Oseas 10:5 - Li Santil hu

⁵ Eb laj Samaria teꞌxucuak ut teꞌya̱bak xban xrahil xchꞌo̱leb nak ta̱sachekꞌ li cuacax oro li cuan Bet-avén. Teꞌya̱bak ajcuiꞌ laj tij li nequeꞌxqꞌue xchꞌo̱l chi cꞌanjelac chiru. Cau teꞌya̱bak nak ta̱sachekꞌ xlokꞌal lix dioseb.

Q'eqchi Bible

⁵ Eb' laj Samaria neke'siksotk ut neke'yaab'ak xb'aan naq xsache'k li wakax oor re Bet-Abén. Neke'huyhutk chi yaab'ak eb' li tenamit rochb'eeneb' laj tij, xb'aan naq xsache'k xloq'al li xyoseb'.

Oseas 10:5 ပူးပေါင်းရင်းမြစ်များ

Oseas 9:11

Joꞌ nak naxicꞌan li xul chiru choxa, joꞌcan nak ta̱sachekꞌ lix lokꞌaleb li ralal xcꞌajol laj Efraín. Incꞌaꞌ chic teꞌcua̱nk ralal xcꞌajol. Eb li rixakil incꞌaꞌ chic teꞌqꞌuiresi̱nk chi moco teꞌcana̱k chic chi yaj aj ixk.

Oseas 5:8

Cheya̱basihak li trompeta aran Gabaa. Cheya̱basihak aran Ramá. Cheyehak resil aran Bet-avén xban nak ticla̱c re li ple̱t. Cheqꞌuehak retal ut texxucuak la̱ex li ralal xcꞌajol laj Benjamín.

Oseas 4:15

Usta niquine̱tzꞌekta̱na la̱ex aj Israel, aban incꞌaꞌ taxak tineꞌxtzꞌekta̱na eb laj Judá. Mexxic aran Gilgal chi lokꞌoni̱nc, chi moco texxic Bet-avén, chi moco te̱ba̱nu li juramento saꞌ incꞌabaꞌ la̱in li yoꞌyo̱quil Dios.

2 Reyes 23:5

Quirisiheb laj tij li queꞌcꞌanjelac chiruheb li jalanil dios, li queꞌxakaba̱c xbaneb li rey junxil chixcꞌatbal li incienso saꞌ eb li naꞌajej li najt xteram li cuanqueb Judá ut Jerusalén. Ut quirisiheb ajcuiꞌ li queꞌcꞌatoc incienso re xlokꞌoninquileb laj Baal, li sakꞌe ut li po joꞌ eb ajcuiꞌ li chahim.

Oseas 13:2

Ut chalen ajcuiꞌ anakcuan kꞌaxal cuiꞌchic yo̱queb chi ma̱cobc. Nequeꞌxyi̱b lix dioseb riqꞌuin plata re teꞌxlokꞌoni. Riqꞌuin rukꞌeb nequeꞌxyi̱b xdioseb chi chꞌinaꞌus aꞌ yal chanru nequeꞌxnau xba̱nunquil. Ut nequeꞌxye chi ribileb rib: —Chomayejak chiruheb li kadios. Takutzꞌ ru li kadios cuacax, chanqueb.

Hechos 19:27

Ma̱re anchal ta̱sachk li kacꞌanjel xban aꞌan. Ut ma̱re anchal ta̱tzꞌekta̱na̱k ajcuiꞌ xlokꞌal li rochoch lix Diana li kalokꞌlaj dios. Ma̱re ta̱sachk lix cuanquilal li kadios li nequeꞌxlokꞌoni chixjunileb aran Asia, joꞌ ajcuiꞌ li cuanqueb saꞌ chixjunil li ruchichꞌochꞌ, chan laj Demetrio.

Sofonías 1:4

Ut quixye ajcuiꞌ li Ka̱cuaꞌ: —Tinrakok a̱tin saꞌ xbe̱neb laj Judá joꞌqueb ajcuiꞌ li cuanqueb aran Jerusalén. Tinsacheb ru chi junaj cua laj Baal lix dioseb, joꞌqueb ajcuiꞌ chixjunileb laj tij li nequeꞌcꞌanjelac chiru ut chixjunileb li nequeꞌlokꞌonin re.

