Oseas 11:4 - Li Santil hu

⁴ Saꞌ kꞌunil ut riqꞌuin rahoc xebincꞌam cuiqꞌuin. Saꞌ cha̱bilal xebinberesi. La̱in xcuisi li i̱k saꞌ xbe̱neb ut xebinqꞌue chi cuaꞌac saꞌ xya̱lal.

Q'eqchi Bible

⁴ Rik'in rahok ut q'unil ch'oolejil kink'ameb' chaq wik'in, chanchanin li naxmutzu li xk'uula'al. Kink'utzub' wib' re xk'eeb'al xwaheb',

Oseas 11:4 ပူးပေါင်းရင်းမြစ်များ

San Juan 12:32

Ut nak tinqꞌuehekꞌ la̱in chiru cruz, nabaleb teꞌpa̱ba̱nk cue, chan.

Levítico 26:13

La̱in li Ka̱cuaꞌ le̱ Dios. La̱in quin-isin chak e̱re Egipto re nak incꞌaꞌ chic texcua̱nk chokꞌ rahobtesinbil mo̱s. Chanchan nak cuan li yugo saꞌ e̱cux nak quexcuan rubel xcuanquileb. Abanan la̱in quexcuisi rubel xcuanquileb. Anakcuan naru te̱taksi le̱ riloba̱l nak texbe̱k.

2 Corintios 5:14

Xban nak kꞌaxal nocoxra li Cristo, joꞌcan nak nakaqꞌue kachꞌo̱l chi cꞌanjelac chiru. Nakanau chi tzꞌakal nak li Cristo quicam saꞌ kacꞌabaꞌ la̱o chikajunilo. Ut xban nak quicam aꞌan, chikajunilo camenako chic chiru li ma̱c.

Oseas 2:8

Li ixk aꞌan incꞌaꞌ quixqꞌue retal nak la̱in xinqꞌuehoc re lix trigo, ut lix vino ut lix aceite olivo. Ut la̱in xinqꞌuehoc re chi nabal lix oro ut lix plata li quixmayeja chiru laj Baal.

Isaías 63:9

Quiyotꞌeꞌ xchꞌo̱l li Ka̱cuaꞌ xban li raylal li yo̱queb chixcꞌulbal eb laj Israel. Ut lix takl, aꞌan li quicoloc reheb. Xban nak li Dios naxraheb ut naruxta̱na ruheb, joꞌcan nak quixcoleb. Ut aꞌan qui-iloc chak reheb chalen chak najter.

Cantares 1:4

China̱cꞌam cha̱cuix chi junpa̱t. La̱atak lin rey. China̱cꞌam saꞌ la̱ cuochoch. Chisahokꞌ taxak kachꞌo̱l saꞌ cuibal. Nacuaj nak tina̱ra. Aꞌan li kꞌaxal lokꞌ chiru li vino. Xban nak kꞌaxal nim la̱ rahom, joꞌcan nak cateꞌxra li tukꞌ ixk.

Salmos 105:40

Nak queꞌxtzꞌa̱ma xcuaheb, li Dios quixtaklaheb laj to̱nkꞌ re ta̱cua̱nk xtibeb ut quixtakla ajcuiꞌ li choxahil cua re teꞌcuaꞌak.

2 Samuel 7:14

La̱inak lix yucuaꞌ ut aꞌanak li cualal. Nak tixba̱nu li incꞌaꞌ us, la̱in tinkꞌusuk re, ut tinqꞌue chixtojbal xma̱c, joꞌ nak naxkꞌus ut naxqꞌue chi tzꞌu̱m li ralal junak yucuaꞌbej.

Éxodo 16:32

Laj Moisés quixye reheb. —Aꞌin li quixye li Ka̱cuaꞌ Dios. Te̱xoc jun chꞌina chacachak li maná re xcꞌutbal chiruheb le̱ ralal e̱cꞌajol chanru li tzacae̱mk li quixqꞌue chak e̱re nak cuanquex chak saꞌ li chaki chꞌochꞌ re nak le̱ ralal e̱cꞌajol teꞌril chanru li tzacae̱mk quetzaca chak nak quexcuisi chak saꞌ li tenamit Egipto, chan li Dios e̱re.

Deuteronomio 32:12

Li Ka̱cuaꞌ, aꞌan li quicꞌamoc be che̱ru. Ma̱cuaꞌ junak jalanil dios li quitenkꞌan e̱re.

Deuteronomio 32:14

Quixqꞌue le̱ cuacax re ta̱cua̱nk le̱ leche ut le̱ queso. Quixqꞌue le̱ cha̱bil carner ut chiba̱t li cuanqueb Basán re nak ta̱cua̱nk le̱ tib. Ut quixqꞌue ajcuiꞌ li cha̱bil trigo. Ut querucꞌ li xyaꞌal li uvas li chanchan quicꞌ xban xcakal.