Oseas 10:15 - Li Santil hu

¹⁵ Joꞌcan ajcuiꞌ te̱cꞌul la̱ex aj Israel li cuanquex Bet-el xban xqꞌuial le̱ ma̱usilal. Saꞌ li ekꞌela nak ta̱ticla̱k li ple̱t, aꞌan ajcuiꞌ li ho̱nal nak ta̱camsi̱k le̱ rey.

Q'eqchi Bible

¹⁵ A'an ajwi' teek'ul laa'ex li wankex Betel xb'aan leek'iila maa'usilal. Li awab'ej re Israel taakamq sa' xtiklajik li kutan”.

Oseas 10:15 ပူးပေါင်းရင်းမြစ်များ

Oseas 10:5

Eb laj Samaria teꞌxucuak ut teꞌya̱bak xban xrahil xchꞌo̱leb nak ta̱sachekꞌ li cuacax oro li cuan Bet-avén. Teꞌya̱bak ajcuiꞌ laj tij li nequeꞌxqꞌue xchꞌo̱l chi cꞌanjelac chiru. Cau teꞌya̱bak nak ta̱sachekꞌ xlokꞌal lix dioseb.

Oseas 10:7

Lix reyeb laj Samaria ta̱osokꞌ joꞌ nak na-osoꞌ li cuokx saꞌ xbe̱n li haꞌ.

Romanos 7:13

¿Ma ta̱ru̱k tinye nak li cha̱bil chakꞌrab quicꞌamoc chak li ca̱mc saꞌ inbe̱n? Incꞌaꞌ. Incꞌaꞌ naru tinye chi joꞌcan xban nak ma̱cuaꞌ li chakꞌrab quicꞌamoc chak re li ca̱mc. Aban li ma̱c quicꞌamoc chak re li ca̱mc saꞌ inbe̱n. Li chakꞌrab quixcꞌut chicuu lix yibal ru li ma̱c. Joꞌcan nak li cha̱bil quixcꞌut chicuu li incꞌaꞌ us. Ut li incꞌaꞌ us aꞌan li ma̱c.

Oseas 10:3

Anakcuan ma̱cꞌaꞌ karey, chanqueb li tenamit, xban nak incꞌaꞌ xkaxucua ru li Ka̱cuaꞌ. Ut ¿cꞌaꞌ ta cuiꞌ ru tixba̱nu li rey kiqꞌuin? chanqueb.

Isaías 16:14

Abanan anakcuan li Ka̱cuaꞌ xye: —Eb laj Moab oxib chihab aj chic teꞌcua̱nk. Bisbil aj chic lix cutaneb joꞌ nak nabiseꞌ rix lix cutan junak li mo̱s. Ta̱isi̱k xcuanquileb laj Moab. Usta kꞌaxal nabaleb, abanan moco nabaleb ta chic li teꞌcolekꞌ ut moco cauhak ta chic ribeb.—

Oseas 10:14

Ta̱cha̱lk li ple̱t saꞌ e̱be̱n ut chixjunileb li xni̱nkal ru cab li nequecol cuiꞌ e̱rib talajeꞌsachekꞌ. Te̱cꞌul joꞌ quicꞌulman saꞌ eb li cutan nak li rey Salmán quixsach li tenamit Bet-arbel nak quicuan li ple̱t ut eb li naꞌbej joꞌqueb ajcuiꞌ lix cocꞌaleb quilajeꞌcamsi̱c.

Oseas 11:1

Nak toj sa̱jeb chak li ralal xcꞌajol laj Israel, la̱in quinraheb. Ut nak cuanqueb chak Egipto, quinbokeb li cualal incꞌajol.