuhom.

Amós 2:4

Ut quixye cuiꞌchic li Ka̱cuaꞌ: —Nabal sut ac xincuy xma̱queb laj Judá. Anakcuan incꞌaꞌ chic tincuyeb xma̱c xban nak numtajenak cuiꞌchic li ma̱usilal yo̱queb chixba̱nunquil. Queꞌxtzꞌekta̱na lin chakꞌrab ut incꞌaꞌ nequeꞌxba̱nu li cꞌaꞌru ninye reheb. Queꞌxlokꞌoni li yi̱banbil dios joꞌ queꞌxba̱nu lix naꞌ xyucuaꞌeb.

Miqueas 6:2

Abihomak la̱ex aj Israel. Li Ka̱cuaꞌ oc re chi rakoc a̱tin saꞌ e̱be̱n. Ta̱abi̱k resil yalak bar saꞌ xya̱nkeb li tzu̱l li xakxo̱queb chi cau saꞌ xnaꞌajeb. Abihomak li yo̱ chixyebal li Ka̱cuaꞌ. Li Ka̱cuaꞌ yo̱ xjoskꞌil saꞌ xbe̱neb lix tenamit. Oc re chixyebal cꞌaꞌru lix ma̱queb laj Israel.