2 Crónicas 11:15

Laj Jeroboam quixxakab jalaneb cui̱nk re teꞌcꞌanjelak chokꞌ aj tij chiru lix dioseb li cuanqueb saꞌ eb li naꞌajej li najt xteram re teꞌxlokꞌoni cuiꞌ li ma̱us ut eb li cuacax li quixyi̱b.

2 Reyes 17:16

Queꞌxtzꞌekta̱na chixjunil li chakꞌrab li quiqꞌueheꞌ reheb xban li Ka̱cuaꞌ lix Dioseb. Ut queꞌxyi̱b riqꞌuin li chꞌi̱chꞌ cuib xjalam u̱ch li cuacax ut queꞌxlokꞌoni. Queꞌxyi̱b lix jalam u̱ch lix Asera lix dioseb. Ut queꞌxlokꞌoni ajcuiꞌ laj Baal ut eb li chahim, li sakꞌe ut li po.

2 Reyes 10:29

Usta quixba̱nu aꞌin laj Jehú, abanan incꞌaꞌ quixcanab xba̱nunquil li ma̱usilal li quixba̱nu li rey Jeroboam, li ralal laj Nabat, li quicꞌamoc xbeheb laj Israel chi ma̱cobc. Laj Jehú incꞌaꞌ quirisiheb li cuacax oro, li queꞌxlokꞌoni aran Bet-el ut Dan.

Jueces 18:24

Laj Micaía quixye reheb: —¿Ma incꞌaꞌ ta biꞌ xecꞌam lin dios li xinyi̱b la̱in? ¿Ma incꞌaꞌ ta biꞌ xecꞌam che̱rix laj tij li yo̱ chi cꞌanjelac chicuu? ¿Cꞌaꞌut nak nequepatzꞌ cue cꞌaꞌru nincꞌul? chan.

Josué 7:2

Mokon chic laj Josué quixtakla cuib oxibeb li cui̱nk saꞌ li tenamit Hai, li cuan nachꞌ riqꞌuin li naꞌajej Bet-avén li cuan saꞌ li este riqꞌuin li tenamit Bet-el. Quixye reheb li cui̱nk: —Ayukex ut qꞌuehomak chak retal li tenamit Hai.— Ut eb aꞌan queꞌco̱eb ut queꞌxqꞌue retal li tenamit.

2 Crónicas 13:8

Ut anakcuan la̱ex te̱raj pletic riqꞌuineb li ralal xcꞌajol laj David li sicꞌbileb ru xban li Dios re texcua̱nk saꞌ li cuanquilal. La̱ex nabalex ut cuan chak e̱riqꞌuin li cuacax oro li quixyi̱b chokꞌ e̱dios laj Jeroboam.

Isaías 46:2

Queꞌcubsi̱c xcuanquileb ut queꞌsacheꞌ ruheb li yi̱banbil dios ut queꞌcꞌameꞌ saꞌ jalan tenamit rochbeneb li bu̱r. Incꞌaꞌ queꞌru xcolbaleb rib.

Oseas 9:1

Quixye laj Oseas: —Anakcuan incꞌaꞌ chic ta̱sahokꞌ saꞌ e̱chꞌo̱l la̱ex aj Israel joꞌ nak nasahoꞌ saꞌ xchꞌo̱leb li tenamit li incꞌaꞌ nequeꞌpa̱ban. Xesicꞌ jalan le̱ dios chiru li Ka̱cuaꞌ. La̱ex xecꞌoxla nak le̱ dios li xesicꞌ, aꞌan xqꞌuehoc re chi u̱chi̱nc le̱ racui̱mk.

Amós 3:14

Nak ta̱cuulak xkꞌehil la̱in tebinqꞌue laj Israel chixtojbal rix lix ma̱queb. Ut tinsacheb ajcuiꞌ lix artal aran Bet-el. Tinjor lix xucub li cuanqueb saꞌ li artal ut teꞌtꞌanekꞌ chi chꞌochꞌ.