Oseas 11:6 - Li Santil hu

⁶ Ta̱cua̱nk li ple̱t saꞌ lix tenamiteb. Talajeꞌosokꞌ li tenamit xban li ple̱t. Eb lin tenamit teꞌosokꞌ xban nak queꞌxba̱nu li cꞌaꞌru queꞌraj xjuneseb.

Q'eqchi Bible

⁶ Sa' li xtenamiteb' taawanq li yalok: te'sache'q eb' li kawub'resinb'il ochoch ut taajuk'iiq chixjunil xb'aan li maa'usilal neke'xk'uub'.

Oseas 11:6 ပူးပေါင်းရင်းမြစ်များ

Oseas 13:16

La̱in tebinqꞌue chixtojbal rix lix ma̱queb laj Samaria xban nak xineꞌxtzꞌekta̱na. Ta̱cha̱lk li ple̱t saꞌ xbe̱neb ut telajeꞌcamsi̱k riqꞌuin chꞌi̱chꞌ. Tenbileb chiru pec li cocꞌal nak teꞌcamsi̱k. Ut eb li yaj aj ixk jachbileb chi chꞌi̱chꞌ nak teꞌcamsi̱k.

Oseas 10:14

Ta̱cha̱lk li ple̱t saꞌ e̱be̱n ut chixjunileb li xni̱nkal ru cab li nequecol cuiꞌ e̱rib talajeꞌsachekꞌ. Te̱cꞌul joꞌ quicꞌulman saꞌ eb li cutan nak li rey Salmán quixsach li tenamit Bet-arbel nak quicuan li ple̱t ut eb li naꞌbej joꞌqueb ajcuiꞌ lix cocꞌaleb quilajeꞌcamsi̱c.

Oseas 10:6

Li cuacax oro ta̱cꞌamekꞌ Asiria ut ta̱qꞌuehekꞌ chokꞌ xma̱tan li rey Jareb. Eb li ralal xcꞌajol laj Efraín teꞌcꞌutekꞌ xxuta̱n. Xuta̱nal teꞌe̱lk chixjunileb laj Israel xban nak queꞌxqꞌue ribeb chi balakꞌi̱c.

Malaquías 4:1

Li Ka̱cuaꞌ Dios quixye: —Relic chi ya̱l cuulac re xkꞌehil nak la̱in tinrakok a̱tin. Chanchan li xam li cuan saꞌ li horno nak tinrakok a̱tin saꞌ xbe̱neb li tenamit. Aran teꞌosokꞌ li nequeꞌxnimobresi ribeb joꞌqueb ajcuiꞌ li nequeꞌba̱nun ma̱usilal. Chanchanakeb li qꞌuim nak teꞌcꞌatk saꞌ li cutan aꞌan. Ut ma̱ jun chic teꞌcolekꞌ.

Miqueas 5:11

Ut tinjucꞌ chixjunileb li tenamit saꞌ le̱ naꞌaj ut tinjucꞌ ajcuiꞌ chixjunil li cab li nequecol cuiꞌ e̱rib.

Ezequiel 20:47

Ta̱ye chi joꞌcaꞌin re li qꞌuicheꞌ li cuan saꞌ li sur: Abihomak li ra̱tin li Dios. Li nimajcual Dios xye: La̱in oc cue chixlochbal li xam li ta̱cꞌatok re chixjunileb li cheꞌ, li rax rax ru joꞌ ajcuiꞌ li chaki. Incꞌaꞌ ta̱ru̱k xchupbal li xam. Ta̱ticla̱k saꞌ li sur ut ta̱cuulak toj saꞌ li norte. Ut chixjunileb teꞌrecꞌa lix tikcual.

Jeremías 5:17

Aꞌaneb chic teꞌyalok xsahil ru le̱ racui̱mk. Ut aꞌaneb chic li teꞌtzaca̱nk re le̱ tzacae̱mk. Teꞌxcamsiheb le̱ ralal e̱cꞌajol. Ut teꞌxcamsi le̱ carner re teꞌxtiu joꞌ ajcuiꞌ le̱ cuacax. Ut teꞌxtzaca li ru le̱ uvas joꞌ ajcuiꞌ li ru le̱ higo. Teꞌsachekꞌ ruheb li tenamit li cauresinbil chi us re te̱col cuiꞌ e̱rib, li cꞌojcꞌo cuiꞌ e̱chꞌo̱l.

Isaías 30:1

Li nimajcual Dios quixye: —Raylal ta̱cha̱lk saꞌ xbe̱neb li nequeꞌtaklan saꞌ xbe̱neb laj Judá xban nak xjuneseb nequeꞌxcꞌu̱b ru cꞌaꞌru teꞌxba̱nu ut incꞌaꞌ nequeꞌxpatzꞌ xnaꞌlebeb cue la̱in. Joꞌcan nak yo̱ chi numta̱c lix ma̱queb.

Isaías 27:10

Li tenamit li kꞌaxal cau rib nak quicuan quitzꞌekta̱na̱c. Ma̱cꞌaꞌ chic cuan chi saꞌ. Chanchan li chaki chꞌochꞌ. Aran nequeꞌcuaꞌac li cuacax saꞌ li pachꞌayaꞌ ut aran ajcuiꞌ nequeꞌhilan.

Isaías 18:5

Nak tojeꞌ xtꞌaneꞌ li ratzꞌum li uvas ut toj yo̱queb chi kꞌanocꞌ li ru nak toj ma̱jiꞌ nequeꞌxsicꞌ li ru, ta̱cha̱lk junak ut tixyoqꞌui li rukꞌ li uvas. Joꞌcan ajcuiꞌ ta̱uxk e̱re la̱ex aj Etiopía. Eb li xicꞌ nequeꞌiloc e̱re teꞌcha̱lk ut teꞌxsach e̱ru.

