Oseas 11:11 - Li Santil hu

¹¹ Chanchanakeb laj xicꞌanel xul nak teꞌcha̱lk cuiqꞌuin saꞌ junpa̱t joꞌ nak queꞌel chak Egipto. Ut chanchanakeb li mucuy nak teꞌe̱lk chak Asiria. Ut la̱in tebinqꞌue cuiꞌchic chi cua̱nc saꞌ lix naꞌajeb, chan li Ka̱cuaꞌ.

Q'eqchi Bible

¹¹ “Jo'eb' li kok' xul naq te'chalq chaq Ejiipt, jo'eb' li mukuy naq te'elq chaq Asiria. Ut laa'in teb'ink'e chi hilank sa' li rochocheb'”, chan li Qaawa' Yos.

Oseas 11:11 ပူးပေါင်းရင်းမြစ်များ

Isaías 11:11

Saꞌ eb li cutan aꞌan li Ka̱cuaꞌ riqꞌuin xcuanquil tixcol cuiꞌchic eb laj Israel li joꞌ qꞌuialeb li incꞌaꞌ queꞌsacheꞌ ruheb. Tixcꞌameb cuiꞌchic Israel eb li cuanqueb Asiria, ut eb li cuanqueb Egipto, Patros, Etiopía, Elam, Sinar, ut Hamat, joꞌ eb ajcuiꞌ li cuanqueb saꞌ eb li tenamit li cuanqueb chire li palau.

Isaías 60:8

¿Aniheb li yo̱queb chi xic saꞌ junpa̱t Jerusalén li chanchan chok? Chanchaneb li mucuy li yo̱queb chi xic saꞌ eb lix soc.

Zacarías 10:10

Tincuisiheb chak saꞌ li tenamit Egipto joꞌ ajcuiꞌ saꞌ li tenamit Asiria ut tebincꞌam saꞌ lix tenamiteb Galaad ut Líbano. Aran teꞌcua̱nk ut incꞌaꞌ chic ta̱tzꞌaklok li naꞌajej re teꞌcua̱nk xban nak kꞌaxal nabalakeb.

Oseas 7:11

Eb li ralal xcꞌajol laj Efraín chanchaneb li mucuy ma̱cꞌaꞌ xnaꞌleb. Incꞌaꞌ naxnau cꞌoxlac. Xbe̱n cua nequeꞌxpatzꞌ xtenkꞌanquil riqꞌuineb laj Egipto ut nequeꞌxpatzꞌ ajcuiꞌ riqꞌuineb laj Asiria.

Abdías 1:17

Abanan eb li cuanqueb saꞌ li tzu̱l Sión teꞌcolekꞌ. Ut teꞌsantobresi̱k. Ut eb li ralal xcꞌajol laj Jacob teꞌre̱chani cuiꞌchic lix naꞌajeb.

Oseas 3:5

Abanan ta̱cuulak xkꞌehil nak eb laj Israel teꞌsukꞌi̱k cuiꞌchic riqꞌuin li Ka̱cuaꞌ lix Dioseb ut teꞌxsicꞌ junak reheb li ralal xcꞌajol laj David chokꞌ xreyeb. Ut saꞌ rosoꞌjiqueb li cutan, teꞌxxucua ru li Ka̱cuaꞌ ut teꞌxcꞌu̱luban cuiꞌchic li usilal li tixba̱nu reheb.

Ezequiel 37:25

Teꞌcua̱nk saꞌ li chꞌochꞌ li quinqꞌue re laj Jacob laj cꞌanjel chicuu, li queꞌcuan cuiꞌ lix xeꞌto̱nil yucuaꞌeb. Eb aꞌan ut chixjunileb li ralal xcꞌajol li teꞌcua̱nk mokon teꞌcua̱nk saꞌ li naꞌajej aꞌan chi junelic. Ut li rey David ta̱takla̱nk saꞌ xbe̱neb chi junelic.

Ezequiel 37:21

Ut ta̱ye reheb nak la̱in li nimajcual Dios tincuisiheb chak chixjunileb laj Israel saꞌ eb li jalan tenamit li cuanqueb cuiꞌ chak. Tinchꞌutubeb ut tincꞌameb cuiꞌchic saꞌ lix tenamiteb.

Jeremías 31:12

Japjo̱keb re xban xsahil xchꞌo̱leb nak yo̱keb chi cha̱lc saꞌ li tzu̱l Sión. Teꞌsahokꞌ saꞌ xchꞌo̱leb xban li usilal tinba̱nu reheb. La̱in li Ka̱cuaꞌ. Tinqꞌueheb lix trigo, li acꞌ vino ut li aceite, joꞌ eb ajcuiꞌ lix carner, ut eb lix queto̱mk. Kꞌaxal us cua̱nkeb. Chanchanakeb li acui̱mk li natꞌakresi̱c chi us. Ma̱cꞌaꞌak chic rahil chꞌo̱lej.

Ezequiel 34:27

Eb li cheꞌ teꞌu̱chi̱nk ut li acui̱mk saꞌ li cꞌaleba̱l ta̱u̱chi̱nk. Ut chixjunileb teꞌcua̱nk saꞌ xnaꞌajeb chi ma̱cꞌaꞌ ta̱chꞌiꞌchꞌiꞌi̱nk reheb. La̱in tincoleb saꞌ rukꞌeb li queꞌnumta saꞌ xbe̱neb ut queꞌrahobtesin reheb. Ut riqꞌuin aꞌan teꞌxqꞌue retal nak la̱in li Ka̱cuaꞌ.

Ezequiel 34:28

Li xni̱nkal ru tenamit li incꞌaꞌ nequeꞌxpa̱b li Dios incꞌaꞌ chic teꞌxmakꞌ chiruheb li cꞌaꞌru reheb, chi moco li joskꞌ aj xul teꞌxcamsiheb chokꞌ xtibeb. Teꞌcua̱nk ban chi saheb saꞌ xchꞌo̱l ut ma̱cꞌaꞌ ta̱seꞌbesi̱nk reheb.

Zacarías 8:7

La̱in tincoleb lin tenamit chiruheb li tenamit li cuanqueb saꞌ eb li naꞌajej bar na-el cuiꞌ chak li sakꞌe ut chiruheb li cuanqueb saꞌ li naꞌajej bar na-oc cuiꞌ li sakꞌe.

Zacarías 8:8

Tebincꞌam cuiꞌchic saꞌ lix naꞌajeb Jerusalén ut aran chic teꞌcua̱nk. Aꞌanakeb lin tenamit ut la̱inak lix Dioseb. La̱in tintakla̱nk saꞌ xbe̱neb saꞌ ti̱quilal ut saꞌ xya̱lal, chan.