Oseas 10:7 - Li Santil hu

⁷ Lix reyeb laj Samaria ta̱osokꞌ joꞌ nak na-osoꞌ li cuokx saꞌ xbe̱n li haꞌ.

Q'eqchi Bible

⁷ Xsache'k ru Samaria, ut li x'awab'ejeb' chanchan li xwoqx li xab'on sa' xb'een li ha'.

Oseas 10:7 ပူးပေါင်းရင်းမြစ်များ

Oseas 10:3

Anakcuan ma̱cꞌaꞌ karey, chanqueb li tenamit, xban nak incꞌaꞌ xkaxucua ru li Ka̱cuaꞌ. Ut ¿cꞌaꞌ ta cuiꞌ ru tixba̱nu li rey kiqꞌuin? chanqueb.

San Judas 1:13

Nak na-el chak xcuokx li palau xban xcacuil rok li haꞌ, nalemeb rib chire li haꞌ lix tzꞌajnil li haꞌ. Joꞌcan ajcuiꞌ lix xuta̱neb laj balakꞌ xban li ma̱usilal li nequeꞌxba̱nu. Chanchaneb li chahim li yal naxbeni rib yalak bar chiru choxa. Eb li cui̱nk aꞌin ac xakabanbileb chi xic chi junaj cua toj saꞌ xchamal ut xkꞌojyi̱nal li tojba ma̱c.

Oseas 13:11

Usta yo̱ injoskꞌil, abanan xinqꞌue le̱ rey li xetzꞌa̱ma. Ut anakcuan xban injoskꞌil, tincuisi cuiꞌchic le̱ rey che̱ru.

Oseas 10:15

Joꞌcan ajcuiꞌ te̱cꞌul la̱ex aj Israel li cuanquex Bet-el xban xqꞌuial le̱ ma̱usilal. Saꞌ li ekꞌela nak ta̱ticla̱k li ple̱t, aꞌan ajcuiꞌ li ho̱nal nak ta̱camsi̱k le̱ rey.

2 Reyes 17:4

Saꞌ jun li cutan laj Salmanasar lix reyeb laj Asiria quixqꞌue retal nak laj Oseas yo̱ chixbalakꞌinquil xban nak naxtaklaheb lix takl riqꞌuin laj So lix reyeb laj Egipto ut incꞌaꞌ chic naxtakla lix toj rajlal chihab joꞌ naxba̱nu. Joꞌcan nak lix reyeb laj Asiria quixtakla xchapbal laj Oseas ut quixqꞌue saꞌ tzꞌalam.

2 Reyes 15:30

Nak yo̱ junmay chihab roquic chokꞌ xreyeb laj Judá laj Jotam li ralal laj Uzías, laj Oseas li ralal laj Ela quixcꞌu̱b ru chanru nak tixcamsi laj Peka li ralal laj Remalías. Nak quixcamsi qui-oc chokꞌ xreyeb laj Israel chokꞌ re̱kaj.

2 Reyes 1:3

Abanan jun x-ángel li Dios quia̱tinac riqꞌuin li profeta Elías, Tisbe xtenamit, ut quixye re: —Ayu chixcꞌulbaleb lix takl li rey ut ta̱ye reheb chi joꞌcaꞌin, “¿Cꞌaꞌut nak texxic chi patzꞌoc riqꞌuin laj Baal-zebub lix dioseb laj Ecrón? ¿Ma ma̱cꞌaꞌ ta biꞌ li Dios arin Israel?”

1 Reyes 21:1

Aran Samaria cuan jun li cui̱nk aj Nabot xcꞌabaꞌ. Jezreel xtenamit. Li cui̱nk aꞌan cuan jun xsir li racui̱mk uvas nachꞌ riqꞌuin lix palacio laj Acab, lix reyeb laj Samaria.

Oseas 10:8

Li rochoch lix dioseb li cuanqueb saꞌ xbe̱neb li tzu̱l bar queꞌma̱cob cuiꞌ laj Israel, telajeꞌsachekꞌ ru. Ta̱qꞌui̱k li pim ut li qꞌuix saꞌ xbe̱neb lix artal. Ut eb li tenamit teꞌoc chixyebal reheb li tzu̱l: Xextꞌaneꞌ taxak saꞌ kabe̱n. Xoe̱muk taxak, chaꞌkeb.