Isaías 9:14

Li Ka̱cuaꞌ tixqꞌueheb chixtojbal xma̱queb laj Israel, eb laj cꞌamol be joꞌ eb ajcuiꞌ li tenamit. Chanchan nak ta̱risi xjolom ut xye junak li xul malaj ut chanchan nak tixsach li palmera joꞌ nak tixsach li pim. Chixjunil aꞌin tixba̱nu chiru jun cutan.

Salmos 106:43

Li Ka̱cuaꞌ nabal sut quixcoleb lix tenamit. Abanan eb aꞌan queꞌxkꞌetkꞌeti ribeb chiru. Aꞌ ajcuiꞌ li ma̱usilal li queꞌxba̱nu, aꞌan ajcuiꞌ li quisachoc reheb.

Salmos 106:39

Queꞌxmux ajcuiꞌ ribeb aꞌan xban li ma̱usilal queꞌxba̱nu. Chanchan queꞌcoꞌbe̱tac queꞌyumbe̱tac xban nak queꞌxtzꞌekta̱na li tzꞌakal Dios ut queꞌxlokꞌoni li yi̱banbil dios.

Deuteronomio 32:25

Telajeꞌcamsi̱k riqꞌuin chꞌi̱chꞌ li cuanqueb saꞌ be. Ut cꞌajoꞌ nak teꞌxucuak saꞌ li rochocheb. Telajeꞌca̱mk li sa̱jeb, joꞌ chꞌajom, joꞌ xkaꞌal. Telajeꞌca̱mk li cꞌulaꞌal ut li ac ti̱xeb.

Deuteronomio 28:52

Teꞌpletik riqꞌuin chixjunileb li tenamit li cuanqueb saꞌ li naꞌajej li tixqꞌue e̱re li Ka̱cuaꞌ le̱ Dios. Ut eb li tzꞌac li najt xteram li cꞌojcꞌo̱k cuiꞌ le̱ chꞌo̱l telajeꞌtꞌanekꞌ chixjunileb.

Levítico 26:33

La̱in tinjeqꞌui e̱ru saꞌ xya̱nkeb li xni̱nkal ru tenamit. Ut tebinqꞌue li xicꞌ nequeꞌiloc e̱re che̱ra̱linanquil riqꞌuin chꞌi̱chꞌ. Tinsach ru le̱ naꞌaj ut juqꞌuinbilakeb chic le̱ tenamit.

Levítico 26:31

La̱in tinjuqꞌuiheb le̱ tenamit ut tinsacheb chi junaj cua eb li naꞌajej li nequexlokꞌonin cuiꞌ. Ut incꞌaꞌ chic tincꞌul le̱ sununquil ban li nequecꞌat chicuu.

Jeremías 50:35

Li Ka̱cuaꞌ naxye: —Eb laj Babilonia teꞌcamsi̱k saꞌ li ple̱t. Teꞌcamsi̱k chixjunileb li tenamit li cuanqueb Babilonia joꞌ eb ajcuiꞌ li nequeꞌtaklan ut eb li cuanqueb xnaꞌleb.

Lamentaciones 2:9

Eb li oqueba̱l re li tenamit tꞌanenakeb chic saꞌ chꞌochꞌ. Jorbil chic li ni̱nki cheꞌ li queꞌtzꞌapoc re li oqueba̱l. Li rey joꞌqueb ajcuiꞌ li queꞌtenkꞌan re queꞌchapeꞌ ut queꞌcꞌameꞌ chi najt saꞌ jalan tenamit. Ma̱cꞌaꞌ chic xchakꞌrab li Dios. Ut li Ka̱cuaꞌ incꞌaꞌ chic naxcꞌutbesi li visión chiruheb li profeta.

Oseas 4:16

La̱ex laj Israel, kꞌaxal cau e̱chꞌo̱l. Chanchanex li joskꞌ aj cuacax. ¿Chan ta cuiꞌ ru nak texinberesi saꞌ cha̱bilal joꞌ nak naxberesi lix carner li cha̱bil pastor?

Oseas 4:17

Eb li ralal xcꞌajol laj Efraín xeꞌxkꞌaxtesi ribeb chixlokꞌoninquil li yi̱banbil dios. Cheꞌcanaba̱k chixba̱nunquil li cꞌaꞌru nequeꞌraj.

Amós 6:8

Li Ka̱cuaꞌ Dios quixba̱nu li juramento saꞌ xcꞌabaꞌ ajcuiꞌ aꞌan ut quixye: —La̱in li Ka̱cuaꞌ li nimajcual Dios. Xicꞌ nequeꞌcuil li ralal xcꞌajol laj Jacob xban nak nequeꞌxnimobresi ribeb. Nintzꞌekta̱naheb lix ni̱nkal ru cab. Joꞌcan nak tincanabeb li xicꞌ nequeꞌiloc reheb chi numta̱c saꞌ xbe̱neb lix tenamiteb laj Israel jun xiquic chixjunil li cꞌaꞌru cuan reheb.

Levítico 26:25

La̱in tintaklaheb li xicꞌ nequeꞌiloc e̱re chi pletic e̱riqꞌuin re xtojbal rix le̱ ma̱c nak xekꞌet lin contrato. Nak texxic saꞌ eb li tenamit chixcolbal e̱rib, la̱in tintakla li rax ca̱mc saꞌ e̱be̱n ut la̱ex te̱kꞌaxtesi e̱rib saꞌ rukꞌeb li xicꞌ nequeꞌiloc e̱re.