Oseas 10:12 - Li Santil hu

¹² La̱in xinye e̱re: —Li cꞌaꞌru te̱rau, aꞌan ajcuiꞌ li te̱kꞌol. Sicꞌomak li ti̱quilal ut texcuosobtesi xban nak niquine̱lokꞌoni. Chanchan nak te̱trabaji li chꞌochꞌ ut tex-a̱uk ut cha̱bil li cꞌaꞌru te̱kꞌol. Anakcuan xcuulac xkꞌehil nak texsukꞌi̱k cuiqꞌuin, ut la̱in texincꞌul cuiꞌchic ut tinqꞌue xti̱quilal e̱chꞌo̱l.

Q'eqchi Bible

¹² Inyehom eere: «Wi teeraw li tiikilal, teeq'ol li chaab'ilal usilal. Chapomaq li ch'och' re li awk ut k'alenqex. Ak xq'ehil anaqwan xsik'b'al li Qaawa', re naq A'an taachalq eerik'in chekolb'al jo' naq nachalk li loq'laj hab'».

Oseas 10:12 ပူးပေါင်းရင်းမြစ်များ

Santiago 3:18

Li qꞌuebileb xnaꞌleb xban li Dios cuanqueb saꞌ usilal ut nequeꞌxtenkꞌa ajcuiꞌ li ras ri̱tzꞌin chi cua̱nc saꞌ usilal.

Isaías 45:8

Ta̱cua̱nk li ti̱quilal yalak bar. Chanchan nak nachal li hab saꞌ choxa. Ut ta̱cua̱nk li colba-ib. Chanchan nak na-el li acui̱mk saꞌ chꞌochꞌ. Ta̱cua̱nk li ti̱quilal xban nak la̱in li Ka̱cuaꞌ quinyehoc re.—

Proverbios 11:18

Li ma̱tan li nequeꞌxcꞌul li incꞌaꞌ useb xnaꞌleb nalaj na-osoꞌ. Abanan li ma̱tan li nequeꞌxcꞌul li cuanqueb saꞌ ti̱quilal, aꞌan ma̱cꞌaꞌ rosoꞌjic.

Isaías 55:6

Sicꞌomak li Ka̱cuaꞌ nak toj naru xtaubal. Cheya̱ba lix cꞌabaꞌ nak toj naru texrabi.

Oseas 6:3

Chikanauhak biꞌ ru li Ka̱cuaꞌ. Chikaqꞌuehak kachꞌo̱l chixnaubal ru chi tzꞌakal. Chꞌolchꞌo nak ta̱cꞌulu̱nk li Ka̱cuaꞌ. Ta̱cꞌulu̱nk joꞌ nak nachal li cutan rajlal. Ta̱cꞌulu̱nk joꞌ nak nachal li hab re xtꞌakresinquil li chꞌochꞌ saꞌ xkꞌehil li a̱uc ut nachal ajcuiꞌ mokon re xtꞌakresinquil li acui̱mk.—

Isaías 44:3

La̱in tinqꞌue li haꞌ saꞌ li chaki chꞌochꞌ ut tinqꞌueheb li nimaꞌ. Tinqꞌue lin musikꞌ reheb le̱ ralal e̱cꞌajol ut tincuosobtesiheb.

Eclesiastés 11:6

Nak tat-a̱uk, ta̱cuau la̱ cuiyaj ekꞌela ut ta̱cuau cuiꞌchic ecuu xban nak incꞌaꞌ nacanau bar cuan li ta̱e̱lk chi us, ma li ta̱cuau xbe̱n cua, malaj ut li ta̱cuau mokon, malaj ut juntakꞌe̱t ta̱e̱lk.

Salmos 105:4

Chetzꞌa̱ma̱k e̱tenkꞌanquil riqꞌuin li Ka̱cuaꞌ. Junelic riqꞌuin aꞌan te̱tzꞌa̱ma e̱tenkꞌanquil.

San Lucas 13:24

Li Jesús quichakꞌoc ut quixye: —Joꞌcan nak qꞌuehomak e̱chꞌo̱l chi oc saꞌ li oqueba̱l li caꞌchꞌin ru. Nabaleb raj li teꞌraj oc, abanan incꞌaꞌ teꞌru̱k chi oc.

Amós 5:15

Chetzꞌekta̱na li ma̱usilal ut chera li ti̱quilal. Ut qꞌuehomak e̱chꞌo̱l chi rakoc a̱tin saꞌ xya̱lal. Ma̱re chi joꞌcan li Ka̱cuaꞌ, li nimajcual Dios ta̱ruxta̱na e̱ru la̱ex laj Israel, li joꞌ qꞌuialex chic texcolekꞌ.

Amós 5:6

—Sicꞌomakin ban la̱in, chan li Ka̱cuaꞌ, ut ta̱cua̱nk le̱ yuꞌam chi tzꞌakal, xban nak cui incꞌaꞌ tine̱sicꞌ, tinrakok a̱tin saꞌ e̱be̱n. Chanchan xam tintakla chak nak tinrakok a̱tin saꞌ e̱be̱n la̱ex laj Israel. Chixjunileb teꞌcꞌatekꞌ xban li xam ut ma̱ ani junak saꞌ xya̱nkeb laj Bet-el ta̱ru̱k ta̱chupuk re li xam, chan li Dios.

Isaías 31:1

Raylal ta̱cha̱lk saꞌ xbe̱neb li nequeꞌxic Egipto chixsicꞌbal xtenkꞌanquileb ut nequeꞌxcꞌojob lix chꞌo̱leb saꞌ xbe̱neb li cacua̱y. Nequeꞌxcacuubresi lix chꞌo̱leb xban nak nabaleb lix carruaje ut kꞌaxal cauheb rib li nequeꞌxic chirix cacua̱y. Abanan incꞌaꞌ nequeꞌxsicꞌ li Dios Santo, lix Dioseb laj Israel, chi moco nequeꞌxtzꞌa̱ma xtenkꞌanquil riqꞌuin.

Amós 5:4

Ut quixye ajcuiꞌ li Ka̱cuaꞌ reheb laj Israel: —Sicꞌomakin la̱in ut ta̱cua̱nk e̱yuꞌam chi tzꞌakal.

Oseas 12:6

Joꞌcan nak la̱ex ralal xcꞌajol laj Jacob, chexsukꞌi̱k riqꞌuin li Ka̱cuaꞌ. Chexcua̱nk saꞌ ti̱quilal ut chex-uxta̱na̱nk u. Ut cauhak taxak e̱chꞌo̱l riqꞌuin li Dios.

Amós 5:8

Li Ka̱cuaꞌ, aꞌan li quiyi̱ban re li qꞌuila chahim joꞌ li chahim Pléyades ut li chahim Orión. Aꞌan naxsukꞌisi li kꞌojyi̱n chokꞌ cutan ut naxsukꞌisi ajcuiꞌ li cutan chokꞌ kꞌojyi̱n. Aꞌan naxchꞌutub li haꞌ li cuan saꞌ eb li palau ut naxqꞌue li hab saꞌ xbe̱n li ruchichꞌochꞌ. Aꞌan Ka̱cuaꞌ lix cꞌabaꞌ.

Oseas 8:7

Li cꞌaꞌru yo̱queb chixba̱nunquil ma̱cꞌaꞌ na-oc cuiꞌ. Ut li cꞌaꞌru teꞌxcꞌul, aꞌan li osocꞌ. Chanchan nak xeꞌrau li ikꞌ ut aꞌ chic li ca̱k-sut-ikꞌ li xeꞌxkꞌol. Li trigo teꞌrau incꞌaꞌ ta̱atzꞌumak chi moco tixqꞌue ru. Ut cui ta tixqꞌue, jalan chic teꞌtzaca̱nk re.

Hechos 2:18

Ut tinqꞌue ajcuiꞌ lin musikꞌ chi cua̱nc riqꞌuineb lin mo̱s cui̱nk ut lin mo̱s ixk, ut talajeꞌxye resil li cꞌaꞌru ta̱cꞌulma̱nk mokon.

Ezequiel 34:26

La̱in tincuosobtesiheb ut tebincanab chi cua̱nc chixjun sutam lin tzu̱l. Tincuosobtesiheb ut tintakla li hab saꞌ xkꞌehil.

Isaías 32:20

abanan la̱ex sahak le̱ chꞌo̱l. Tex-a̱uk saꞌ li naꞌajej cuan cuiꞌ nabal li haꞌ. Ut eb le̱ bo̱yx ut le̱ bu̱r teꞌxic yalak bar chi ichajibc.

Isaías 30:23

Nak la̱ex tex-a̱uk, li Ka̱cuaꞌ tixtakla li hab re xtꞌakresinquil le̱ racui̱mk. Ut nabal ru le̱ racui̱mk tixqꞌue e̱re. Ut tzꞌakalak ajcuiꞌ li pachꞌayaꞌ reheb le̱ queto̱mk.

Jeremías 50:4

Ta̱cuulak xkꞌehil nak eb li ralal xcꞌajol laj Israel, ut eb li ralal xcꞌajol laj Judá teꞌcha̱lk chinsicꞌbal la̱in lix Dioseb. Yo̱keb chi ya̱bac nak teꞌcha̱lk chinsicꞌbal.

Isaías 5:6

Tintzꞌekta̱na li chꞌochꞌ aꞌan. Tincanab chi pimocꞌ ut tincanab chi ta̱mc li qꞌuix saꞌ xya̱nk. Incꞌaꞌ chic tinsabesi ru, chi moco kꞌunobresinbilak chic ru. Ut incꞌaꞌ chic tintakla li chok re tixqꞌue li hab saꞌ xbe̱n, chan li raro inban.

Proverbios 18:21

Li ani cha̱bil naa̱tinac, cua̱nk xyuꞌam. Ut li ani incꞌaꞌ us ta̱a̱tinak tixbok li ca̱mc saꞌ xbe̱n. Li ani nequeꞌcuulac chiru a̱tinac chi nabal, teꞌxcꞌul lix tojbal rix.

Salmos 72:6

Chitakla̱nk ta saꞌ ti̱quilal saꞌ xbe̱neb li tenamit. Chanchanak ta li hab li natꞌakresin re li chꞌochꞌ ut li ichaj.

2 Corintios 9:10

Li Dios junelic naxqꞌue li iyaj re laj acuinel ut naxqꞌue li kacua. Ut aꞌan tixqꞌue ajcuiꞌ li cꞌaꞌru ta̱cꞌanjelak ke. Ut tixqꞌue re̱kaj ut tixtambresi aꞌ yal chanru nocosihin.

Isaías 48:18

Xeba̱nu raj li xinye e̱re. Cui ta xeba̱nu, cuanquex raj saꞌ tuktu̱quil usilal. Li tuktu̱quil usilal chanchan raj jun nimaꞌ incꞌaꞌ nachakic. Ut le̱ ti̱quilal chanchan raj lix cau ok li palau li ma̱cꞌaꞌ rosoꞌjic.

Oseas 14:1

La̱ex aj Israel, sukꞌinkex cuiꞌchic riqꞌuin li Ka̱cuaꞌ le̱ Dios. La̱ex yo̱quex chixcꞌulbal li raylal xban li ma̱c xeba̱nu.

Isaías 54:14

Xban nak ti̱c e̱chꞌo̱l xakxo̱k e̱cuanquil saꞌ xnaꞌaj. Incꞌaꞌ texrahobtesi̱k chi moco texxucuak xbaneb li xicꞌ nequeꞌiloc e̱re.